.: الجزء الخآمس عشر :.
" وحشني ][ صوتك ][ بقوهـ ؛؛ وحبك ×دآخلي× جوهـ .. و][ قلبي ][ صآر تحت أمرگ ؛؛ وأنت ** اللي تبي سوهـ ..! "
/
\
/
قمت رولت شعري والقذله رفعتها بكريستال احمر اخذت العباية الحمرا وكويتها وكمان الشنطه الحمرا والجزمه ..موقلت لكم اذا بغيت اصير لون اقدر ههههههه المهم فتحت شعري ياااي روعه اخذت الساعه الحمراء وحلقات ذهب مع خاتم ذهب ابيض علشان مايقولوا بنت فقر .. غمّقت على القلوس والكحله .. لبست مريولي وجزمتي اخذت عبايتي بيدي وشنطتي كمان ورحت لعمتي تحت اول ماناظرتني ابتسمت وسرحت في جمالي خخخخ يمكن علشاني اشابهه امي رغم اني مااعرف شكلها او يمكن اشابه ابوي او حتى شغالتهم ههههه ..
قلت : عمتي اش فيك مفسحه ؟!
ابتسمت فقط .. قلت : طيب اش رايك ؟!
لفيت لها لفه حول نفسي ..قالت : قمر ناشاء الله قمر .. يلا بتصل على عمر يجي لنا ..
لبست عبايتي وتحجبت تلثمت حسيت بخنقه كالعاده معليه مع الايام بتعود بس مقدر اليوم .. صعدنا السياره مع بعض كلمات عمتي وتلميحات عمي اني اتغطى .. جلست ورى اتصفح ملفي الجميل اش حلاته والله .. المهم وصنا ..
سمعت عمي : سلمى !!
التفت له : لا عمي قصدك اسمي سارة مو سلمى ..
وجع ان شاء الله حتى هينا يذكروني فيها أوووف معهم
ابتسم : اقصد عمتك ..!
نعم ؟؟ خيررر ؟؟ عمتي سلمى ؟؟
لا عاد مو حلوة ذي ابد تعودت اقول سلمووه واكره ذا الاسم بس يالله اللي في الخبر غير عن اللي في الدمام .. فرق السما عن الاررض ..
عمتي : ان شاء الله ..
وقفلت الباب .. قلت : عمي اش قال ؟!
ابتسمت : توقعتك تكونين مو معنا .. يقول اسجلك وارجع ..
قلت بفرح : يعني بكون هينا طول اليوم ؟!
ابتسمت ولا علقت ..
ياااااي هين ان ماطلعت ريم من ذا الكآبه وجلسنا ندور هين بس ! وفعلا تسجلت معهم وطلعت عمتي عاد انا على طول سألت وين فصل ريم طلعت السلم وطرقت الباب جلست على جنب بحيث محد يقدر يشوفني طلعت لي ابلتها استأذنت أدخل لريم بس مارضت قلت لها خلاص ورحت فصل نجوى حضرت معهم حصه كنا ورى ومابقى شي الا وسويناه المهم على الساعه 9 طلعنا فسحه كنت اراقب ريم بدون ماتحس الين شفتها جلست عن البوابه تكتب بلحالها تسللت مع نجوى وغمضتت عيونها واشرت لنجوى تتكلم ..
نجوى : اللي ماسكه عينك مين ؟!
ريم : أمممم أمممم ينقالي اتذكر مافيه الا ضحى ..
ضحكت نجوى : نووو فكري ,,
حطت يدها على يدي انتبهت لخاتم الخطوبه ..
ريم : غريبه يدك ناعمه غير العاده ؟!
انفجرت ضحك وفكيتها على طول ناظرتني قطبت حاجبينها فتره ثم ضربت وجهها وابتسمت وعلى طول الى الاحضان ياعشاق ..
حسيت بدموعها على كتفي ..
تقول : ياحمارة ياحيوانه لو قلتي لي من قبل علشان ماانصدم بغيت اموت والله !
بالموت فهمت كلماتها لانها تشاهق انتبهت ان دموعي صار لها ساعه تنزل لذي الدرجه انا غاليه على أحد ؟؟ يبكي من الفرح لانه شافني ؟ معقول ؟! أتحول بيوم وليلة واصير مهمه ؟! ناس انا واحشتهم ؟! يتمنون يشوفوني ؟! انتبهت ان اغلب البنات رجعوا فصولهم وبقت كم وحدة يتعدون على الاصابع سحبتني ريم ورى المدرسه وجلست ساكته مسحت لها دموعها وابتسمت لها ..
ريم : ياحمارة ليش ماقلتين ؟!
ضحكت : مفاجأة صح ؟!
