فلور
~

السلام عليكم والرحمة
كيف حالك؟
اعرف اعرف بخير خ
شكراً على الدعوة حب0
اول شي ضحكت لتقول حاجة
لذا شكراً على الضحك الي ببلاش << لساتها عم تضحك
مخ طاير وقلب حاير.. مجرد انك تقرأ اسمه رح تضحك
كيف خطرتلك الفكرة بدي افهم هلأ
-
1- عندكن الزبون الي بكون لامم عيديات ومعو كلشي فرايط بالحارة
الزبون: عطيني 3 جبنة
البائع: تكرم عينك ... اي معلم تفضل هدول هن طلع حسابن 23 ليرة
الزبون: (طلع الفرايط من جيبتو) لحظة لو سمحت
2+5يساوي7+2
البائع: بس لو سمحت انو..
الزبون: اي شبك يا زلمة هلأ بتخربطني
البائع:......
الزبون:قديش قلتلي انت
البائع: 23
الزبون: 9+6+5يساوي 20 اممممم ثانية وحدة رايح جيب مكمورة اخي وارجعلك

^
ما في ازنخ من هالنوع سئيييييييييل >.<3
ملاحظة صغنونة : لسا في شي بـ23 ليرة؟ دلني عليه مشان اقتنيه قبل ما يغلى

-
2-عندكن الزبون الخجلان او المستحي بتحسو مثل واحد فايت على الصف الاول وخايف من الكل جوا
الزبون: مرحب ا
البائع: اهلين يا مئة اهلا وسهلا
الزبون: يعطيك العافية...عندك اثنين بيـ بيبـ سي هي الـ
البائع: عفواً اثنين بيبسي !
الزبون: اااا كولا هي ما بعرف شو
البائع: عفوااااااً !!

عم تحكي عليّ؟ ماشي الك يوم يا ظالم
المهم اعرف هاد النوع غليظ وانا منه احياناً.. ركز على كلمة احياناً << كف برا
-
3-الزبون الشيف
الزبون: مرحبا يعطيك العافية معلم عم قول عندك قشقوان بالبصل
البائع: لا ولله بعتذر منك هي ما منعمل منا
الزبون: لك سهلة كتير معلم ما بدا شي منحط العجينة شوي قشقوان وشوية بصل
لحسة عسل شوية بقدونس اي يعني مو صعبة
البائع: اهاا لكان هيك بيعملوها حلو حلو
الزبون: اي بدي3 منا
البائع: اسف ولله ما منعمل منا
الزبون: اهممم ...2 زعتر اذا سمحت

في منه كتير ولا تنسى هاد الي بيجي عامل حاله شيف وإذا شاف ربع شعرة على الطاولة مو بالصحن بقيم قيامة المطعم << ابي من هاد النوع
-
4-عندكن الزبون البخيل مثل ما بتعرفوا لحنا وقت نشتغل منعاني ومنتعب
حتى نطالع الليرة ومقابل هي العملة الي منطلعة منحب نشتري شغلة عليها القيمة
او جودة عالية ملاحظة
(الا اذا في حال كنت انت عايش على مصروف البابا)

البائع: هلأ عندك وجبة وسندويشة كريسبي والسندويشة ب12
الزبون: لحظة شوي (طلع ورقة وقلم وبدأ بالحساب كمعادلة رياضية )
اذا كان x هو حجم الخسات بالسندويشة تعتبر 7 غرام
واذا قلنا اللحمة 25 غرام وبتحطولا بصل ما هيك ...... ؟
اممم بتبيعني ياهن فرط ؟
البائع:😤

حبيت المعادلة الغليظة الي عملها يا ربي شو بتجاكر من هالاشخاص بيجيبولي الجلطة * بعيد عنك * مو ناقص غير يقولو :_ شو رأيك ادفع تقسيط؟ غضب1
-
5-عندكن الزبون الي بكون متوتر بقراره زيادة عن اللزوم وبكون اخذ الشروة
بشكل جدي زيادة عن اللزوم كأنه داخل لعبة من سيربح المليون
او داخل بجريمة يقرر مين القاتل
البائع: هاد هو طلبك ؟
الزبون: ( بفكر وبينفض مخه وما بخلي شي ما بيتذكره وبعدين بقلك اي)
وبعد ما يروح الطلب
بيقول : راح الطلب معلم ؟ بس معلش تروح تضيف لي علي شوية خس وشطه

اكره شي هدول بيستفزوني وكأن المسألة مسألة حياة او موت
-
6-عندكن الزبون الي بفوت يطلب نصيحة البائع
الزبون: يعطيك العافيه معلم عم قول اذا عندك هيك شغله ظريفه
خفيفه نظيفه تكون طيبة
البائع: اي معلم هلق انا شخصياً عم اكل اكله طابخه الشيف جديدة
هيك فية رز مع لحمة مع شوربة خضار على كيف كيفك ازا بدك بحطلك منا
الزبون:انو هيك رز ومعة لحمة اهاا ايواا وظريف هاد الشيف
بالطبق يعني اممم؟ ساويلي تنتين شاورما زكاتك اوكي انا هون قاعد

على فكرة فيه ياخد نصيحة نفسه
-
7-الزبون الي مالل من الاكل ومجرب كلشي وفايت هيك مغامره
انو يكتشف شغلات جديدة
الزبون: مرحبا معلم. بلاقي عندك محمرة.بشطة.ما حدِه
البائع:لا والله بدي اعتذر منك مع الاسف مافي
الزبون: اممم. طيب عندك قشقوان. بيمعط. عالبارد
البائع: كمان لاء للأسف
الزبون: هلق ازا حطيتلي عجينة بالفرن وبعد ما طلعت حطيتلي عليها لحمه
شو بيطلع سعرة هي ؟
البائع: هي مافي منا بالحياة كلا صديقي


