[ALIGN=CENTER][TABLETEXT="width:100%;background-image:url('https://www.up4.cc/image133056.html');"][CELL="filter:;"][ALIGN=center]السّلام عليكم ورحمة الله وبركاته
كيفك رامز؟ عساك بخير؟
صحتك؟ نفسيتك؟ ودراستك؟
ما بعرف إزا حتّى قررت تكمل دراستك أو لا.. يعني ما بعرف ايش قررت تعمل بحياتك

لكن الكلام اللي بدّي أحكيه رح يكون نفسه بغض النّظر
الصّراحة من حد ما فكرت أكتبلك شي وأنا نفسيتي نفسيّة حد جاي يعطي محاضرة
ما بعرف ليه
بس حتّى ولو أعتقد بطلعلي.. بضل أكبر منّك وعندي خبرة أكتر بالحياة
كم فرق العمر بينّا صحيح؟!! خمس سنين؟!!
عمريش حسّيت بهالفرق لأنّك ما بتعاملني على إنّي أكبر منّك أصلاً
المهم

بغض النّظر عن سنين حياتك اللي مضت فأنا بعتبر وانت لازم كمان تعتبر نفس الشّي
إنّه حياتك توها بدأت
كل اللي مضى كان عبارة عن .. "طفولة" مش أكتر
كان نصف والجاي نصف تاني مختلف تماماً
انسى أشباه التّجارب اللي عشتها فيما مضى
وابدأ تجاربك الحقيقية من الآن

وخلّك دائماً واثق إنّك أجمل شخص من الدّاخل ومن الخارج
وإنّه هاد الشّخص الجميل يستحق إنّك تثق فيه وتعطيه ما يستحق، ودائماً تمنحه فرصة ليخوض بتجارب جديدة
وليصلح خطؤه وليحب ويكره متل ما بدّه
نفسك هذه دللها ، لأنها الوحيدة اللي رح تضل معك وتساندك
فابنيها على أساس قوي لحتّى ما تحتاج حدن
لأنّه الناس مو غنيمة.. وإذا بنيت نفسك على الثقة فيهم رح يضل أساسك ضعيف


هاد بالنّسبة للنصائح أتمنّى يوصلك منهم ولو شي بسيط لأني حتى وأنا بعقلي بعريفش أوصل أفكاري

المهم

هذه التدوينة بمناسبة نجاحك بالثانويّة

ألف مبارك
تستحق حفلة والله.. أتمنى تكون عملت وحدة بالفعل وفرحت نفسك لأنّك تستحق
وأتمنّى تستمر بمسيرة النّجاح
وتنبسط بحياتك أكتر وأكتر

ههههه مدري أنا تأثّرت رغم إنّه مو طالع معي شي لأحكيه
هي هيك دائماً المشاعر الصادقة ما بتطلع بسهولة!!

حضرتلك 3 هدايا بهالمناسبة
ولأنّه ما بعرفك إلّا هون فالهدايا هي إشيا تخص المنتدى طبعاً
وهم اللي حكيتلك عنهم إنّه ما لقيت شي يشبهلك
الأولى هي طقم المدونة هاي رغم إنك ما بتستخدم واحد لكنّي عملته
والله تعبت مووت عليه

والتّانية هي هاد الطقم
حبّيت أعملك شي متحرّك
وهاد أفضل شي طلع معي




والتّانية هي برضه طقم
بلكن عجبك






في النّهاية

بعرف إنّه كل اللي كتبته وعملته رح يخيّب أملك
تحسّه كلام عجايز
مشكلتي منطقيّة وواقعيّة زيادة عن اللزوم

وفي النهاية برضه
أنا ما بعرفك منيح لكنّي على ثقة إنّك شخص رائع ومميّز
وبتمنّى تفتحلنا قلبك بشي مرّة من المرّات
رغم إنّي قلت فوق ما توثق بحد هاد هو الانفصام
أو فضول هههههههه


في النّهاية العن جد

بتمنّالك الأفضل من كل شي
كُنْ سَعيداً

في أمان الله
[/ALIGN][/CELL][/TABLETEXT][/ALIGN]