[img3] http://www.arabsharing.com/uploads/153167236760084.gif[/img3]
Y a g i m a

بسم الله الرحمن الرحيم
السلام عليكم و رحمة الله وبركاتو
كيف حالكِ سراب مرّة تانيية؟؟!..
أتمنى إنّو كل شي في حياتك يمشي حسب ما خطّطتي لو.

well.. دوبو صحيت و خميس و مو فايقة أهرجج مع أحد
فما عندي شي أقولو غير صباحح الخير يالحُلوهه، أتمنى
لكِ صباح لطيف و مساء هادئ من الضوضاء..
ومهما كانت أخطاء الماضي والأمس أنسيها لأنو خُلقتي لتستمري
بالحياة مو لرؤية الماضي < مسوية حكيمة الأخت.
واللهِ مدري إيش قاعدة أقول معليش يعني سلّكي لي..

" لوحات فنيّة لرسام كفيف!! .. كفيف!!.. كفييفف!! "
العنوان بنفسو انصدم بنفسو!..
كيففف كداا؟!.. مُلفت يجدبك بسررعةة العنواانن وأحسس
غريببةة؟!.. يعني بحثت عندو الرسام دا وكنت أحسبو كفيف من
يوم ولادتو بس طلع إنو شاف الدونياا قد.. عشان كِدا يعرف شكل الأحصنة
وهدي الأشياء.

تصدقي دوبو فكّرتت حيكون حيلو لو جبنا الرسام الكفيف من ولادتو
ومثلًا نجيب لو بسّة ويلمسها ويرسمها.. هو ما يعرف شكل البسّة عشان
كِدا نخلّي يرسمها باللمس، أحس حنشوف أفكارو عن المخلوقات وكيف حيطلع
شكلها.. إمكن كمانَ حنشوف مخلوقات إمكن تطلع أسطورية لقلّة الناس
إللي شافو مخلوق مشابه للأسطورة فيروح الكفيف يرسمو وكأنو
شافو منجد، إمكن حنشوف شي لطيف خارج عن المألوف.. عالم من الفنتازيا؟!.
حيكون شعورر لطيييففف لما نشوف أشياء خارجة عن إدراكنا.
*
أتفففققق مع المددخلل!..
المعاناة تخلق الإبداع من طيّاتها، أحس أي شخص ما يسير أسطورة إلّا
إدا عانى من شيء في حياتو، كلنا عندنا حد معيّن لكميّة
الألم إللي ممكن نتلقاها من الحياة، والحدود دي تختلف من إنسان لآخر،
وإللي يوصل حدّو هنا يتغيّر ويعرف إنّو منجد الحياة مؤلمة، يعني مرة عادي
نشوف واحد أتغيّر عشان شيء سخيف بالنسبة لنا بينما بالنسبة
لو يكون شيء كبير و مستحيل ينسى إللي سار، حتى ربّنا قال:
لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ
رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ.

ربّنا وزّع قوة التحمل ع كل واحد فينا حسب معرفتو بالغيب، عشان كدا
مفروض ما نسخر من مشاكل أي إنسان مهما كانت سخيفة أو بسيطة:" class="inlineimg" />، إدا
في شي غلط من معنى الآية إللي فهمتو أنا قولولي في الخاص باليز..

ولللل هرجت كتتتييررر!..

خلّيني أكمّل هرج ع فناننا الموهوب جون برامبيلت!..
رغم إنّو فقد بصرو بس ما زال يكمل مهنتو إللي يحوبها، دا
دليل إنّو مافي شي يوقف بطريق الشخص إدا كان يحوب يسوّي
شي لنفسو، هدا هو الشخص إللي نتكلّم عنو ونقول:
" لا تجعل شيء يعيق طريقك للنجاح! ".
*
رسماتوو رهيييببةة وتفتح النفس للحياة، كِدا كأنو
قال حتكون عناوين رسماتي: كيف تحوب الدونيا بما فيها!..
[cc=#][/cc]
-
مو معقوووللةةة كميّة التفاصيلل الدقيقة الموجودة بالصوورةة!..
إنعكاس الأشجار ع سطح الماء و الحيوانات وتفاصيلها الدقيقة كالنقاط
ع ظهرها؟!..
مدري إدا عيوني فيها شي أو لا بس شايفة برتقالة كبيييرة
معلّقة ع أحد الشجرات إللي عند الموية أهخخخ، الألوان لوحدها
تكفي عشان تحوب الرسمة.

[cc=##][/cc]
-
الأضوااااء بالشوواااررعع الماطِرررة!!..
حبّيييتت دي رهييببةة واللهِ، إنعكاس الأضواء وتفاصيل
عامود الإنارة!..
دا الشخص مو طبيعي صدّقييينينييي!!..

[cc=###][/cc]
-
يووهه رسمةة لطييففةة تعبّر
عن الحُب اللطيف والبسيط إللي ما يحتاج تكلّف!.
رقة التحفة الفنيّة دي مع تفاصيللها تخلّيهاا تاخد المركز الأول
عندي، نفسي أشوفو وهو يرسم قدّامي أحس حستمتع بالمفاجآت.
*
الخاتمةة كلام معبّرر وإقتباسك لهاا جا منااسب
مع الفنان المُبدع دا، بس المشكلة إنّو بعضنا ما يعرف إنّو دا الشي هو
أحد خسائرو فما يعرف كيف يتصرّف، بينما البعض الآخر
ينتصر لكونو حوّل خسارتو لنجاح باهر ولسّه ما يدري
إنّو انتصر بل يحسّب إنو كدا ولا كدا هو خسران، كل شخص يشوف
الهرجة بنظرتو هو.

حبييييييتتت جهدكِ لمشاركتكِ لنا دا الإبداع مع دا
الشخص الموهوب!، واختياركِ للطقم ما كان مرّة موفّق بس لا بأس
لأنو أعطى الموضوع نظرة الراحة وطمأنينة النفس كِدا.

أعتبر جون أحد معجزات العالم من كُتر
ورسماتو دقيقة بدون بصرو..
عجبني الموضوع وأشكركِ ع اختيارو لنا، خلّيتي القلب ينبسط
من المتعة اللطيفة والخفيفة.

أتمنى أشوف مجهوداتكِ مع بعض الفواصل والتنسيق حيسير
الموضوع خووراااففيي بحتتت!، عذرًا إدا أزعجكِ شي من
ردي البسيط وأنتظر جديدكِ الرائع يالجميلااهـ.
لكِ كل ما هو لطيف، كوني بخير دائمًا..

#ميّوم



-

__________________