.: الجزء الع ـشرون :.
" يآ قَلبِي ..{ إِفْهَمْ مَآلِي × غِيرهـْ .. ~ بـِ دِنْيآايْ ,؛
ويآرُوحِي !! تَكفِين × دِخِيلِگ × لاآ تِفَآرِقِينَهـْ ..
أخآف *بِالغَ ـلطْ * مَرّه // مآا يِصِير وَيّآايْ ..!
تِحْ ـلِفينْ إِلا مَايِجِيگْ .. ~ وْ|[ قَسَمْ ]| إلاآ تِجِينهْـ .!"
/
\
/
المهم انتظرت برى سيارة ولد عمتي ماشفت ريم ولا نجوى مدري وينهم المهم اول ماجاء انتظر تشوي بعدين صعدت ابحترمه واسكت مالي خلق هوشاته ..
قال : بنت خالي !!
قلت : همممممم
قال : تلثمي ..
رفعت عيني : قسم مو فاهمه عليك شوي تلثمي شوي فكي اللثمه ماصارت ...
قال بصوت حاد اول مرة اسمعه : قلت تلثمي !!
كنت برد عليه بس سمعت طرق على الشباك فتحته كانت ريم ..
ريم : هااي
قلت : هلا وينك يابت قسم لفيت الدنيا قلبتها مالقيتك
ريم : نسيت اقولك ذي اللي قدام سيارة ملوك حطيت الاكياس فيها وهذا هم ..
قلت : ياعمري والله انا خفت نسيتي بعدين مين يشتريلي ؟! اموت عليك
ريم : ادري
انتبهت ان فيه كيسين .. قلت : خير ؟؟ اثنين ؟! حد قالك ان فوفي يرتب اظافره ؟!
فطست ضحك : لا مو فوفي اقصد نجوى
قلت : اهااا
ريم : ايه لاانسى ملوك يقول لك تسلمين بقوة بعد
قطبت : ليه باذن ربي
هزت كتوفها : مدري والله روحي اساليه
قلت : وش وراي
فتحت الباب احسن شي انه مااعترض .. رحت للسيارة اللي قدامنا مباشرة وطقيت الشباك فتحه ..
قلت : هلوو ابي اسالك تقل لي تسلمين .. خير ؟!
ابتسم : ماقالت لك ريوم ؟!
قلت وانا العب بطرف الشيله : لا تقول اسأليه ..
قال : انقذتيني من مشاكل الوظيفه وطلعت كملت سهر مع ريوم
ضحكت بقوة : مو صااحي
سمعت بوري وراي اكيد تركي تجاهلته شفت ريم ..
قلت : بعدين اخبرك بشي ذكريني .. أوكي ؟!
هزت راسها مبين من ملامح عيونها انها ابتسمت من تحت اللثام .. رحت لسيارة تركي وانا احضر لي كلام اعرفه بيمسكني تهزيئ .. صعدت
صرخ : ساعه !!
سكتت عنه حرك .. قلت : نجيو ..؟
نجوى : خير ؟!
مديت لها الكيس : ذا من ريوم لك
نجوى : لي انا ؟!
قلت : اجل لجدي فيصل ؟!
مسكت المبرد وحطيت رجل على رجل وبديت ارتب اظافري والمعهم وكل شوي اناظر المرايا القاه محترق هه احسن ..
بصراحه رحمت بناته يلبسم 34 عبايه غير الملابس المحتشمه ..
قال : تغطي احسن لك
قلت بعناد : كيـ...ـفي مزآآآ جي على راحتي مو شغلك فيني ..
ابي ارجع له حركته .. قال : ماتستحين ؟!
قاطعته : قبل لا اشوف وجهك كنت استحي ..
تذكرت مروى هه حتى عدوك يوحشك ..
قال : معليه الحين تغطي عيب !!
مابقول لكم بصراحه ماافتشلت بس مين هوا يتحك فيني ؟! وولد عمتي !! وخير ؟؟يعني يقاله يخاف علي !!
قلت : اولا اختنق ثانيا ماتعودت بالخُبر اتغطى ..
