- السلام عليكم و رحمة الله و بركاته ,
يسعد لي صباحك | مسائك : بكل خير و سعادة
كيف الحال ؟ إن شاءالله بخير و بأحسن حال ؟
ماشاءالله تبارك الله وش ذا الزين وش هالجمال
والله جمال موضوعك ذا يصيح يبكي يدوخ و كل حاجه
ماشاءالله عليك من يومك و أنتي مبدعه و تحاولي تناظلي
و تطلعي قسمك بأبهى حله
أحب أفكارك ماشاءالله تبارك الرحمن كلها جميلة و لسبيل تنشيط قسمك
و هذا ألي أحبه فيك يوضح أنك إنسانه فعلاً مُهتمه و أنا أحب الناس ألي كذا
يا زينك بس تجننين - بصراحه فكرة المجلة هذي رهيبه و تهببل مره
و تشتغلين أنتي عليها لحالك وربي أحس حاجه صعبه أذا أحتجتي أي حاجه لازم تعطيني خبر
ولا ترى بزعل عليك لازم لازم لازم - مابي أكون كذا مزهريه لازم أساعدك
+ ماشاءالله والله لو فيه ختم أكثر من الألماسي كان ختمتها لك جمال لا يضاهى ماشاءالله
الفقرات جميلة و حلوة و حبيت ترتيبك لـ تصنيفات الأنيميات و فقرة الألعاب هذي جمميلة *^*
خصوصاً لعبة أرافيستا حسيتها حلوه مره حبيتها + كل المعلومات ألي حطيتيها جميلة و مختصره
بالنسبة لـ أنيمي القناص أو هانتر أو ألي هو قلبي أنفطر الله يغربل هالتوغاشي !
ياخي ما يرحم ولا يداري أمس جالسه ألف مواقع المانجا أشوف هي نزلت ولا لا المصيبة أنو لها 6 شهور
شكله ناوي يسحب الأخ لمدة 6 شهور ثانيه و يكملها سنة ! ياخ أنت زوجتك رسامة مانجا ليش ما تخليها تساعدك غصب9
فعلياً توغاشي يدمر نفسه بأنانيته و هذا الي متعبه و يدمرنا أحنا كـ مُتابعين كذا راح ننسى الأحداث و تبرد الأحداث و الحماس
حسبي الله بس جتني غصه بحلقي ! ابي اشوفهم يضعون أقدامهم على أرض القارة المظلمة
هل فعلاً جد قون عايش فيها أو لا ياخي تحمست وش ذا وجع عليك يا توغاشي !
اههه بس فز قلبي يوم شفت أسم سلام دانك قدام عينيّ
يا زينها من مانجا بس مستحيل تجي مانجا كرة سلة تضاهيه حتى كوركو نو باسكت ما يضاهيها
ياخي لها طعم كيف أنه يصنع أحداث رائعه واقعيه بعيدة عن الخيال مثل كوركو و تحمسك أحب كذااا
بالنسبة لـ أنيمي نارتو هالأنيمي أحسه أفضل من ناحية الأحداث و أنيمي ولده بورتو أفضل من ناحية الرسم و التحريك
يعني تحسينه كذا الرسم و التحريك فرفوشي أكثر من نارتو - بس يظل المعدن و المسك في الأساس نارتو
طوكيو غول : أكرهه هالأنيمي قسم بالله صار أبيخ أنيمي على وجه الأرض أنا ندمت أني ناظرته !
القصة كانت جميلة خرب أبو أبوها الكاتب و الرسم كل ماله بالمانجا يكون أسوء ! ولا عاد يوم رجعون كـ Re
والله ظنيته فانز ارت وش هالرسم الخايس من الأستديو ! معليش ماقدرت أناظره كنت بس معتمده ع المانجا
و كانت النهايه مدري وش تبي مبهمه كأن الكاتب صام صام بعدين افطر على بصله ! - أحب الأكشن أنا ما أحب كذا
المهم كني طولت - يعطيك العافيه والله على الموضوع الجميل و الرائع و المبهر
قسم بالله ما قصرتي و متحمسه للعد القاااااادم وزي ما خبرتك لا تنسيييين أذا أحتجتي أي مساعدة خبريني
و يعطيك العافيه يا جميلة و لك كل شيء جميل - في حفظ الله و رعايته .
[/COLOR][/SIZE][/FONT][/B][/CENTER]

__________________