همست : وحشتيني ..
ابتسمت : ذي السنه كووولها بجلس معك لاصقتن فيك ادري اني عله بس تحمليني لاني احبك ..
ضحكت : صدق بتدرسين هينا ؟!
ابتسمت : بس طبعا مو علشانك !!
قطبت : اجل علشان مين ؟!
قلت : خلاص حبيبتي مافيه خُبر ولا هم يفرحون ..
قطبت : قسم لو انك تزوجتي وماقلتي ماأكلمك ... ثانيتين
ضحكت : لاماتزوجت بسكن مع اهل ابوي ومن حظك اني بالدمام
شهقت : وناااااااسه اجل
قلت : شفتي البنت اللي كانت جنبي ؟!
قطبت : لامانتبهت .. ليش بنت عمك ؟!
قلت : نوو بنت عمتي .. أحكيني عنك وعن زوجك .. هااه مافيه كائنات حيه في بطنك ؟!
وغمزت .. على طول وطت راسها وقالت : لا مافيه ..
ضحكت : استغربت يعني كيف مالكم شهرين على بعض وتحملين كنت بقول زوجك مايتركك أبـ ....
ضربتني : ياحمارة استحي ياوجه اللوح
سكتت عنها وناظرت السما .. قلت : أحلا شي ان زوجك ماعمل لك شهر عسل لاني محتاجتك موت جنبي لانك وحشتيني ياحماره ..
فجأه ماشفتها الا وشهقت : تعالي صدق دق الجرس قومي بس لايكرشوننا برى المدرسه ..
فعلا قمنا انا كنت فاضيه وانتقل واحضر حصص مع نجوى وريم وطبعا اغلبها سوالف .. الحصه الاخيره كانت مع ريم والابلة من نفسها طردتنا احسن بعد ..
ريم : تصدقين ؟!
قلت استهبل : ايه اصدق ؟!
ضربت كتفي : بلا بياخه .. تصدقين اني لين الحين مو مصدقه انك جنبي ؟ معقول ؟
رفعت قذلتي بغرور : اش ذنبي ياربيه اذا االكل يحبني والله مو ذنبي يعني انا اللي اعرفه البنات يحبون البياض وانا سمرا شكو مااقدر .. قسم مااقدر ..
ابتسمت : حماره ها .. الحين انا امدح فيك تقولين سمر اقسم برب الكعبه انك حلوة
ضحكت : احلفي واصدقك ..
ابتسمت : والله ..
ابتسمت : خقيت !!
*
وقفنا عند الباب بعد ماسمعنا الجرس لبسنا عباياتنا انتبهت ان عبايتها تغيرت صارت على الراس كيفها لا وتتلثم بعد .. والله دامها راضيه انا شكو ؟ لفيت حجابي وطلعت معها انتظر ..
ريم : اش عندك واقفه ؟!
قلت : انتظر خالي ..
ضحكت : قسم انك رايحتن فيها حنا بالدمام مو الخبر ثانيا استحي على وجهك وتغطي الوحيدة اللي كاشفه ..
ريم تتكلم بصيغه مبالغه كثير .. كم وحده كاشفه ؟ كثييير
ابتسمت : مو شغلك ..
سكتت فتره ثم قلت : تعالي خالي في الخبر انا من يوصلني للبيت ؟!
ماسمعت الا ضحكتها : يعني مافيه سيارة بالكون الا خالك ؟!
افتشلت : ايه صدق وينها نجوى ؟!
ريم : مدري .. المهم ملوكي وصل بايو ..
سلمت عليها وراحت .. تقول ملوكي اذا ماخاب ظني .. بالله زوجها اش اسمه ياشين اللقافه بس .. وقفت اناظر وينها نجوى مالقيتها حسيت برعب بس طبعا لما تذكرت يوم اني اضيع بحالي هان علي الخوف لان معي بنات .. وقفت انتظر .. بعدين سمعت صوتها من وراي تطمنت ..
نجوى : هيييييييييي انتي الحين انا جالسه أدورك من صف الى صف والنهايه تتطلعين برى ؟! صدق ماتستحين على وجهك ...
تنفست بقوه : أووووه .. أنا خفت كمان .. طيب ماوصل عمي ؟! والله تعبت وانا واقفه ..
قالت : لا تركي مابعد جاء
لا ياربيه ! انا بركب مع ذا مستحيل اسويها واروح مشي حلا هو كل مرة اسويها ؟! ثانيا خلني ابين له اني قويه .. طيب نصعد معه وما اتكلم ولا كلمه والبادي اظلم ..
نجوى : وين فسحتي مع وجهك ؟!
ابتسمت : في تركي اخوك ..
