[img3] http://www.arabsharing.com/uploads/153167236754813.gif[/img3]
Y a g i m a
بسم الله الرحمن الرحيم السلام عليكم و رحمة الله و بركاته كيف حالكِ يالحُلوهه؟!  .. أتمنى إنو تكوني بخير وبصحة لأنو ما ينفع الناس تأكل أكل مو صحّي < تبا تسوي نفسها كوميدية بس لم تزبط معها . * يشيخه ياريتو يطلع حقيقة لأنو نفسي نغيّر من الجو شويّا خلاص سرنا متعودين ع الأماكن البشرية الادية أبا تغيير، أبا أشوف أشياء خارجة عن المألوف وأتأملها و آخد صورها وياااهه حماااس  !. اعتقد دا الفن إلكتروني أحسّو سوّو بالأجهزة من كتر وهي متقنة  والأجمل إنو ما أقتصرت ع كونها صورة وبس.. لا كمانَ كل صورة فيها عُمق فكري وشي من الحكايات . * [cc=#1] [/cc] - أعترف إنو دا العمل هو إحدى الأعمال الغريبة و الجميلة في نفس الوقت .. تحت في مدينة تشبه المتاهة تسكن في عالم البحر، بينما في جُزر تسكن فوق البحر و الجزيرة دي عندها سر محد يعرفو: الأرضهم هي مجرد ديناصور غريب الشكل جسمو يشبه الصخور، ديناصور ما أنقرض لسه من أيام الديناصورات لأنو الأسماك تشوفو مجرد صخرة عادية فلمّا يقربو يتغذى عليهم، بينما العالم السفلية تراه سماءها!. [cc=#2] [/cc] - حبّيييتت " مدينة الوقت " في هدي المدينة بالذات محد حينسى مواعيدو وأوقات أشغالو و دواماتو.. محد حيكون عندو عذر إنو نسي الوقت ، وحيلاحقك شرطي الوقت المُجنّح بمواعيدك .. بس إيش حيسير للي يخترق دا القانون وما يهتم للوقت؟!. [cc=#3] [/cc] - بعيدًا عن كل شي هيناا حبّيت شكل العربة الغريب، دكّرني بباص المدرسة ما أعرف ليش؟! بس منجد شكلو غريب و مُلفت للأنظار و أحس الديل حيكون لو فايدة كالحفر و من هدي الحرنكتات صح؟! .. هدا غير عن شكل الحيوان الأشبه بالقط و المخلوق الفضائي بنفس الوقت.. أوه لحظة  !!. لححححظةةة هددديي مررركبةةةة مخلوقاااتت فضااائيةة و دا حيواننهمم الألييييييييييففف !!.. حماااس أبا أقاابلهمم أعرف إنو إمكن حموت حياخدو جلدي ويسوّو بيلو معاطف و كِدا!. * أحس أنغرقت في خيالي و أنا أتعمّق في الأعمال دي لأنو منجد غريبة وفيها شي يجذب الصراحة أستمتعت بالخيالللل مرّة وأتمنى تكتري من هدي المواضيع إللي تصحّي خيالنا عشان نشوف دا الجمال ونبهر عيوننا أكتر وأكتر . طرحكِ رغم قلّة صورو إلا إنو موضوع في غاية الجمال والترتيب البسيط المريح للنفس :" class="inlineimg" />.. شوكرًا فود اللزيزة ع مجهودكِ اللطيف، أنتظر جديدكِ بفارغ الصبر . #ميّوم 
-
__________________
••• •
-
التعديل الأخير تم بواسطة Y a g i m a ; 03-12-2019 الساعة 05:14 AM |