السلام عليكم ورحمة الله وبركاته،
شخبارج ترانيم؟ عساج طيبة؟
قريت جزء من العنوان ودخلت "5 ملصقات علقيهم على غلاف.."
خطر في بالي ستيكرات ستروبي شورت كيك  .
بس حبيت المضمون، يعبر عن اشياء لو انسويها ممكن تغير من طريقة حياتنا بشكل.
الملصق الأول: كل وحدة فينا عندها جمال داخلي وخارجي، مومهم شيقولون الناس.
المهم اننا نعترف بهالشي داخلنا. احنا مانخلقنا عشان نرضي خلق الله، وكلام الناس عمره مابيخلص
"انتي موحلوة، ويهج مدور،ويهج فيه حبوب، ثيابج تلوع الجبد." لوقعدنا نسمع لهم ابدا مابنقدر نستناس بحياتنا.
الملصق الثاني: مادري ليش مجتمعاتنا تتمحور حول الريايل، نوصل لسن معينة تبدأ فيها الناس تتسأل ليش البنت الفلانية
للحين ماتزوجت؟ اصلا ليش لازم اوقف حياتي عشان نفر؟ اترك دراستي وكلشي مونسني عشان احد يخطبني؟ لا بالله فلحت
يمكن طلعت برا هالملصق 
الملصق الثالث: انا ماقهقه بس، انا ضحكتي تهز البيت لازم اذا ضحكت، اهلي كلهم يعرفون اني ضحكت
اكون حدي ماخذة راحتي. طبعا ماسوي هالشي في الاماكن العامة وفي النهاية صوت المرأة عورة، فحذراي 
الملصق الرابع: اعترف اني اذا شريت شي ومتحمسة اجربه، لازم اذوقه حتى لوبالشارع
اهو عيب بس الصراحة محد يقدر يوقف بيني وبين الاكل .
الملصق الخامس: احنا اغله من اننا نسوي شي جذي، لازم كل وحدة تسوي جي تسأل نفسها اهي شنو بتطلع فيه بالنهاية؟
شبتستفيد بهالعلاقات؟ غير الذنوب والشعور بالذنب؟
الله يحفظنا بس .
مشكورة ترانيم، حبيت كل نقطة ذكرتيها وماقدرت امنع نفسي من انني اعلق على كل وحدة
يعطييج العافية 
التعديل الأخير تم بواسطة مَنفىّ ❝ ; 09-02-2018 الساعة 11:07 PM |