كل ما احكي " ممكن تكون هي اخر زيارة لي للمنتدى"
بلاقي نفسي فتت مرة و مرة ومرة حتى لو بعد غياب
حاليا بعيش العام رقم 9 هنا
سنوات ممكن ما كنت فيها الا بدايتها بشكل كبير و غلبنا الوقت وقل الدخول مع الزمن
بس كل مرة بفوت هون بتذكر اول مشاركات اول اعضاء اول مسابقات اول تصاميم .....
9 سنين فترة كافية انه يصير كل من شاركك فيها اهلك واخوانك
ويعنولك الكثير وتدعيلهم بظهر الغيب بالتوفيق والسعاده الابدية

هون بالمنتدى بفوت وبتجول بين الأقسام مثل عجوز يزور حديقة تعود يلعب فيها ايام طفولته
يلمس اشجارها بكل حنين وحزن و يشم ريحة ترابها بكل شغف وحب
ويجلس على كراسيها وبيده صور و رسائل وذكريات
ويبدأ الزمن يرجع بعقله لحد ما يوصل للماضي
ويحس طعم الحلوة الي كان يشتريها من البائع في الحديقة

الله يحفظكم جميعا
ان شاء الله نبقى هنا الى الابد