السلام عليكم ورحمة الله وبركاته
مثل ما قاعد تشوفون ، رمضان راح يرحل عنا بعد ان كنا فرحانين بوجوده بيننا ، كان بودي ان اتكلم عن رحيل رمضان لكن انا شفت ان اتكلم عنها في الغد يكون افضل ، اما اليوم انا راح اتكلم عن العيد واقدم لكم بعض النصائح لعلكم تستفادوا .
اول نصيحة ، لا تحزن الآخرين في العيد وتروح تسوي العيد عزى وتقول للناس "كيف تفرحون وسوريا والعراق وفلسطين ودول اخرى احوالها سيئة...." ، انا شفت بعيني اكثر من شخص من الحين قاعد يجهزون عشان يحولون العيد لعزى ، انا قبل سنة شفت فيديو واحد فرحان بالعيد ويصور فلوق فرحان بالعيد وجا بالتعليقات وقال "كيف تفرحون وفي انفجارات ببغداد  00 شخص ميت #بغداد_تحترق" <<هذا اللي كان كاتبه بالضبط ، وكان في اكثر من 100 اعجاب على تعليقه وكذلك اكثر من 100 رد على تعليقه ، ترا هذا التصرف خاطئ بسكل ما تتوقعوه ، لان ترا العيد للفرح وليس للحزن ، فانت لازم تفرح نفسك فيه حتى لو كان عمرك 40 او 50 سنة ، وأصلا هذا راح يكون شيء ايجابي، لان لما مثلا العراقين اذا فرحوا نفسهم بالعيد ونسوا كل شيء حزين وما فتحوا الاخبار بالعيد اول ايجابية راح تضير هو ترابط الناس، لان لما يبقون 3 ايام فرحانين وما يفكرون بشيء غير انه عيد ويفرحون نفسهم، ترا راح تصير نفسيتهم افضل فيصبح التعامل بين بعضهم افضل والترابط يقوى بين الاهالي ، واذا انت كمت مصر على ان تكون حزين في العيد، اترك غيرك يفرح وينبسط على الاقل 3 ايام عشان ترتاح نفسيته قليلا
ثاني نصيحة، لا تفتح اخبار او جريدة او لي موقع فيه اخبار ولا تكلم اي شخص زعلان على احوال البلاد واتركه يحزن لحاله (اسحب عليه ثلاث ايام ولو سالك وينك قول له كنت مشغول بالعيد<<خله زعلان بالعيد لوحده)
ثالث نصيحة، لا تناقر الاطفال، اذا شفت طفل فرحان وقاعد يفرح بشكل غير خطر لكنه فرحان بازعاج ، اتركه فرحان ولا تحط عقلك بعقله ، واذا كنت منزعج جدا منه ، فخذ بيده باللين ومثلا طلعه 10 دقايق على الدكان اشتري له اشياء يحبها وكذا راح ترتاح انت من الازعاج والطفل ما يزعل) (اي طفل مو شرط ابنك ، ابن خالتك ،ابن خالك، ابن اخوك ، ابن اختك،....الخ)
رابع نصيحة، لا تحرم الاطفال العيدية، واعطيهم العيدية خليهم يفرحون فيها حتى لو كانت 100 او 200 درهم ، واذا اعطيتهم العيدية لا تأخذها موضوع تتكلم فيه من مكان لاخر ، وتقول مثلا لصديقتك او لصظيقك "يقولون الاطفال مساكين، الصراحة احنا المساكين قاعد نعطيهم فلوس كثير و،.....الخ" <<ثللث ارباع الامهات اللي شفتهم يستخدمون هذا الكلام"، وبؤضو اذا اعطيت الطفل العيدية لا تاخذها كأسلوب لصالحك، يعني مثلا طفل فرحان بالعيد وقاعد يضحك ويغني وفرحان بالعيد لا تروح تقول له "انا عطيتك عيدية وانت قاعد تزعجني ، اسكت"<صراحتا انا كان ينقال لي هذا الكلام قبل 5 سنوات او 6 سنوات من قبل خالي وبعدها صرت ما اخذ منه العيدية او اي شيء يعطيني اياه >.
خامس نصيحة، زور اقربائك اللي ما شفتهم من زمان و اقربائك اللي تحبهم او ما تحبهم ، واذا ما تقدر تزورهم.ارسل لهم رسالة او اتصل فيهم وبارك لهم بالعيد (اذا تبغى تبارك بالواتساب لا تستخدم خاصية الارسال للجميع وبارك للناس بالعيد باسمائهم عشان يعرفون انك مهتم بامرهم ويعرفون انك ما ارسلت نفس الرسالة لمليون شخص)<<في مرة انا واقرا عن علم النفس ، قرات انك اذا ذكرت الشخص باسمه لما تسلم عليه راح يفرح اكثر من عدم قول اسمه (هذا شيء انا لاحظته برضو فيني ، لما واحد يذكر اسمي لما يسلم علي اشعر بفرحة اكبر من عدم ذكره لاسمي)
اتمنى انكم استفدتم من النصائح ، وان اذا كان عدكم اي عادة من هذه العادات السيئة تقومون بتركها
واراكم على خير
التعديل الأخير تم بواسطة Legender jack ; 06-23-2017 الساعة 04:16 PM |