عيون العرب - ملتقى العالم العربي - عرض مشاركة واحدة - ذهبي: -ヽ( 'ω' )ﾉ We Are Cute

**باندورا** · #13 04-26-2018, 03:42 PM

[img3] http://www.m9c.net/uploads/15212015242.gif[/img3]
عااااا فديتك باندورا تشان
ردك يفتح النفس و ربي
ياجيما

-
السلام عليكم ورحمة الله وبركاته

كيفك ياجي ان شاء الله منيحة

سوري على التأخير بالرد بس

كنت مشغولة بالدراسة شوية

وماكان بدي اكتبلك اي رد والسلام.

شو هالفخامة يا بنت

ماشاء الله عندك لمسة فنية خاصة فيكي

وبينت كثير هون.

يمكن لانك رسمتيهم بحب وهالشي

مبين بكل الرسمات.

مع احترامي لكل الأراء وأصحابها

ماحسيت انك مستعجلة أبدا في رسم

أي رسمة من هون بالعكس شفت انك

عطيتي كل رسمة حقها بمفهومك الخاص

وبحسك الفني الخاص.

الي بدي احكيه انو كل رسام الو لمسة خاصة فيه

يعني مثلا نفس الرسوم الي رسمتيها ممكن حدا تاني يرسمها بطريقة تانية

حتى لو كانت نسخ لرسوم أصلية.

كل واحد بيضيف لمسات خاصة فيه.

والا كانت كل الرسمات بتشبة بعض

وماكان فيها تميز ولا بتعطينا شي جديد.

وانتي عندك هالحس الفني الطفولي

الي بيرجعنا لأيام الطفولة وأحلامها

والسعادة الي كانت مالية أيامنا.

نيجي لرسوماتك

هالرسمة حبيتها كثير بحسها كانها حية

وانهم راح يتحركو كل مرة عم شوفها

حبيت التفاصل العيون والتم والبسمة الي على وشهم

وطريقة رسمهم كانت دقيقة لأبعد حدود.

يمكن الي ماجرب يرسم قبل

مابيعرف انو حتى رسم شكل الرأس بيتطلب وقت.

بتزكر قبل يومين كان بدي أرسم بيكاتشو شفت رسمة الو

عجبتني فحبيت اطبق.

المهم باخر القصة طلع مخلوق فضائي

فحكيت لحد هون وبيكفي راح اخرب زكريات بيكاتشو هيك.

هاد كمان بحسو حي وبحس انو حيتحرك باي وقت ويبلش يتقلب

عن جد سو كيوت ما شاء الله بيجنن.

البسمة الي على وشو ورسمة أطرافو

شي فخم عن جد

هاد بيذكرني بدبدوب حديقة الحيوانات نفس الوقفة

بس كان يستنى ارميلو البسكوت.

صديق الطفولة اشتقتلو كثير

في فرق بينو وبين دبدوب الحديقة الجديد.

ما راح احكي شو عمل اخر مرة شفتو قبل اسبوعين

حدث ولا حرج

هاد بتحسو حاطط ايد على ايد

وعم يتزكر ذكرياتو مع ياجي

كثير مبسوط وسعيد.

حبيت طريقة رسم الوش والاطراف

الايدين والرجلين سو بيرفكت

ماشاء الله

هاي كوالا انثى صح

فيها شبه من همتارو

احذر همتارو يا سوسان

روعة وكثير كمان.

حابة اقلدها بس حرام اخربها

خليها هيك حلوة بدون تدخلي

كل الدراسات اثبتت اني بعرف ارسم

بس التجريدي والتكعيبي

مين هالمجرم السفاح القاتل المتسلسل المتوحش الي ماعندو قلب

ولا ضمير ولا ذمة الي مزعل هاد الجمال كلو

يؤبش يؤبش شو بيجنن

بيتاكل أكل صراحة من حلاوتو.

هاي بتشبة قطتي ميمي انذل قطة بالعالم

بس تحب تاكل بتعرفني

وبس تاكل بتبطل تعرفني

قمة النذالة والشراسة.

عن جد ياجي بدون مجاملة رسوماتك كلها حلوين

بيجننو لدرجة بيخلو الواحد مبسوط وهو بيتأمل فيهم

استمري وان شاء الله راح يصير عنك خبرة اكثر مع الوقت.

دايما بحكي اهم شي باي هواية حبك الها ويكون عندك هالموهبة

والملكة الخاصة فيك.

كوني بخير