تبا لك
ما قدرت افهم من روايتك شي الا انو في ناس عم تحقق بقضايا
بس اسلوبك وسردك بيسطلو
اعلن عن خسارتي امامك 100%
الا اذا طلعتك من المسابقة بشي طريقة
لازم فكر بشي طريقة اليوم قبل بكرا

السلام عليكم ورحمة الله وبركاته
كيف حالك
اسفة عالحماس نسيت سلم
المهم
نعود لنعلق عالرواية
اسفة خبرتك قبل ما فهمت شي كرمال هيك انسى الامر
برجع بقراها مرة تانية وبرجع بعلق من جديد

المقدمة عجبتني كتير
واحببت تعليقك على حرف التاء في كلمة تناسيناها
رغم اني ما بعرف وين المشكلة اذا ما تناسيناها
يعني اذا نسيناها قصدك انو بيرجع الواحد بيكررها بلا ما يعرف وبينسى انو هو اخطئ بيوم من الايام وتعلم من خطئه؟
ام انه ما تناساها لانه ما زال مصر على مزاولة الخطيئة
ما بعرف اذا رح تفهم علي
حاسة كأن مش كتير مفهوم السؤال
على كل اذا ما فهمت خبرني وما بعيد صياغةةالسؤال
بعد صعوبة تامة قدرت انسج لجملة
المهم
نعود للعنوان<<<كان المفؤوض علق عليه قبل مدري ليش اجلته
المهم
ما رح قول انو عرفت القصة شو مضمونها من العنوان لان اصلا بعرف كونها مشاركتك بالمسابقة بس العنوان بالفعل مناسب جدا و... شو بعرفني وهكذا يعني،
التنسيق جميل وخرافي وبيعمل نوع من الازمات القلبية
مش لان بشع بس لان فيع نوع من الرعب وغموض وهيك اشيا
بتحس حالك بغرفة معتمة وهيك اشيا<<<انسى ما عارفة تعبر
نعود للرواية:

حبيت اول جملة بالفصل
انا لم اولد لاقتلهم(يا له من رؤوف) لكن القتل هي وسيلتي ( وين الرأفة)
ومن بعدها ما فهمت شي
مين الي بيطلب يقل ومين بيطب ينقتل وهكذا ...
لاقدر احفظ الشخصيات ساتبع طريقتي المعتادة
لوثر الشخصية الي حبيتها<<<تعليقه على المطر اقرب على تفكيري رغم اني بحب المطر بعكسه
لكن ما لم افهمه هو ممن يريد الانتقام ولما
هل هو نفسه الي رجع يرتكب جرائم وله صلة بتلك الورقة الحمراء الي مكتوب عليها شي عن الثالث؟
وهل هيد لي مر من حدهم المجرد عابر سبيل يمكن ان يكون هو المجرم عم يراقبهم ام انه سيساعدهم في المستقبل ليحللو القضية؟ ام انه مجرد صحفي عم يراقبهم ليعرف شو بدو يكتب ام انه مجرد عابر سبيل
لكن لا اظنه مجرد عابر سبيل بسبب شك حد منهما لما قال (اتمنى ذاك) قصده انه يكون مجرد مجنون
حسنا، ماركوس هو الي ما حبيته، هو الكسول الي منعه الكسل من لحاق العابر السبيل الخرف، اظن فصل خطيئة الكسل رح تكون من نصيبه، نص اعماله ربما تكون معلقة بلحاقه بذلك الخرف، رغم اني ما اظن ان لو اوقفه كان قدر يستخرج شي منه
لان انصرافه يعني انه انتهى من كل شي بدو يحكيه والا لما كان انصرف، بس على كل حال، لهم لقاء جديد معه حسب ما قاله العابر سبيل الخرف، بعدنب ناطرة الفصول القادمة لاعرف شو قصة هيدا الهرف بلضبط


هذا المقطع اكثر فيه من حرف ال (ل)
ما بعرف شو اسمها بس اذا بتقراه بتلاحظ مثل قبل اول جمل (ليرتشف) عاي الي بقصدها، هي خلوة بتحسها بتعمل الكلام فخم بس كثرتها يعني كما تعلم الزائد هي الناقص
((((((جلس في مكتبه صغير الحجم. ليرتشف آخرَ قهوته الساخنة كما يحبها .

ومن ثُمَّ وَضَعَ الفنجانَ في البقعةِ الوحيدةِ الفارغةِ من مكتبه بعدما أخذتْ الأوراق أكثر من نصابها من الحيز في مكتبه الموجود في وسط الغرفة.

ما لبِثَ أنْ وضع السيجارةَ في فمهِ حتى أشعلها ثم أدار كرسيه وهو يحمل ملفًا مهترِئًا لقضيةٍ ما ليطِلَّ على شارعٍ مزدحم.

بعدما أصبحت سيجارتهُ مجردَّ بقايا. وضع الأخرى في فمه وهو يستعد لإشعالها

ولكن قاطعه طرقٌ على البابِ ليدخلَ صاحبَهُ بلا انتظارٍ للجوابْ.

لم يلبثْ أنْ دخل حتى قال

- فلنذهبْ.

ليعيدَ سيجارته لمكانها وهو يضعُ الملف في آخرِ أَجْرَارِ مكتبهِ بعدما أخذَ آخرَ لمحةٌ

لختمٍ أحمر اللونِ كتبَ فيهمغلقة.

- لنذهبْ يا لوثر.هذا ما قاله وهو يشقُّ طريقهُ خارجَ مبنى المحققين والشرطة. وهو يتساءل هل سوف تفتح؟؟؟)))))
كنت متوقعة اني بعد ما عدهم لحرف ال(ل)يطلعو شي 13
طلعو بس خمسة بس اخذين حجم
يعني يمكن لو حذفت 2 وتركت الاولى والي بالنص والاخير بيطلع احسن كما اظن

المقطع الاخير من الفصل الاول ما فهمت عليه شي، يبدو انه انسان مصاب بانفصام الشخصية، فيه تناقض مش طبيعي،اول كلامه بتحسه فقير وبيحسد الاغنياء وكلامه الاخير بيحسد الفقراء على ما بعرف شو، طيب ليش يحسدهم انهم حافيين، يشلح حذائه ويمشي خافي مش علايد صعبة، الا اذا كان والده انسان ذات سمعة مرموقة كرمال هيك ما بيخلي ابنه يمشي حافي الاقدام

حبيت المقطع الي تأكد اذا عيونه مغمضين او انه بسبب الظلمة مفكرهم مغمضين
شكله انسان مسطول عالاخر
وحبيت ابتسامة الشر الاخيرة الي بتنبئ عن شيء طيب رح يعمله هلاء جوعاني اي شيء بعملوا بيمشي حالو ما ضروري يكون طيب :هاهاها:
اخر مقطع بحاجة لثلاث فصول للشرح

اظن الفصل الثاني ما طلع فيه معلومات كتير، او اني علقت على نصهم وانا عم علق عالفصل الاول

هههه فشة خلق، من زمان ما رديت رد محترم بس الرواية كانت بتستاهل، حسيت حالي عم اكتب رواية اكتر من اني عم اقرا لما صرت اعرض كل الاحتمالات الي يمكن تكون وبالاخر بلاقي حالي بطريق مسدود :/:
حلو الواحد يحرك مخه من حين لاخر، لكن للاسف يمكن يكون هيدا اخر رد الي لان عادة متابعة من خلف الكواليس، بس كان لازم حط بصمتي بروايتك ختى هليها نورلك اياها
تقبل مروري السريع وبانتظار الفصل الي بعده

__________________