قال : اللي ابيك تفهمينه يابنت خالي انك من الدمام مو من الخبر
حسيت من نبرته سخريه ..
فـ قلت بنفس النبرة : صدق !! تصدق طول عمري احسب نفسي من الخُبر ؟!تدري ليه ؟! لاني ولدت في الخُبر وكبرت فيها ولاول مرة ازور الدمام .. لوقلت فيصل دمامي معليه لانه ولد فيها بس مالك حق تقول اني من الدمام ..
احترمت نفسي ونزلت رجلي ولفيت حجابي وضبطته .. قلت : عاجبك كيذا ؟!
لف علي : مش بطاله
قلت : مو كيفك غصب عنك حلوة ولا شايف نفسك ابيض يعني خلاص احلا مني
تأفف : لا اله الا الله وحد قال عني كيذا يابت ارحميني افهمي
ابتسمت لنهايه النقاش الحاد خلاص يكفيها هوشة اليوم خل لبكرا شي اهاوشه فيه .. وصلنا البيت ودخلت شفت نورة تذكرت البارح لازم الليله اتأكد ماكذب نايف المحقق كونان صعدت غرفة نجوى بعد مامريت على غرفتي ريحتها الله لايوريك دخلت وغيرت ملابسي صليت صلاة ربي احس بنعاس على طول نمت ..
*
*
*
صحيت قبل اذان العصر نزلت شفت الكل مجتمعين فيه رحت جلست مع نجوى اسولف معها واحشتني .. وصعدت غرفة نجوى وانتظرت الصلاة صليت وذاكرت تقريبا على اذان المغرب صليت ونزلت تحت جيعانه موت اول ماشفتهم تجمعوا جلست معهم تصدقون واحشني انسان ؟! لاتقولون نايف ولا فيصل ولا خالتي ولا ميشو .. تدرون مين ؟!
راشد الماجد وحشني صوته بقوه خخخ وحبه داخلي جوه !
قلت : عمتي !!
عمتي : نعم حبيبتي ؟!
قلت : ابي مسجله ؟!
قطبت ملامحها وبان على الجميع التعجب .. حطت ملعقتها وقالت : ليه ؟!
ابرقص معها بعد ليه ياعمتي ماتدري اش يسوون بالمسجله ؟!
قلت : عندي كاسيتز بخاطري اسمعهم ..
هزت راسها بـ طيب وكملت عشا ..
كان الجو هادي ومافيه حد يتكلم خلصت كعادتي اول وحدة اقوم ..
صعدت الغرفة وذاكرت خصوصا بكره عندي اختبار بصراحه شاغله بالي قضية نورة بس معليه كل شي وله ان شاء الله حل ..
اذن العشا صليت وجلست شوي بغرفة نجوى بعدين نزلت على وقت نزلتي سمعت صوت الباب ..
قلت : مين اللي طالع ؟!
عمتي بابتسامه : تركي ..
ابتسمت مجامله .. عيب المرأة تبتسم بوجهي واطنشها واخصرها .. جلست جنب نورة ابي اتكلم من اللقافه
بس قلت : نورانو
ابتسمت : نعم ؟!
قلت : ابي اطلب منك طلب ياريت ماترديني ..
نورة : امري بس ؟!
قلت : ابي انوم الليله معك في الغرفه ..
صرخت : بجد والله ؟! حياك الغرفه غرفتك انتي داخله وانا طالعه
ابتسمت براحه انتظرت شوي وصعدت معها ماكان فيه اي شي نمت بسلام ..
*
صحيت الساعه 4 صليت وذاكرت احس بتأنيب الضمير اول مرة مااذاكر بس نا احضر اول بأول وماعندي مشاكل او صعوبه .. قريت دعاء وبعدين تحممت طلعت افكر اش بسوي بشعري فكرت ثم قررت ارفعه .. جففته بالشيسوار ورفعته نزلت لي خصلات كالعادة كحله مع قلوس بصراحه ابي احتشم اليوم كل يوم تهزيئه بالطالعه والنازله لبست مريولي ولفيت الحجاب باحترام .. طلعت اقل عبايه عندي مطرزة .. كلها اسود بس في الاكمام شوي زخارف صحيح مخصرة بقوة لكن مع ذلك محتمه ..