شهقت : اهئ ياحمارة ماتستحين على وجهك تقولينها بوجهي ؟!
قلت : أولا انا مااعرف اكذب وانتي سألتي وجاوبت .. ثانيا افكر كيف بركب معه وانا اتقزز منه ؟! .. ضربتها على كتفها : انا استحي اكثر منك ياخبله ..
نجوى : خلاص بس أكلتيني .. انتي انسانه ولا اروع .. طيب كيذا ؟
ابتسمت : ايوه ..
ظلينا فتره ساكتين بعد فتره قالت نجوى : ماتبين ترجعين البيت ؟!
ابتسمت : ليه اخوك وصل ؟!
هزت راسها ايه : ياليت ماتتهاوشون مع بعض ..
قلت : والله اذا هاوشني مابسكت
قالت : اضبطي نفسك ..
اتجهت للسيارة وصعدت جنبه أما انا ركبت ورى .. ظل واقف عند الباب فتره ..
نجوى : ضايع لك شي بالمدرسه ؟!
هز راسه نفي : لالا بس فيه بنت اركبت بالغلط وقلت بنتظر يمكن تستحي على دمها شوي ..
كتمت غيظي : انا سارة بنت خالك .. ويلا حرك ..
جاوبني : يلا حرك .. سايق لك ؟
قلت : ولا تزعل يااخ ممكن تحرك .؟؟
قال : اولا انا مو اخوك ..
ضبطت اعصابي : ياولد عمتي المحترم ممكن تحرك لان الشمس حارقتني ؟!
سمعته يقول : تتغطين اتحرك ماتتغطين مستحيل امشي .. تبين الكل يناظر سيارتي ؟!
على قول نايف الاستاذ ناوي على هوشه ! أوووف منك بس طيب مو انا اللي تمشي كلامك عليها مو قلة حيا وحشمه مني بس عناد ؟؟
قلت : تحرك وانت ساكت
قال : مابي ..
قلت بهدوء : اسمع انا اعند واحده ممكن تكون قابلتها في حياتك .. الشي اللي مو راضيه فيه مااسويه وكل شي ابيه على مزاجي ومحد يقدر يقول لا فـ اذا تبي تجربني لا تحرك .!
قال : مابي .. تغطي أو تلثمي أتحرك ولا ... لاتحلمين !
قلت : تحرك وبلا عناد ..
قال : تغطي ..
قلت : يعني مابتتحرك ؟!
هز راسه مثل الاطفال : للللأ !
قلت : طيب بتشوف ..
ناظرت المرايا لقيته مبتسم ومبرطم بنفس الوقت : كيف يعني بتروحين مشي ؟! عادي ترى!
قلت : لا حبيب ماما ذي موضتها قديمه
تحركت وجلست بالوسط بين نجوى وتركي ..
ناظرني : بتسوقين !؟
جاوبت بهدوء : ماهي شينه بس قسم لولا الحيا ان العيال يشوفوننا ويقولون كيف الحرمه اللي تسوق والرجال صافط كان قمت !
سكت فتره وهو يناظرني كأنه يقول اش بتسوين ؟!
قلت : أبدا ياولد عمتي بس غصب عنك بتحرك السيارة وتوصلني وانا كاشفه وكيفي ..
ابتسم بسخريه وهو مبرطم كنت بقول له ابي اعرف ليه دايم مبرطم علشانه دلوع امه ..
قال : اش ذا الحيا ياربيه ..
بغيت اهاوشه بس تذكرت كلام اخته وسكتت مديت يدي لجيبه واخذت جواله وهو واخته مدري منصدمين ولا ايش المهم رجعت ورى مكاني ودورت على البحث في الاسماء وحطيت " خالـ ... " ماكملتها وطلع لي " خالي عمر " الحمدلله اني اعرف اسم عمي .. على طول دقيت والاثنين يناظرونني .. رن .. ياربيه رد ياعمي لاتفشلني معه ..
انتظرت وأخيرا رد : هلا تركي ..
قلت بدلع : هلوو مااي آنكل .. انا ساره بنت اخوك ..!
عمي : ساره ؟؟ اش عندك بجوال ولد عمتك ؟
حتى انت ياعمي تشك فيني ؟! في الخُبر فيصل وهينا انت ؟! مو حرام ؟؟ شوي وتخنقني العبره بس مابي ابين لهم .. ابي اكون قويه ..
قلت : ابد عمي ولد اختك المحترم مو ناوي يتحرك ويرجعنا البيت مدري الظاهر اننا مو عاجبينه .. فـ ياليت تقول له يحرك لأني .. وبدلع ومياعه : ذبت بالشمس
صرخ : ليش واقف ؟!
اتروعت : عمي ترى انا ساره مو تـ...
