احم احم..مرحبا يابنت كيفك؟
شو هل الابدااااااع
يعني قصة ولا احلى برأيي لازم تنختم فوراً بالختم الذهبي او الالماسي
العنوان جميل جداً لعنة شتاء في كل 18 عاماً
يعني اللعنة رح توقع كل 18 سنة ورح ترجع تموت البطلة؟
التنسيق جميل جداً بس مافهمت ليش صورة صبي؟
لعنة شتاء
كانت ليلة مضلمة !
فقط الضلمة لأنني لم أرى أي شيء
البرد!، لقد كان هناك برد أيضا
كانت ليلة التي فقدت بها كل شيء
وإختفيت!
المقدمة أول ماقرأتها نزلت على القصة فوراً محمسة جداً
بتعرفي اسلوبك الادبي جميل جداً ومترابط أي3
وبداية موفقة لكاتبة
حتى ماعندك اخطاء املائية الا حرف ال ض وال ظ
قصدي بداية لكاتبة جيدة في العالم الواقعي الروايات المنشورة
نروح للقصة
بتعرفي فكرة انك تكتبي شو احاسيسا عن عمر صغير متل اول مرة فتحت عينها كيف تعلمت عن العائلة
الحقيقة اهل القرية مع حق بحب التلج مين مابحبه؟
من اول ماقرأت انو عيناها بيض عرفت انها ملعونة
اول ما قرلأت العنوان فكرت انو اللعنة رح تحل عالقرية كلها
بس على شخص كمان حلوة
بس ليش ام يوليا خبت عنها الحقيقة واستنت ال 18
سنة هاد كله بيترك تساؤل من طرفنا
مسكينة خسرت كلشي بليلة عيد ميلادها وليلة زفافها
ماتت من ندفة ثلج
Poor girl على قولة الاجانب
بس ليش قتلو امها؟
شو ظالمين اش ذنب البنت اذا ولدت مع لعنة؟
وهاد الشي اضاف تساؤل مين لعنها او لعن ابوها؟
بس ليش هي صارت شبح وامها وابوها لا؟
انتقمت من اهل القرية كلهم العين بالعين
الصيف والربيع والخريف اصبحوا يوم بالسنة
هلأ نزلت اللعنة على القرية كلها
هلأ مافهمت هي رح ترجع تولد وترجع توقع عليها اللعنة؟
النهاية كانت جميلة الام والاب رجعو انولدو ونفس الشي هي وراحت على عالم الاموات ولاقت كل شي بعد 18 سنة من الطوفان كشبح
الخاتمةجميلة جداً ومميزة متل المقدمة
بس الخاتمة فيها كلمات حكيمة وحلوة كتيير
كانت ليلة مضلمة إنتقلت بها إلى عالم الأموات فوجدت كل شيء
الشتاء كان له طرق غريبة في إخفاء نهايتي السعيدة
قد تكون الأمور قاسية أحيانا ، قد تسلبنا الحياة كل شيء، قد تخلوا الرحمة من قلوب الناس
لكن دائما هناك جزء من الليونة هناك، أشياء جميلة، ورحمة في باطن القلوب
دائما هناك منعطف سعيد في الحياة
دائما هناك قوس قزح