ميمي
-
السلام عليكم ورحمة الله
اخترتي موضوع صدق جميل 
الزمن يتغير والناس وطبائعها تتغير، من جهة معهم حق انه الاغلبية حادوا عن الطريق الصحيح من جهة ثانية الحق عليهم بأننا بزمان غير زمانهم ما يناسبنا نكون ك نسخة طبق الاصل عنهم
بس احنا ما اسمنا جيل فاشل ابد ولا كان بزمانهم كل الناس ناجحين ،الصنفين ذول موجودين بكل زمان بس نسبة ذول ل ذول يلي تختلف اما انعدام صنف تماما بزمن معين ما في هيك شي ،ما رح قول السبب هو السوشال ميديا ووسائل الاتصال الحديثة السبب هو سوء الاستخدام من شعوبنا للاسف،نشوف اولاد يتشبهوا بالبنات واهتماماتهم تتركز باشياء مرة سخيفة ذا كله مشان يحصلو شهرة بمواقع التواصل ،يلي يكون اكبر انجاز الهم رقم كبير من المتابعين او اللايكات هنن بنظري يلي ينوصفوا ب "فاشلين" والمضحك بالموضوع انهم اكثر ناس يحكوا ع مجتمعنا وبأنه ما فيه خير بس الصلاح يبدأ من شخص ليش ما تبدأه انت ! ورح يكبر وينضم لك كمان واحد واثنين وعشرة،او عالاقل خذها من مبدأ انه ما بدك تسوي خير لا تسوي ،بس اكفي شرك اقل ما فيها.
نقطة ثانية يلي حكيتي عنها انهم يوصفوا جيلنا بأنه مو قد المسؤولية ،شباب وبنات بلدي يلي بعمري واقل مني او اكبر مني بفروق بسيطة هم يلي وافقين بوجه اليهود في غزة وهم اكثر ناس ع قدر المسؤولية وهم يلي فيهم كل الخير  ، طبعاَ في كثير ناس بغير دول يلي غارسين لنفسهم قيمة ورافعين مرتبتهم بأفعال راقية مو غناء ولا رقص بس حكيت ع مستوي بلدي انا بس
بالنسبة لجملة"ان زماننا في جميع اطرافه زمان لا يصلح للمعيشة" هالشي بالنسبة الهم ممكن يكون كذا لانهم بالاصل مو من زماننا من بداية ولادتهم متعودين ع نظام ثاني ويلي تعودوا عليه بصغرهم هو يلي يشوفوه صح واي شي ثاني غلط ومتعصبين لعاداتهم بشكل كمان !
ممكن يكون في ناس من نفس جيلنا كمان يتفقوا مع هالشي والسبب البعد عن الدين بشكل كبير والانغماس باشياء يخيل للانسان من بعيد انها جميلة بس هي من قريب سامة،اكبر مثال الشعوب بدول الغرب واغناها واكثرها توافر لاسباب الراحة والرفاهية اغلبهم ينتحروا او يحاولوا ولا حاجزين عند اطباء نفسيين الكل غرقان باكتئاب رغم انه كلشي متوفر عنده بس ابدا السعادة مو متواجدة والسعادة عمرها ما بتتواجد لشخص بعيد عن ربه.
عنا بالوطن العربي في اشخاص تربط الدين بالتخلف ! وحاشاه دين الله ،التحضر مو بالبعد عن الدين ابداً،ربنا اوجد دين صالح لكل زمان ومكان زماننا وزمان اجدادنا والمستقبل يلي ما حنكون فيه ، ربنا هو الاولى بتصديقه واتباع دينه مو اتباع الغرب يلي اصلا تحتقر العرب والمسلمين رغم هيك كثير مستمرين بتقليدهم
نحن مو بحاجة نمشي ع عادات اجدادنا ولا بحاجة نمشي ع طريقة الغرب ما في شي يناسبنا غير الدين المكتوب النا لهيك وقت كان الحكم للخلافة الاسلامية كنا الاكثر تطور ورفعة وحضارة اكثر من الغرب كمان يلي نشوفهم اليوم شي واو كنا اعلى منهم ورح يضل الاسلام الصحيح مترفع عن الجهلة يلي ما يعرفوا شي عنه غير شكليات حتى ما يفقهوها .
__________________ سبحان الله -الحمدلله- لا إله إلا الله- الله أكبر
التعديل الأخير تم بواسطة #MiMi ; 06-15-2018 الساعة 11:49 PM |