قاطعني : اعطيني اكلمه !
ابتسمت بانصار ومديت له جواله .. وقلت : عمي يبيك ..
ناظرني واخذ الجوال ياربيه يهزءه .. شوي وشال الجوال عن اذنه وحطه على يده .. مبين ان عمي يصارخ .. بعدين حطه على اذنه ..
سمعته يقول : لا خالي بس مو متغطيا ..
عمي :..........................
قال : طيب بس تتلثم على الاقل ..
الظاهر عمي رجع يصارخ فـ أبعد الجوال عن اذنه .. شوي ورجع : طيب خلاص .. طيب ..
وقفل وحرك .. حسيت بالانتصار فعلا .. أحسه مقهور وزاد برطمه ههههه
سمعته يقول : من الذوق يابنت خالي ماتاخذين الجوال بدون اذن ..
مابقول لكم مافتشلت لان وجهي مو مغسول بمرق مثل مايقولون .. سكتت ثواني
ثم قلت : ليش لهالدرجه انت طفران ؟! ماعندك فلوس ؟! تخاف الفاتورة تكون قويه ؟! مسكين ولد عمتي ..
فتحت شنطتي وطلعت بوكي ورميته بحظنه الحمدلله اني اليوم حاطه فيه فلوس مثل الناس ..
قلت : وأذا تبي زياده ماعندي مانع ولاتستحي عادي انا بنت خالك او اذا تستحي مره قل لوحدة من خواتك عادي اعطيك .. واذا تبي شي تراني بالخدمه كلنا اخوان
سكتت آخذ نفس رغم اني كنت ارتجف بس محد كان يعرف مبين علي قويه .. متأكده تماما انه متنرفز .. هو مايطيقني خلقه ذي المره فعلا بخاطره يذبحني ..
قال : مين انتي علشـ...
قاطعته : ايه نجوى كنت ابي اسألك يوم اني كنت مع ريم ماشفتك وين رحتي ؟!
كانت تناظر تركي وهي ساكته مبين ان هي خايفه .. بيني وبينكم انا اكثر ..
قلت : نجوى !!
ساكته .. أحترمتها وسكتت .. شوي ووصلنا الى البيت طلعت نجوى .. فتحت الباب حسيت بضربه على ظهري لفيت لقيت البوك طايح في السيارة وتركي يناظرني ..
ابتسمت بغرور : بلاك ماعرفت مين سارة العلي !!! ماتنزل للأرض لو اش يصير .. كيف لو علشان شي تافه مثل الفلوس ؟!
قال : لا تصيرين بزر مو محتاج لفلوسك ..
دخلت خصلاتي اللي طلعت بغرور واضح .. ثم ابتسمت : متى آخر مرة فحصت لنظرك ؟! الظاهر ماتشوف زين
لفيت عنه ودخلت صدق اني جريئه انا مع نايف بالموت تطلع مني كلمه من الحيا .. رغم اني لو تكلمت مع نايف بالخبر عادي محد بيقول لي شي .. أما هنا ماخذه راحتي وأهاوش ومدري ايش رغم ان الكل ينتقدني .. يمكن عشاني احب نايف استحي منه .. كل شي جايز ..
أسرعت بخطواتي لداخل ودخلت ماكان فيه احد بالصاله على طول لغرفة نجوى حسيت بتعب من التفكير كل شي افكر فيه غصب يدخل فيه نايف .. مالقيت نجوى احسن لا تفتح لي سالفه .. توضيت وصليت لأول مرة ارجع من المدرسه وماأصلح الغذا ياااي اشتقت فعلا لروتيني .. المهم فتحت شنطتي ولبست بيجاما أزرق والبلوزة واسعه لاني استحي انام مع نجوى كيذا .. كمان برمودا بس لاصق فيني .. البلوزة كانت ربع كم تقريبا .. انسدحت على السرير حسيت بعدم راحه يمكن عشان نجوى معي واستحيت اغير لبسي .. جلست اتقلب مدري مو جايني نوم يمكن عشان التفكير أو يمكن عشان عدم الراحه .. تأكدت ان نجوى نايمه قمت غيرت ملابسي لبست شورت وبلوزة توب لحد نصف البطن فتحت رباط شعري وقفلت النور .. جلست افكر وانا مغمضه في نايف .. بجد مشتاقه له معليه اليوم الثلاثاء باقي الاربعاء والخميس ويوم الجمعه فيصل بيجي .. ارسلت قبله لنايف .. ماقدرت وفتحت النور ..
سمعت نجوى : قفلي النور ..
قلت : معليه نجوى ابيه ..
تغطت باللحاف وناظرت الساعه 2 الظهر .. غمضت ونمت ..
*