Y a g i m a
بسم الله الرحمن الرحيم السلام عليكم و رحمة الله و بركاتو كيف حالك وأخبارك عمدة؟؟ .. أتمنى تكون بأفضل حالة و كلو تمام عندك. مبارك عليك الشهر الفضيل، اللهم تقبل منّا صيامنا و قيامنا   . ••• من كُتر والناس دحينَ أغلبها أصبحت واعية سِرت ما أشوف دولا إللّي يعتبرو الإعتدار أهانة، صح في ناس يعتبرو إهانة أو ضُعف وإمكن دا كان سببو إنّو ما شافو أحد أكبر منّهم يعتدر منّهم بسبب غلطة . لمّا الشخص يشوف إللّي أكبر منّو يعتذر منّو حيفهم إنّو الإعتذار عادي وطبيعي زيّو زي الأكل والشرب  . أمّي من كُتر وهي طيبة ربّي يسعدها ويحفظها إدا دفعتني بالغلط أو عوّرتني بالغلط تقول لي: آسفة حبيبتي ما كان قصدي. وهدا الشي صح يخلّيني أعصّب شويّا " ليش أمي تعتذر منّي مفروض أنا بس أعتذر "  ، بس مع الوقت فجأة لقيت نفسي أعتذر من أختي الصغيرة أو أخويا الكبير، يشيخ حتى إدا ضايقت بسّتي بالغلط وأنا مو شايفتها لا إراديًا تطلع منّي آسفة مو قصدي :" class="inlineimg" /> . الإعتذار حيلو لما يتوارث في العائلة، وتقريبًا تكون أحلى لو كانت مقصودة يعني مو تطلع لا إراديًا كأنّو حافظها و قاعد تسمّع، الأفضل تكون معنيّة تستشعر بالكلمة و إنتَ تقولها.. خاصة إدا أخطأت في حق شخص ما يعني القضيّة كانت كبيرة مرّة أحس غصب عنّك تعتذر، والباقي ع الطرف التاني يقبل أعتذارك أو لا أهم شي سوّيت إللّي عليك و أعتذرت. ••• ما هي نظرتكم للاعتذار ؟ أشوفو نوع من أنواع زرع الأُلفة بين الناس   ، وقوّة بالشخصية حيث الشخص المُعتذر يحس بنفسو و يتحمّل المسؤولية ويعتذر عن غلطو ويقول: إيوا أنا غلطت ، هينا منجد تُعجب بشخصيتو وتحاول تتقرّب منّو أو تمتثِل بيلو بدون وعي منّك، لأنّو الإعتذار شي قوي ولو رهبتو وهيبتو الخاصة . هل الاعتذار من صفاتك ؟ أظن تقريبًا، مو متأكّدة . هل تعفو عن من يعتذر اليك ؟
أم أنك ترى نفسك أعلى من أن تسامح من أخطى في حقك ؟! أحاول، رُغم إنّو يؤلمني إدا أحد غلط معايا و أعتذر  ، لكنّي أنسى اليوم التاني وأسامحو إلّا إدا كانت الغلطة كبيرة جدًا . هل الإعتذار إهانة ؟ ام حسن تربيه !¡ تقريبًا الأغلبيّة هنا عارفين إنّو حسن تربية، أبدًا ما يمت الإهانة بصلة . ••• ع أي حال أشكركَ ع الموضوع الجميل دا، وع الدعوة اللطيفة منك ، أسعدني التواجد هنا، سأكون بانتظار جديدك دومًا .
#ميّوم 
-
__________________
••• •
-
التعديل الأخير تم بواسطة Y a g i m a ; 05-08-2019 الساعة 04:46 AM |