عيون العرب - ملتقى العالم العربي - عرض مشاركة واحدة - راقي

**Rαin** · #5 09-20-2018, 08:23 PM

[img3] http://www.arabsharing.com/uploads/153160050606769.png[/img3] [img3] http://www.arabsharing.com/uploads/153167236754813.gif[/img3]
Y a g i m a

السلام عليكم ورحمة الله وبركاته،
شخبارك اخوي؟ عساك طيب؟
فكرة انك تدعم اختك وتنشر رسوماتها استانست عليها ،
اذا شخص قريب مني اعجبته رسوماتي بطير من الفرحة،
فشلون لو دعمني ونشر رسوماتي؟ ماقدر حتى اتخيل فرحة اختك .
ربي يخليكم لبعض .
لوسمحت خل اخوي يتعلم شوية منك .

ماشاءالله، اتقان ،
دايما انجذب للرسومات اللي مب ملونة، وتعجبني اكثر من غيرها ،
انهبلت على هالرسمة، واضح متعوب عليها، وشكلها استعملت المسطرة
الخطوط كلها متقنة، انا اذا استعمل المسطرة ماقدر ارسم خطي مستقيم لازم ينحرف شوي .
والتظليل؟ ياخي التظليل يصيييح، قصة بروحه .
تركيزها في التفاصيل الصغيرة نفس القرميد اللي بالجسر مبهر

هنا نقدر ننتبه للحركة الموج من التظليل، جدااا حبيتها
حتى السفينة حلوة ، تذكرت لما كنت صغيرة، شلون كنت ارسم سفينة؟ اسوي قوس وخط مستقيم ومثلث.
القوس يمثل السفينة، الخط المستقيم السارية، اما المثلث فهو الشراع .
والبيت؟ ابي اعيش فيه ): . مكان يطل على البحر. كله بس بقعد هناك وبصور

ماحب الاقراط الكبيرة، احسها ثقيلة على الاذن، والشعيرات اللي بالشعر ):، ياخيي فنن
اكثر شي حبيته هنا الحواجب، الحواجب مرتبة اكثر من حياتي وغرفتي .
ورسم الشفايف متقن والتظليل مناسب، ولا غلطة
حبيت تسريحتها ، افضل الشعر القصير على الطويل

مادري ليش نظراته ذكرتني لما تروح الاستديو وتتصور صورة شخصية، لشي رسمي نفس الجواز مثلا.
قبل شهر رحت اتصور للجواز، ياربيي. المصورة تقول ابتسمي وانا ويهي متجمد لاشعوريا.
كأني داخلة جنازة ولا السجن . المهم تعبت معاي وهي تقول ابتسمي.
هنا ابدعت ماشاءالله، يبيلها بس تنزل الشفايف لتحت وبتصيير ممتازة.

يعطييها العافية اختك ، دايم ادعمها ولاتوقف
صدقني فرحتها لدعمك بتكون اكبر من فرحتها باي نجاح.
وخليها تواصل وتستمر بفنها