.: الجزء التآسع عشر :.
" جَآلِسْ ~ لْحَالِي ولَحَآلِي ؛؛ هزّنّيْ |[ الشّوق ]| وْذِكرْتِگ ,,
يَعنِي ** مَعْ ـقُولَهـ ياآ غَآلِي *.. گل هَذآ وْمَاآ * وَحشْتِگ ..؟
غِيبتِگ × طآلتْ × لِيآلِي ,.,؛ يآا عَسَى خِيرْ و.. عَذرتِگ .!"
/
\
/
ودخلت البيت شفت البيت فاضي أحسن رحت المطبخ وخليت الشغالين وصلحت غذا محترم لا تنسون متحديه مع تريك ومو مخبرته الا اذا ذاقه .. وصيت الشغالين وحذرتهم يقولون لأي أحد ثم قطعت السلطه قلت لهم انهم ماشافوني وصعدت غرفة نجوى شوي وسمعت الاذان أول مرة اسمعه وانا مو في المدرسه .. صليت ودعيت ربي بدعائي المعتاد الذي سبق وان ورد ذكره ..
طويت السجاده وجهزت لي برمودا ابيض وبلوزه حمرا حطيت كحل وقلوس مثل الصبح لفيت الحجاب الابيض مع شيله شفافه عليها احمر حطيت لي خط مكياج احمر واكسسوارات احمر وابيض والساعه احمر واسوارة باليمين والشمال فاضي .. والله من الفضاوة .. لبست الكعب الاحمر وانا مبسوطه ..
ناظرت الساعه باقي شوي وتيجي نجوى نزلت تحت للصاله وفتحت التلفزيون على روتانا سينما وبديت اناظره وانا مفسحه والتكييف يضرب فيني ياسلام وناسه واللهـ ..
والله ماناقص الا الفصفص ناديت على الشغاله وجابته لي هه كأني اميره خخخ قمت آكل فصفص وانا منسدحه وكل وحدة من جهه بس معليه نهايتي بنظفه ..!
شوي ودخلت نجوى وهي تتأفف ووراها ولد عمتي شالت حجابها وجات بتصعد الدرج عاد الله لايوريكم يوم شافتني ..
شهقت : اهئ ساروة لاتمرضين التكييف بوجهك .. ثانيا لا تاكلين ذا كلي اكل صحي أو روحي ارتاحي ..
انفجرت ضحك بقوة الين شفت عمتي .. عمتي : ساره ؟!
قلت بضحكه : ايه عمتي ليه تغيرت ؟!
نجوى : شوفي يمه اليوم شفتها بالغرف الصحيه مغمى عليها و....
شهقت عمتي : قومي بس قومي برد عليك ..
ناظرت تركي : وانت ماتبي تقول شي ؟!
هز كتوفه : اكتفي بالمشاهده ..
قلت : بصراحه بصراحه كان مالي خلق اكمل الحصص عاد على حصة الرياضيات الابله قهرتني اجل انا تقول لي لا تروحين الحمامات قلت بوريها وسويت نفسي مريضه .. عاد نجوى كنت بطلعها معي بحكم صلة القرابه بس خبله ..!
شهقت عمتي وقالت نجوى : ياحمارة لاتهربي من المدرسه تضيع عليك حصص ..
هزيت كتوفي : ماعندي مشاكل دارستهم من قبل ..
نجوى : لا استخفت وجلست ..
وعمتي لاتزال بصدمتها سحبتها وجلستهم حواليني ..
عمتي : وانا حسبالي بس تركي اللي يهرب .. طلعتي انتي مثله ..
أكره شي ااسمه مقارنه مع ذا ..
قلت : لا عمتي ذا راسب السنه راسب .. بس انا يوم مايضرني شي فيه ..
تركي : ترا ساكت عنكم لحد الحين كله اهانات ..
قلت : أصلا لو عندك حكي قلته بس افحمتك بردي ..
سكت ..!
نجوى : بالله كيف طلعتي ؟!
قلت : اتفقت مع ريوم من الفسحه نهرب مثل الخُبر وطلعك معنا عاد طلعت معها علشان توصلني ..
عمتي : توصلك ؟!
قلت : قصدي زوجها يوصلنا .. تخيلي عمتي زوجها يقول لها أحسن شي اكم طلعتوا لان مديره مو راضي يطلعه ؟؟
عمتي : ياسلام هي مع زوجها يهربون وتهربين معهم ..
هزيت كتوفي : عادي كان خالي ماعنده مشاكل ونايف يوصلني ..
تركي : بلحالكم ؟!
عاد انا ادري اهم شي عنده اتغطى ويتغطون خواته هذا بناته الله يعينهم .. فـ حبيت اقهره ..
هزيت كتوفي : عادي واحيانا معنا ريوم ..
عاد الله لايوريكم شكله وقام ..