المهم رشيت عطر لين قالت العطر ارحميني بس ونزلت تحت تصدقون ماحسيت لنورة وهي تقوم ؟! المهم سيبنا منو رحت لغرفة نجوى لقيتها مو فيه ..نزلت تحت ابي اكل جبن مع خبز بس تذكرت معلومه ان الجبن يجعل الانسان كثير النسيان .. المهم افطرت ورحت للمدرسه تقريبا كان عندنا الحصه الاخيرة فراغ حليت كل واجباتي ماشاء الله علي اشتغل اوقات الفراغ بالشيء المفيد ههه المهم انتهى اليوم باحداث طبيعيه ..
رجعت البيت صليت وذاكرت لاحظوا اني ذاكرت من بدري اليوم المهم بعدها رتبت كتبي في الشنطه ..
اليوم الاحد ياااي احب يومين عندي الاحد والثلاثاء مدري ليه ؟! المهم نزلت تحت بعد اذان العصر وجلست مع الجميع كانت سوالف عاديه فلانه سوت كيذا وفلانه قالت ... بس تصدقون من اول يوم دخلت ذا البيت ماشفت ابو تركي مدري هو منفصل ولا ايش ولا الكل قال له اني مااستحي وخاف .. كل شي يجوز ..
وسط الكل اتجهت للتلفون ودقيت على صديقي العانس هه مثل ماقلت من قبل اني مااخبي شي بقلبي اعطيها بالوجه .. أول مارد
قلت : اهلا بالعانس شخبارك ؟!
الكل سكت وصار يناظرني توترت واضطربت ..
فيصل : خير ياختي محد عانس الا اللي قايلها اجل قربتي تطقين العشرين ومحد طق بابك ؟! ياختي استحي شوي
ضحكت : سخيف ! والله ناظر عمرك انت مع خويك كان هو على الاقل خاطب انت ولا شي عاد مدري كيف انت .. عيلتنا كلها اول ماتوصل ثالث ثانوي اعرست وانت 22 ومابعد صار شي ..
فيصل : لي اسبابي والله
قلت بسخريه : بالله ايش ؟
قال : أولا وهو الاهم انك باقي مااعرستي واخاف تنشبين في حلقي ..
قلت : وجع ياحمار .. كمل
فيصل : ثانيا انا اللي ابيها ما بعد خلصت دراسه واخاف على مستقبلها ثالثا انا ابي اثبت نفسي واكون اصرف عليها وكل شي تبيه اقول من عيوني مو اقول بطلب فلوس من خالي او عمي ..
صفرت : يارب ان ترزقني بـ...
سكتت قسم ان كملت قالوا ماتستحي ..
فيصل : بايش ؟!
قلت : مو شغلك حكي بنات المهم ياحمار اش تسوي ؟!
قال : ابدا اناظر التلفزيون وآكل فصفص ..
ضحكت : معك احد ؟!
قال بملل : لا كانت مروى فيه بس دق جوالها ..
سكتت مدري اش اقول اعترف له انها مابعد تابت عن العيال ولا ايش ..
فيصل : سوير
ابتسمت : تصدق ذكرتني بخالي .؟!
فيصل : الله لايوريك قالب البيت فوق تحت صلحوا وقوموا بس يتأمر مايقوم يسوي لنفسه شي
قلت : مالت عليك ذا خالك يابومه
قال : طالع على اختي ..
سكتت عنه ..
فيصل : ايه اش لونك بعد ؟!
قلت بهبال : أبيض فيه سمار على خفيف ..
فيصل : ابي اعرف هذي عقدة ولا ايشش ؟ متعقدة من بشرتك روحي صبغيها ..
قلت : هيهيهي بموت مو قادرة ععلى خفة دمك .. اصلا كل الناس يموتون عليها يحصل لهم اصلا وثانيا انا احب الاسمر اكثر من الابيض
صفر : قصدك نايف ؟!
