اوهايووووو
كيفك وردة ؟
ان شاء الله بخير  
اولاً وقبل كل شيء لازم اعلق على شي
الهيدر حلو كتير
هلاء لموضوعنا التاني
وردة موضوعك يجنن جد
بتصدقي اني من كتر ما تأثرت بالموضوع كتبت رد
كفففف عندي ذكريات كتيرة في هدا المنتدى
صحيح اني بغيب كتير بس ذكرياتوا ما بتروح عن ذاكرتي
بتزكر اني اول ما سجلت ما كنت اعرف شي ابداً حتى اني كنت ارد سطحي في كل الاقسام يلي بحط فيها ردود حتى انك نبهتيني وعملت بنصيحتك وصرت ثرثارة كتير
خليني ابدا من الاول
قبل لا اسجل في عيون
كنت في شهر 2 سنة 2017 اقرأ كتير من رواياتكوا الجميلة كانت تعجبني كتير لدرجة اني يوم الجمعة والسبت كنت اقعد ساعتين وانا اقرأ في روايات الاعضاء ، كانت تعجبني الروايات القديمة لاني يمكن ما كنت اعرف انو في روايات جديدة جميلة وكتير كتير كمان يعني شو بدي احكي تعلقت فيه من الروايات بس
وبعد ما صار شهر 3 كنت ناوية اسجل
بس كل ما بدي اسجل احس انو في شيء يمنعني
ما عرفت لهلاء شو السبب
بس لما صار يوم 18 من الشهر سجلت والحمدلله
المهم ، فتحت يوم السبت مو متزكرة متى كان التاريخ ولقيت في شي مكتوب فوق اسموا " تنبيه " صرت افكر وافكر شو معنى تنبيه ،فتحت عليه فلقيت " 2 من رسائل الزوار غير مقروءة " نسيت شو اسمها  ، لقيت التنبيهين من عضوة بحبها كتير يلي هي "yagima"
متزكرة انو اول رسالة لها كانت ترحيب والتانية كانت دعوة لموضوع رسم لها ، كنت بدي احكي معها وبسرعة فلقيت انهم بحكولي انو لازم اجمع 20 مشاركة عشان اتحدث معها فبديت احط ردود سطحية بقسم الروايات، المهم جمعت الـ 20 مشاركة وحكيت معها بس كنت مملة وقتها اعترف ،ومن بعدها رديت على موضوعها جميل كتير جد ،" كنت بحب الرسم كتير بس ما بعرف ارسم ابداً "،ورسمها لهيناتا وقتها في هديك الرسمة عجبني اكتر شي ، "صحيح اني ما كنت اعرف ارد بس بنفس الوقت كنت احب مواضيعها للرسم كتير " ،بعد هدا اليوم إجى يوم الاحد، فتحت في اليل فلقيت وردة منبهيتني صراحة خفت كتير وقتها وخفت انو يصير شي في عضويتي ، لولا وردة لما كنت لهلاء بعرف ارد ، وحكيت مع الدب .
خلص شهر 3 وشهر 4 وإجى شهر خمسة ، كنت متعرفة على كتير من الاصدقاء هون ، وصلت للـ 150 مشاركة فقررت اغير اسمي ، كان اسمي "كورابيكا امير كوروتا " غيرته لـ "كورابيكا كوروتا- " *يعني ما فيه فرق الاسم ،المهم بعدها بايام حكيت لعامر اني احط له تنسيق لملفوا فقلتلوا يعطيني كلمة السر ، وقتها كنت مغيرة كلمة السر تبعتي ،اعطاني ياها خاص وسجلت خروجي لاول مرة بوجودي هون ، اجيت بدي ادخل بعضويته ما قدرت ادخل ، فاجيت بدي ارجع لعضويتي حاولت وحاولت ما نفع ، حسيت في انو راح كل شي ، يعني عضويتي راحت وما ضل شي ،كنت مسجلة بايميل اخي الكبير ،المهم قعدت اسبوع وكل ما افتح على عيون اتزكر ذكرياتي معكم وغالباً اصير ابكي ، كتير كنت حزينة في هديك الفترة ، لما صار اسبوع وانا غايبة عنكم رحت حكيت لاخي شو صار معي وحكيت له افتح الايميل الخاص لكلك ،فتحت على عيون وبديت اكتب في كلمة السر للما صارت حوالي 5 مرة كتبتها خطأ فحكولي انو اكتب البريد الإلكتروني عشان يرسلوا له رسالة على الإيميل ، فتحلي الايميل فلقى كلمة السر غير يلي انا بعرفها بس الاسم نفسوا ، كتبت كلمة السر طلعت البيانات خطأ
ومن بعد ما صار هيك ظنيت انو ما في امل للرجعة ، صرت اتذكر كل يوم قبل لا انام الاحداث يلي صارت معي ،اكتر اعضاء كنت افكر فيهم هم : دب ، مينو، ميناكو ،جدتي، بعدها باسبوع ضليت احاول وفي الغلط حطيت الاسم كورابيكا كوروتا- ، طلع صح تخيلوا ،دخلت على المنتدى لقيت في ناس كتير سألوا عني وفرحوا بوجودي
ومن هديك اللحظة وانا متعلقة فيكم
...
في لحظات كتيرة استمتعت معكم فيها
في اوقات كنت في حزينة بكلمة من اي عضو منكم تخليني سعيدة
بحبكم كتير مع اني بغيب كتير
كل عضوة هون تركت مكان لها في قلبي
-
ماذا علمني عيون
علمني ان الصداقة اثمن من اي شيء
ماذا علمني عيون
علمني بان لي اخوات حقيقيات احبهن كثيراً
ماذا علمني عيون
ان حديثكم معي يجعلني سعيدة
ماذا علمني عيون
اني لست وحيدة ابداً
ماذا علمني عيون
علمني التسدح والمقالب >> تنفع مو 
-
ردي فوضوي لدرجة كبيرة 
لا تهتموا المهم انو رد 
ما قدرت اقاوم نفسي على الموضوع
فقلت ارد واريح نفسي
كح كح > صوتي راح 
لا تنسوا ذكر الله عز وجل
تحياتي اختك
~ لارا ~
-
ثرثرت كتير 
__________________ 
اضحك دائما وابدا وفي كل وقت  سبحان الله والحمدلله ولا اله الا الله والله اكبر
لا تنسى ذكر الله عز وجل
" إِنَّ اللَّهَ وَمَلَائِكَتَهُ وَأَهْلَ السَّمَوَاتِ وَالْأَرَضِينَ حَتَّى النَّمْلَةَ فِي جُحْرِهَا وَحَتَّى الْحُوتَ لَيُصَلُّونَ عَلَى مُعَلِّمِ النَّاسِ الْخَيْرَ"[/SIZE][/SIZE][/CENTER]
|