السلام عليكم كيفك يابنت انشالله بخير؟
احم احم.. بداية خليني قلك انو روايتك مشوقة
وحلوة كتير واسلوبك حلو
العنوان حلو "القلب الالماسي"
بظن انو هذا قلب تايغر ما هيك؟
مارح علق عالمدخل والمخرج بسبب طلبك
مع هيك بظن انو المدخل عن قلب تايغر والمخرج حديثه بينه وبين فيزا
مابحسن بدي احكي
التنسيق عادي اذا بدك الصراحة بس تصميمه حلو واللون الفضي لون حلو وفخم
نرجع للرواية:
الفصول جميلة بس قبل ما ابدأ الحكي فيها عندي تعليق
بتعرفي اول ماقرأت انو الزلمة ملامحه اسياوية اجاني امل انو تكون واخيراً شي رواية بتحكي عن بلد عربي او حتى بطل عربي بس هندية
حتى الهنود صايرين احسن مننا
بتعرفي يمكن لهيك ماتعاطفت مع تايغر مابحب الهنود كتير وانشالله اسمه ما يطلع شي اسم خرافي متل اسم شاشمير
احم احم زعجتك ماهيك؟
بس الدنيا اذواق واصلاً مابلومك ربع عيلتنا معجبة بالهنود
المهم نرجع للرواية الاحداث جميلة متل ماقلت من فوق
بدايتك كانت خرافية
شو هاد تايغر زلمة ذكي بتعرفي خطرتلي قصة الهاتف بس ماخطرلي انو يكون مساعد يلي بده يقتله متعاون معه ذكي او بالاحرى انتي الذكية
مالك شو الله ورطه وعلق مع تايغر
على كل الاحوال هذا يلي بيستاهله اهل العصابات
يلي عندهم القتل شغلة بسيطة
بس فيزا الجدبة << بالمناسبة من وين جبتي اسمها الرهيب
مفكرة حالها عم تسبب مشاكل لابوها ونسيانة انو هي بتنزل بالمشكلة وبتطلع من مشكلة من وراء عالمه الدموي والبشع والمسكينة هلأ بتحب تايغر كمان مجرم مابتخلص من المجرمين بحياتها..
على كل الاحوال انا بتفق مع رفيقتها الافلام الرومانسية احلى والاكشن حلو بس اكشن هوليوود ليس بوليوود لانو التاني فيه كمية كذب مابقبلها عقلي
ياحرام شو كم مرة مخطوفة حتى متعودة على القصة بتزعل هالمخلوقة عجبتني شخصيتها << انشالله ماتطلع هندية كمان
بس ماعجبني قاعدة عم تلوم تايغر لانو خطفها ونسيانة انو ابوها بيخطف كمان هل البنت مالها منصفة ابداً..
بعدين هلأ مين هي ياقوت اخته لتايغر هيك بتوقع
مابتوقع تكون حبيبته لانو عم يتقرب من فيزا بطريقة
رهيبة اذا بيطلع عنده حبيبة بعد هيك اسمحيلي قول عنه حيوان
اي والظاهر انو في قصة طويلة ومؤلمة وراء ندبه
بعدها تايغر شو شرير ليش بعد شاشمير
بده يستفرد بالبنت
اساساً مو كاشفته غيري حاطط عينه عليها بس هي مابتطيقه
بيعجبني لما الشب بيحب بنت بس البنت لا لو حبيتو بعدها بس تفرجي شعور الرفض
المهم خلص حاج تعبت من الكتابة
ولا تواخذيني على ردي القصير بس تعبت ولازم اروح انام
وبانتظار جديدك
ولا تنسيني من الرابط