صباح الخير منك ياحبيبي غير
يا زينك ياحبيبي وزين كلماتك
واذا هالناس قالت لي صباح الخير
مااحس بشي لانها مو من شفاتك
مادام انك سكون القلب والتفكير
خذ افراحي .. وعطني كل معاناتك
غلاك يفوق حد الوصف والتقدير
اكيد اغلي من الغالين ..وحياتك
من الفرحه اذا شفتك.. اطير.. اطير
وابشر قلبي وروحي بجياتك
واذاشافوك.. احس اني عليك اغير
اغير ..لانهم ذابوا في بسماتك
احبك يابعد دنياي مهما يصير
احبك..لو حرمت العين نظراتك
كفايه بكل صبح اسمع صباح الخير
تنسيني همومي في صباحاتك