عمتي : غير ملابسك وانزل تغذى ..
ناظرني : مشكورة يمه ماابي ..
وجع الحين متعبه حالي ياحمار ..!
ناظرت عمتي : تعال تغذى مانستغني عن لقافتك ..
ناظر امه .. وامه ناظرتني .. ونقز لغرفته .. لفيت لامه : زعل ؟!
نقزت امه وراه .. لفيت لنجوى : فاهمه شي من اللي يصير ؟!
نجوى : ولا ابي افهم ..
وراحت فوق ..
بسم الله الرحمن الرحيم ماتوقعته حساس لذي الدرجه خيبه الظاهر انه باقي بزر .. تذكرت خالي ومرته دايم يقولون لي بزر يمكن لانو دايم العب بس انا اهم شي بالدوونيا عندي وناستي .. حطيت الفصفص على الطاوله وصعدت لغرفة نجوى شفت عمتي شاقة الحلق بسم الله بين المغرب والعشاء يفعل الله مايشاء .. سبحان مغير الاحوال جاتني لقافه بصراحه بس سكتت وطنشت ومثل مااقول ياخبر بفلوس بكره بي بلاش .. غيرت طريقي الى تحت ورحت اتابع الفيلم عاد انتهى واااي كان بخاطري أشوف النهايه .. المهم كان تامر حسني يغني وانا ادندن معه مدري اغنية اسمها " أول مرة تحب " ولا ايش الظاهر كيذا ..
المهم خلصت الاغنيه وقمت ورحت للمطبخ رحت ورتبت الصحون باقي نهى ونورة غريبه الكل جاء قبلهم أو يمكن ماانتبهت انهم دخلوا لان احيانا تطق فيوزاتي ومااشوف اللي قدامي .. المهم صعدت الى غرفهم وناديت عليهم وعلى نجوى ترددت اقول لتركي بس تراجعت صايره اعطيه وجه دايم ماصارت علشان انه اسوي كل ذا .. جلست اناظر الفيلم اللي بعده كوميدي أحسن .. وبدت النظافه على اصول سبق وان قلت ان اقصد قمة الوساخه كل قشر بجهه والحاله لله ..
نزلت نجوى : استغفر الله اش تسوين ؟! اش ذا ؟!
قلت بلا مباللاة : عادي اقدر انظفه متعوده
نجوى : الحمد لله رب العالمين
كملت : والصلاة والسلام على اشرف الانبياء والمرسلين .. حفظتها من الابلات ..
نجوى : كيف تعيشين كيذا ؟؟
هزيت كتوفي : مو شغلك كيفي ..
احترمت نفسي وقمت نظفته بعدين جلست آكل بنظام الين بعدين جاتني نورة تقول يلا .. قفلت التلفزيون ورحت معاها جلست جنب نجوى وانا ساكته وبخاطري اقول للكل اني مسويتهه بس ابي اسكت دام الكل ماقالوا فيه تغيير يعني ماحسّوآ بالفرق .. صفطت الملعقه ورحت حطيت لي عصير فراوله وجلست جنب نجوى ..
قلت : تبين مثلي ؟!
نهى : مدري كيف تستحملين الخبز مع الجبن وعصير الفراوله ..
بغيت اقول مثل ماتتحملون تركي اخوك بس احترمت نفسي وسكتت .. رفعت عيني لتركي لقيته يناظر نجوى وشاق الحلق مااقول لكم ماجاتني لقافه بس معها خوف مدري ليه ؟؟ ..
المهم سيبكم من قلبي من عرفته وهو كله يناقز .. لما شفت الكل خلص ..
قلت : بصراحه ابي اعترف باعتراف ..!
الكل ناظرني كأني مسويه جريمه عظيمه يُعاقب عليها القانون ..
قلت : بصراحه انا اليوم اللي صلحت الغذا ..
شهقت نهى .. وقالت نجوى : كذابه مااصدقك ..
نورة : قولي قسم ؟؟
ضحكت : لالهدرجه مصيبه ؟؟ وقسم بربي ..
نجوى : متاكدة يمه ان ذي بنت خالي ؟! طفره والله ..
ناظرت تركي وانا رافعه حاجب وموطيه حاجب : علشان يعرف اخوك ان مهوب انا اللي تتحدوني .. ولا كلامي غلط ؟!
الكل سكت حسيت بسعادة فعلا كيف ان الكل ماحس بغلط وفرحه ممزوجه بالانتصار على ثاني اكبر اعدائي .. أولهم سلمى !!
تركي : تصدقين نجوى ؟!
بصراحه حسيت بنظراته خبث الله يستر .. هزت راسها : هممم
كمل : ياخوفي تطلع مروى هي بنت خالي انا ماصدقت ان ذي بنت خالي الا لما حلف لي فيصل سبحان الله يتشابهون بقوة حتى الناس ماتفرق بينهم .. هم انفسهم احيانا يغلطون .. ولا كلامي غلط ؟!
