عيون العرب - ملتقى العالم العربي - عرض مشاركة واحدة - ألماسي | وبكٓ تبـتل عروق و ترتوي شرايين |يوميـات....

**Rαin** · #15 04-13-2018, 05:24 PM

أعتبري انو انا طيف

ععَن جد حبيت ردككك ي لطيف شو مهضوم):

سازيلا

السلام عليكم ورحمة الله وبركاته،

شلونج طيفة طيف ؟

الاااه جميل الطقم، ناعم وكيوت .

ياخي ليش مايزرعون عندنا شيرة هالطول، كل اللي عندنا قصار ومتان .
الشيرة اللي جي تعطيج إنطباع انج قاعدة بدولة غربية، لانه كل شيراتهم جي .

تفتح النفس هالحديقة، وايد نظيفة بالنسبة للحدايقنا، تعالي وين اليهال؟ غريبة تكون الحديقة فاضية من البزران.
زين لحقتي تصورينها قبل لايهجمون عليها .

جميلة هالصورة ، خاني التعبير ماعرف شقول. ابي اجرب اقعد هني واقره كتاب

شلون قدرتي تصورين الحمام من غير مايشردون ؟ انا حتى لو ابي اصورهم من بعيد واسوي زوم يطيرون ، جنهم حاسين انبي ابصورهم.

جميلة الصورة، الليتات شلون صايرة وبالظلمة .
الله يرزقنا روحة مكة .

احب صورة المطر اللي جي، يعني قطرات المطر هنا صايرة جنها سايحة على بعض وعاكسة جزء من الانارة .

هذي بعد خطيرة ، حلوة حركة السياير اللي صايرة بلري

جد طعمه مب شي؟ مع انه الشكل يشهي *فيس يمسح سعابيله*

احب صور الفنايين مع الورد، تعطي جمال فاخر للصورة .

الكلام اللي بالكتاب جدًا واقعي>اندمجت وانا اقره .

سبحان الله، انتي وسازيلا تحبون تصورون هالورد. شخصيا احب كل انواع الورود بس ذي بالذات ماحبه أحسه منتف .

في هالصورة حبيت شلون الفوكس صاير ع الورد الابيض المنتف، وشلون اللي ورا صاير مظلم

هذي جميلة بعد، والكلام المكتوب .
احسن شي سويتيه انج حطيتي الورد صوبه وصورتيه. احس لوصورتيه بدون الورد ماكان بيطلع حلو

احين ذي ورد طبيعي ولا صناعي *فيس يفكر*

ماحب اي شي فيه كوفي بارد، اذا كان حار مب مشكلة. بس بارد نهيي.
بس الصورة تشفعله

انا اذا يكون عندي ورد، بعد ماخلص جلسة التصوير انتفه >متوحشة، ولا اعطيه احد من العايلة الكريمة .
ماشاءالله شكلج من النوع اللي يحتفظ فيها لماتذبل. طالعة حلوة بالصورة .

هذي جماليشن .

حبييت الصورة، هذي أحله حدة بالنسبة لي .
لون السماء والتراب معطي جمال زايد للصورة .

احب اصور زحمة السيارات . بس سبحان الله ولا مرة قدرت اضبطه كثرج هنا

ماعليج شر، ان شاءالله تصيرين احسن واحسن، وحمدلله ع سلامتج .
حتى وانتي تعبانة تصورين . وسبحان الله ماخذه صورة حلوة .

هذي الصورة عجبتني بعد، شلون المكان صاير مظلم والنور طالع من الدريشة بس .

طيف، تصويرج يخبل والله. صدقت سازيلا لما كانت تتغزل بتصويرج .
يعطييج العافية ع هالموضوع المميز، يستاهل الالماسي .

سوالفج ماينمل منها استانست وانا اقراهم. مت ع سالفة اخوانج وانتي تحاولين تسكتينهم عشان تصورين >هالموقف لازم اعيشه مليون مرة اذا ابصور .

والتأثير اللي مستخدمته، وايد مناسب الصور يعني ماحس انج بالغتي وانتي حاطته .