‏ ‏[img3] https://e.top4top.net/p_751jj2ws2.gif[/img3]
-سيل

السلام عليكم ورحمة الله وبركاته


كيف الحال سيلفر ووسام بتمنى انكم بخير وبصحة جيدة

وكل اموركم بخير وتحت السيطرة.

عن جد كثير انبسطت بحضوركم وبموضوعكم الراقي والمتنوع

وفعلا موضوع مشترك بيناتكم اكيد النتيجة حتكون بهيك روعة ورقي

حبيت اسم الموضوع جزء من الزمن مشبع بالحياة


وفعلا الصور كلها متنوعة ومشكلة تشكيلة حلوة

فعلا بتحسها زاخرة بالحياة بتحكي قصة وموقف

ذكريات ولحظات على البال مانها منسية بس مختفية

بين طيات الذاكرة.

اما التصميم قصة ثانية حبيت الهيدر تشكيلة الصور الي فيه

الألوان والتأثير طلع بيجنن من الاخر.


صراحة حبيت كل الصور بس راح اختار منها كم صورة




حبيت هالصورة على قد مافيها اختلاف باشكل النافذه والالوان

نفس البناية بس الأذواق مختلفة مابعرف حسيت هالصورة

بتعبر عن الاختلاف الصاير بين الاشخاص انو شخصية الانسان

كيف البصمة مابتشبه حدا حتى لو ساكنين في نفس البناية.



حبيت تشكيلة الالوان الي بهالصورة خليط الازرق الاصفر والاحمر

مبين عليه حي بسيط مع ذلك مبين راقي ومتناغم مو ضروري الاشياء

تكون فخمة لتكون متناغمة ومتناسقة يمكن من ابسط الاشياء نحقق هالشي.



خليط الاوراق الزهرية والحمراء شي خرافي والشجرة الي بجنب الجسر

والجسر الي بيطل على البحيرة بس الشوفة بتخليك تفرح وتنبسط فكيف

لو كنت قاعد بهيك منظر طبيعي اكيد احساس غير



صورة الثلج كيف فيه يغطي معالم اي شي ويغزو كل الالوان

ليحول كلشي للون الابيض لون الفرحة والطفولة والبراءة

لون نقي صرنا بنفتدو بعصرنا الحالي.



حبيت هالصورة فيها نوع من انواع الخدع البصرية بسبب الضباب


بين جزء من الصورة بس يعني جزء من الجسر بس

كانو الجسر هيك مالو بداية ولا نهاية بس جزء هيك معلق.



جو خيالي المطرة وتساقط الاوراق وهالشخص الي بيمشي بالمطرة

كثير بعشق امشي بالمطرة خصوصا لو بشي مكان هادي مثل هاد



كأنها شي صورة من شي فانتازية صينية مهرجان المصابيح الورقية

شي خرافي من الاخر ضو المصابيح مع ضو النجوم

الهدوء والسكينة الي عمت المكان شي روعة من الاخر



حبيت باجروند الصورة الالوان والاضاءة والاكسسوارات

بس اكثر شي حبيتو بالصورة في تمثال تذكاري للجميلة والوحش

مو مبين منيح بس حسيتو هيك.

يسلمو غوالي على المجهود الكبير والنشاط الهائل

وبتمنى تنورونا دايما بموسوعة الصور وماننحرم من تواجدكم

كونو بخير دائما

شكرا لكِ يُونا . على الطقم الأكثر من رائع