حسيت من نغزاته انه يقصد يوم كنت ادخل له المقلط حسيت فعلا بقهر ووطيت راسي انا اذا كنت مقهورة أبكي او مفتشله ابكي ناظرت بيدي وبالضبط اصبعي صغير بس بدا يكبر شوي .
.
تذكرت الموقف وبدا ينعاد علي وانا اقول لنايف " آسفه " وأنا أصرخ " يمه ! " دموع خالتي مشاعل .. همسات فيصل .. نظرات مرت خالي .. السطح مع نايف .. دروس الكيميا اللي شرحها لي واخيرا حضنه ...!
أول شخص لجئت له من بعد ربي هو نايف .. قربه مني وهو يشيل البرقع .. ياترى باقي محتفظ بالبرقع ولا رماه باقرب زباله .. لا ياساره لا .. مو الحب اللي يخليك ضعيفه انتي قويه مايهزك شي .. مين كان اللي تنزل له دموعك ؟! بس ذا نايف تفهمون ؟؟ مُستثنى من القاعده .. لأنه نآيـف ..!
حسيت بغصه هو عايش متهني وانا اتعذب ولايدري عن اخباري خنقتني العبره ..
وقلت : أحم لاتغير السالفه اش رايك ؟!
عمتي : الحق ينقال بصراحه اكثر من روعه .. متأكده انتي اللي صلحتيه ؟؟!
ابتسمت : أكيد وترا محد ساعدني حتى السلطه .!
تركي : شوي لاينقز لك عرق ..
هو ليش يكرهني ؟؟ عشان ماعنده شي ؟ يسلي نفسه باعصابي ؟! ليش هو حمار مايفهم ؟!
وقفت : تمسون على خير ؟!
واشرت عليه : عادك انت طبعا جعلك ماتصحى الا شعرك قالب يارب ..
ابتسم والكل ضحك ماعلي منهم صعدت غرفة نجوى بملل بالخُبر ماكان فيه وقت ملل ابد طيب اش الحل ؟! والله وجبتها مافيه الا عيال عمي والبلايستيشن .. ضبطت حجابي وصعدت طقيت الجرس طلع لي واحد منهم
على طول عرفته : سامر صح ؟!
ابتسم : حياك !
دخلت جوى البيت على طول رحت للصاله لقيت اخوه ينتظره بالبلايستيشن يااي ذكروني بنايف وفيصل ..
جلست : وين ابوكم ؟!
سامر : نايم
كنت بسأل وأمكم بس اكيد دام ابوهم نايم امهم نايمه ..
قلت : طيب انا حد ابو اللي جاب امي ملانه .. تسمحون العب معكم ؟! بلييز والله بليز ..
ناظروا بعض وفسّحوا لي مكان بالوسط على طول نقزت وجلست بينهم
قلت : بما ان آخر مرة ثامر اللي قام فان اليوم سامر ينتظرنا
ابتسموا .. بديت العب معه بهدوء تام ولما اشوفه متحمس أحطstop ..
ثامر : ياربيه ليش تسوين كيذا حرام ..
قلت : أبد بس بعدل حجابي ..
ثامر : ايه هين قابليني بس ..
سكتت عنه وكملت العب عاد ذي المره عندي الكره واروح والمشكله من الحماس الف مع الكره والمدري ايش كني افحط .. وصلت 19 !
بصراحه زهقت من الحجاب ثانيا انا مااتحجب عنهم شلته وحطيته على اكتافي .. واخيرا انتهت المباراة ..
صفرت بصوت واطي : عاشت ساره ..
ضحكوا .. ثامر : حظك اليوم !
قلت بسخريه : هيهيهي لقط وجهك يابن عمي بس .. بنت تفوز عليك ؟!
ثامر : لاتنسين ان ذي البنت اكبر مني بكثير ..
قلت : بس ماتعلمت الا بوقت متأخر
ابتسم : وطبعا بتفهم بسرعه لانها اكبر مني والعقول غير ..
بصراحه افحمني واعجبتني ثقته في الرد قلت : ثامر هل تتزوجني ؟!
فتح عينه .. ضحكت : اهبّل فيك ..! بس بصراحه اول مرة حد يفحمني الله يخلي اصحاب العقول يارب ..
لعبنا كثير واكثر من مرة فازوا علي بس بصراحه تونست معهم .. قلت : طيب ممكن اذا ملانه اجي عندكم ؟!
ابتسموا : حياك !
وقفت : يلا انا تأخرت قوود باي ..
وصلوني لعند الباب وطلعت نزلت تحت على الساعه 3 العصر صليت بعدين ذاكرت وحليت واجباتي وعلى طول نمت ..
*
*
*