ابتسمت بخجل : ياحمار ياوجه القرف يامقزز يامحترم اسكت عني .
فيصل : يوه ! اختي انحرجت بخاطري اشوفك بس
قلت : مين قلك اني انحرجت من كلامك ؟!
فيصل : قابليني بس
ضحكت من الفشيله .. قلت بغير السالفه .. قلت : اش طبخت اليوم ؟!
قال : يوه طبخت بيض بالجبن !!
فطست ضحك : روح اكله
صرخ : يووه نااايف !!
قلت : اش فيه "؟!
قال : مالت عليك قايل لي اصحيه .. باايو
ابتسمت : بايو
قفلت الخط ياعمري يانايف متعود انا اللي اصحيه وطيت راسي وانا اتذكر حكي فيصل رغم انه مايحرج بس ذكر اسم نايف بلحاله يلخبط كياني كله ..
قال ايش قال طبخت بيض بالجبن ..!
نجوى : ممكن تسلفيني من بنك الابتسامات اللي عندك ؟!
قلت : لا .. عندي بعد خمس دقايق دعاية كرست
نجوى : هيهيهي بايخه ..
قلت : هيهيهي طالعه عليك
نجوى : ادري
قلت : وانا ... وضحكت
نهى : استغفر الله بس انهبلت وجلست
كملت ضحك بهستيريا ..
نهى : هيي اش بك ؟!
ناظرت تركي وفطست اكثر مدري مسجله نكته على وجهه ولا ايش ..
نجوى : اللهم سكنهم في مساكنهم
ماقدرت اسكت ..
تركي : عاد بنت خالي ضحكت ايش يسكتها ؟!
ضحكت اكثر لانه صاير يناديني بنت خالي وانا اقول ولد عمتي حطيت راسي بين ايديني ابي اسكت وبطق النعول تكرمون بالموت سكتت
الجو صار هادي والكل يناظرني تقريبا 3 دقايق على ذا الوضع
قلت : اللهم اني اعوذ بك من الخبث والخبائث
فطست نجوى بضحكه غريبه وتبعتها نورة ونهى .. عمتي : انهبلوا بناتي وجلسوا والسبب بنت اخوي
ناظرت عمتي واكتفيت بالابتسامه ورحت لعالم ثاااني كله احلام مع نايف .. مدري مجرد ذكر اسمه احس بطني يألمني ودوخه وهستيريا وجنون .. كيف لا وهو حبيبي منذ الصغر ؟ حلوة ذي منذ الصغر .. لفيت نظري الى تركي اللي موطي راسه الظاهر يفكر .. ناظرته سبحان الله مدري هو فعلا يشبه نايف بالملامح ولا من زود حبي اشوف الكل يشابهه نفس رسم العيون ذي العيون اللي ذوبتني بحبها عيون نايف وضحكة نايف وهمس نايف وبسمة نايف وسلمى نايف !!
مو قادرة استوعب ان نايف لسلمى رغم انه يوم صار عمري 12 خبروني بالخبر الصاعقه .. انه لسلمى وبس ..!
بس مايمنع اني احلم فيه وانا جنبه يشاركني كل ضحكه وحزن والم ..!
سمعت صوت : هيييي انتي اش فيك ؟!
عرفت من الاسلوب انه ولد عمتي القرف سكتت وخصرته .. شوي وشفته يناظر امه : ماما ! كيف تسمحين لها تناظرني ؟!
ملييت منه ومن حكيه ومن دلعه .. يابوي انت كبرت وباقي عند امك ؟!
وقفت وصعدت غرفة نجوى صليت المغرب ثم جلست بالغرفه ملانه موت فكرت اجهز اغراضي وارتبم بدولابي وغرفتي .. وفعلا فزيت ورتبت الشنط ورحت غرفتي فتحت الشباك وقفلت الباب وبديت ارتب اغراضي وانا ادندن باغنيه راشد " المسافر " ياناس فديت ذا الصوت وراعيه .. انتبهت ان فيه مسجله على الكومدينه حلو كيف ما انتبهت لها من قبل ؟!
