السلام عليكم ورحمة الله وبركاته،
شخبارج نور؟ عساج طيبة؟
موضوعج يابلي وايد ذكريات، من لما صغار ويعلمونا شلون انسوي اورقامي،
بس حزتها ماكنا انه له اسم اصلا، كنا نسوي قوارب، وطيارات. ايام ):  ،
وبالجامعة خذت مقرر عنه، بس مشروعه كان يلوع الجبد،
كان المطلوب نصوير فيديو لنا واحنا نشرح شلون نسوي اوريقامي صعب.
ونزلناه ع اليوتيوب  .
ودكتورنا خلانا نسوي ورش عنه بعد، نعلم فيهم باقي طلاب الجامعة ،
الصراحة ذي يديد علي :
Ori: طي ،Gami: الورق
النوع الأول : هو طي القمة Mountain crease (الأعلى)
النوع الثاني : هو طي القاع Valley crease (الأسفل)
^هذي الكلمات كان دايما يرددها لنا ويقولنا نقولها حزة الشرح
ونفس ماقلتي الاوريقامي، يبيله تركيز حزة مايسونها+ حسابات ورياضيات.
في له اوراق معينة بعد يستعملونله، تكون سهلة الطي وخطوط الطي تكون واضحة فيها،
حبيت اضيف شي بسيط :
https://www.origamiway.com/
www.origami-instructions.com
هذي مواقع وايد سهلة التعامل، وفيها اوريقاميات سهلة التطبيق،
هي صج بالانقلش بس مدعومة بالصور، بحيث اذا مافهمت الكلام تفهم من الصورة.
يعطييج العافية يالجميلة موضوعج مرتب ومتكامل
التعديل الأخير تم بواسطة مَنفىّ ❝ ; 08-30-2018 الساعة 11:39 PM |