مسكين مالل من الاكل
نفسي فوت على شي محل واجربها * تنزل راسها لتحت لان الشبشب كان رح يجي فيها *
-
8-عندكن الزبون السوري طبعا تحية كبيرة لأهل سورية ومع احترامي الهن << ما انت منهن
اصدقائي ازا الاسم مو لابق اقترحولي اسم لهالنوع من الزباين
الزبون: مرحبا معلم
البائع:اهلا وسهلا فيك استاذ
الزبون: بلاقي عندك سجق
البائع: سجق ولله مافي بعتذر منك
الزبون: يعني ما عندك ؟
البائع: لا
الزبون: ومن هون لهون
البائع: وحياة اختي ماعنا
الزبون: يعني بس هيك تنتين
البائع: عم قلك ماعنا
الزبون: هون كذا هيك
البائع: يعني ليش لحتا اكذب عليك يعني لحنا فاتحين لنبيع. مافي .
يا اخي مافي....لعما
الزبون: اها اممم عندك شي مثل السجق

صح منتشر هاد السئيل بكل انحاء سورية أي2 بس ضحكتني وكأنها اول مرة بسمع هالسمعة
-
9-عندكن اغلظ زبون بالعالم وبنفس الوقت هوي اغبى واحد بالعالم
الزبون: مرحبا معلم
البائع: هلا يا مئة اهلا وسلا
الزبون: معلم بلاقي عندك بيتزا تبع 30 ليره
البائع: اي موجود معلم
الزبون: اي وشو سعرها
البائع: خبل1

يا اخي هاد الغلاظة بعينها الله يعين البائع عليه
هي بالذات ضحكتني بشكل
-
10-وفي نوع من الزبائن ما لقيتلو اسم صراحة
الزبون: مرحبا معلم
البائع: يا مئة اهلا وسهلا تفضل
الزبون: بلاقي عندك مراية وشط
البائع اي تفضل
الزبون: كامش المشط والمراية وعم يقول شو سعرن
( وهو وعم يتمشط ويتفرج على شخصيتو ويتأمل جازبيته)
البائع: 70 ليرة
الزبون: غاليين خلين عندك يعطيك العافية

معك ما تلاقيلن اسم.. اصلاً مالن اسم
هنن عبارة عن غلاظة ماشية على الارض هدفهن تجنين البائع أي2
-
11- وهاد الزبون انا بعتبرو ابشع زبون
الزبون: يعطيك العافيه معلم
البائع: هلا الله يعافيك تفضل
الزبون: بلاقي عندك بندورة
البائع: اي عندي تكرم
الزبون: ايوااا اي عطيني كيلو كوسا
هاد الزبون بدو عصر ليمون بعيونه

ذكرتني بنكتة انه في واحد قال للبائع عندك فاصولياء خضرا قاله اي قاله طيب حمرا؟
عم يتظارف قال يعني
-
12- وعندكن اسئل الزبائن هي الزبونة الي بتنكتلك المحل كلو وخصوصا الملابس واخر شي ما بتشتري شي

صح صح هي الزبونة سئيلة كتير
-
13-وعندكن الزبون الي بينسى شو كان بدو وبفوت عالمحل وبضل واقف عشر ساعات لحته يتذكر مشان شو هوي جايه

سئيل بشكل اكيد معه زهايمر بس ذكرني بنفسي لما بدور على شي وسيكون بأيدي
-
14-وفي نوع من الزبائن وخصوصا البنات ومنهم اختي فلور وهال نوع الي
بتفوت عال مطعم وبتطلب كلشي وبتقول انو هي عاملة رجيم
يا اخي ازا عاملة رجيم وهيك شلون ما تكون عاملة رجيم الله يلطف
(كتبولي اقتراحاتكن )

ممكن بتشتري المطعم والمطاعم الي جنبو
-
15-وفي النوع الي مفكر حالو مهضوم وبقلك
الزبون: معلم عندك بيتزا ؟
البائع: اي طبعا
الزبون: نيالك احنا ما عنا
هاد بدو رفسة ماكنة

رفسة مرفسة في مرافس
-
16-وفي زبون يا الله انا بس شوف هيك زبون بصير وشي يجعني منه
وهو الزبون الي بفوت عال سوبر ماركت وبقلو البائع اقمرني شو بدك
وبقلى بدي اشتري هاد الزبون كان رح يسبب بأنتحاري مرتين

خلص لا تنتحر هدي حالك انا بنتحر بدالك
-
المهم السؤال : لنفترض أعزائي ان أعز اصدقائكم يعمل بائع في سوبر ماركت
ما المقلب الذي يمكنكم صنعه فيه ؟
امم مثلاً بيكون بدو تلج وبرش المحل بطفاية الحريق وبقله ما شاء الله تلج في محلك
-
ختاماً ضحكت كتير شكراً لك حب0
لا تنساني بجديدك حب0
بااااي

__________________
لطالما اهتممت بك ،حتى لو لم تلحظ ذلك فانت محفور في قلبي.. إلى الابد !
-
لم اشعر باهتمامك نحوي ولا اريد الشعور به، فقط اغرب عن وجهي!
-