المهم رتبت كل اغراضي بالغرفه اخذت معطر جو بخاخ ورشيت بالتكييف وانتشرت الرائحه الزكيه في كل مكان كرز يجنن .. اذن علي العشا وانا مابعد خلصت صليت بغرفة نجوى ورجعت لغرفتي لا تستغربون بس اذكر انه مستحب ابدي بصلاة الفجر .. رجعت لغرفتي وكملت ترتيب اغراض رحت غرفة نجوى آخذ كتبي
سمعت صوت نهى تقول : وينك انتي ساعتين يالظالمه صاعده لخالي وأور بالغرف ؟!
ابتسمت : آمريني بس ؟!
نهى : امي تقول ماكليتي شي من الصبح انزلي تبيك خصوصا ماتعشيتي معنا ..
قلت بابتسامه : ابد مو مشتهيه
سحبتني من يدي ونزلت ناظرت الساعه 9 نصف .. حلو يمدي
قلت : السلام عليكم ..
الكل : وعليكم السلام والرحمه
جلست جنب عمتي وقلت : آآآهـ بس آهـ تعبانه موت ياعمتي
عمتي : لااا ؟! سلامات اش بك
قلت : مدوخه موت واحس جسمي مخدر ومتكسره بقوة ومو قادرة افتح عيني من النعس
عمتي : طيب وصيتهم يصلحون لك خبز مع جبن تاكلينه !
ماحبيت اكسر خاطرها .. فـ قلت : تشكرات كثيرات يااحلا عمه والله وتعرفين ان اسرع طريق لقلب سارة الخبز مع الجبن ..
ضحكت عمتي .. قلت : طيب خلهم يعجلون لاني مشغوله كثير
الكل ابتسم .. فعلا وصل الخبز مع الجبن اخذت نوران بحضني واتمصخر عليها امد لها واشيله عنها ..
وقفت : كراميت فوق كل شي !
صفرت مع تصفيق : أووه عاشت نوران من وين متعلمتها تجننين
ابتسمت بقوة : صدق ؟!!
قلت : أكيد مين ألفها لك ؟!
ناظرتني وابتسمت : انتي تقولين قلدتك ..
لعبت بطرف انفها : اها يعني كل شي اسويه تقلديني ؟!
هزت راسها بـ ايه ..!
قلت : هين أجل ..
سكتت فتره ثم حطيت صينيه الاكل على الطاوله : الحمدلله .. يلا تصبحون على خير يلا نوران
نجوى : ساره !! وين ؟ قسم ماصرت اشوفك
قلت : بصراحه رتبت غرفتي وبخاطري انوم فيها من الحماس ابي انوم من وقت
نجوى : يالخاينه ماقلتي لي ؟!
قلت : هذا انا قلت لك حياكم باي وقت الغرفه غرفة بنت خالكم
ابتسمت نهى ..
صعدت السلم مع نورة حسيت بحركه خلفنا لفيت كان تركي اكيد يبي يطلع طنشته ورحت غرفة نورة وحطيتها ورحت غرفتي أكمل ترتيب صارت غرفتي تجنن لاني أضفت عليها لمسات فنيه مني صارت تهبل .. واخيرا خلصت باقي العطور والكريمات وفعلا رتبتهم على جنب المرايا ..
ناظرت يدي شفت الساعه 12 ونصف يوم ! تأكدت من ان شنطتي كامله وانسدحت على السرير ولأول مرة دعيت من داخل نفسي يجي اليوم اللي اختار مع نايف غرفتنا هه الحلم الوحيد اني اتزوج نايف ومو حرام اني احلم بأي إنسان .. غمضت عيوني وانا احلم بنايف أحلام يقظه شيء ماتذكرته الا وهو نورة قمت بدون حتى ماالبس حجاب ومشيت بهدوء لغرفة نورة حطيت اذني على الباب ماسمعت شي ابد هه الظاهر انا خرفت كنت بفتح الباب بس غيرت رايي دخلت غرفتي ونمت براحه لاتوصف وانا احمد ربي ان نورة مابها شي ..!
*
*
*