(( 2 ))
قلت : السلام عليكم ..
رد : وعليكم السلام .. هاا خلصتي كل اغراضك ؟!
هزيت راسي ايه .. تحرك وانا لاصقة عيني على نايف اللي واقف عند سيارته شوي اناظر البيت وشوي نايف بشتاق له موت ..
عمي : اش عندك تناظرين هناك ؟!
ارتبكت : ابدا بس اناظر البيت لآخر مرة
عمي : طيب تغطي ؟!
لا والله ! بتبعدني عن نايف وماتبيني اشوفه نظره أخيره ؟! مو حرام عليك ياعمي ؟! اش ذي الاناينيه ؟! انتبهت ان عمي يتكلم ..
التفت له : خير عمي ؟!
عمي : وين سرحتي ؟!
اشرت يدي يعني ولا شي .. كملت : ليش اش صاير ؟!
عمي : قلت ابيك تتغطين !!
قلت : أختنق ..
صحيح ابتعدنا عن نايف بس مع ذلك ابي اعاند عمي مو كل شي يبيه يسويه ..
عمي : نجوى ونهى ونوره يتغطون عادي .. انتي ليش ؟!
قلت : ولا شي بس مااعرف ..
وقف السيارة الله يستر والتفت لي : قربي ..
قربت اخذ طرف الشيلة لقاها ماتكفي ..
قال : عندك شيله غيرها ؟!
هزيت راسي بـ لا .. رغم انه عندي بس عناد ..
عمي : لكن اذا وصلنا للدمام روحي مع عمتك تشتري لك ..
قلت : يصير خير ..
كمل طريقه وانا ساكته ماحبيت اشغّل شي لاني ابي افكر في نايف .. أفكر في نايف ؟؟ لا اقلب على نفسي المواجع خليني ساكته أزين لي ..
وطيت راسي أحس ان دموعي على خدي تنزل بألم ماتعودت انه يغيب عني حتى لو مايحبني بس وجوده وحده يكفي .. وألحين ؟! نيران تشتعل بقلبي لأني بتركه لسلمى .!
غمضت عيوني بقهر وانا اتذكر كيف كانت ماسكه يده ولاصقتن فيها .. أكيد يكون راضي بذا الشي كيف لا وهي الحبيبه ؟ حطيت يدي على وجهي أعيد كل لحظه صارت لي معاه .. أحس ان الدموع تنزل غصب عني ..
عمي : اش فيك ؟!
لا تجرّح قلبي ياعمي كل ذا وماتعرف اش فيني ؟! ماتدري ان بنت اخوك ذايبه بولد خالها ؟! ماتشوف نظراتها له ؟!
همست : ابي كلينكس ..
مد يده لورى وأعطاني مسحت دموعي .. أول ماوصلنا ...
قال عمي : انتي انزلي وقولي لنورة تنادي على تركي ..
ابتسمت : لا عادي انا اروح ..
عمي : قلت نورة يعني نورة ..!
*
بسم الله جزاتي يعني .. هزيت راسي موافقه .. دخلت لقيتهم بالصالة ..
قلت : السلام ..
ردوا : وعليكم السلام والرحمه ..
قلت : النوري حبيبتي روحي نادي على تركي يروح لعمي ..
هزت راسها : طيب ..
وقفت وراحت .. عمتي : نجيو قومي خلي بنت خالك ترتاح ..
هه عمتي تقول تريك ونوير ونجييو ولا مرة سمعتها تقول نهيو ههههههههه ..
نجوى : يمه !! نسيتي ان غرفتها فاضيه ؟! كيف تنام على الارض ..
عمتي : طيب تنام بغرفتك وانتي تنامين مع نوير ..
ابتسسمت : عمتي اولا انا موناعسانه الحين ثانيا وهو الاهم ان حتى لو نمت على الارض اش فيها ؟!
عمتي : لاروحي ارتاحي واذا اذن العشا صحيناك ..
ابتسمت ووقفت مسكت يدي نجوى ورحنا للدرج .. سمعتها تتحلطم ..
ضحكت : اش فيك ؟!
ناظرتني : ابد بس انا الوحيدة اللي حقوقي ضايعه بذا البيت ..
قطبت حاجبيني : كيف يعني ؟!
نجوى : ابد بس الاخت نهى بماانها الكبيره فـ انها مدللـه .. وتركي بما أنه الولد الوحيد كذلك مدلل .. ونوره الصغيره وماخذه كل الدلع .. اما نجوى ضايعه بالقصه ..
ضحكت : ههههاااي وقسم بالله انك فلله الحين كل ذا همك ؟! ولاتزعلين انا أدلعك كم نجوى عندي ؟!
وصلنا لغرفتها ... قلت : نجوى ..!
ابتسمت : آمري ؟!
قلت : ابي اشوف غرفتي الحين ..؟!
ضحكت : اش تشوفين فيها ؟! مصبوغه فقط ..
قلت : يلا عاد ..
وصلت لغرفه .. وقالت : ذي غرفة نهى وذي غرفة نجوى وذي لسارة وذي لنوير ..
قلت : وعمتي وتركي ؟!
قالت : اش ذا اللقافه ياربيه .. لاتخافين بتاخذين راحك لان غرفته بعيد جنب امه دلوعة امه ..
ضحكت على اسلوبها ودخلت غرفتي فتحت الانوار فعلا مثل ماقالت نجوى بس مصبوغه ..
قلت : ابي انام هنا ..
شهقت : ياحظي البلاط بارد ثانيا ينكسر ظهرك معه !!
ضحكت : أهبّل فيك انا انام على الارض ؟! استضيفيني بغرفتك ..
دخلنا غرفتها مبين ان غرفتها بنوتيه .. ثم جلسنا على السرير ..
قلت : متى يوصل سريري ؟!
ضحكت : انتي اصلا مااخترتي حتى يوصل ..
قطبت حاجبيني : ليه انتوا مااخترتوا لي ؟!
ابتسمت : خالي يقول خلها على ذوقها ترتاح فيها ..
قلت : مين خالك ؟!
نجوى : خالي عمر ؟؟ّ
بسم الله الرحمن الرحين ألحين خالها عمر اش دخله فيني ؟!
قلت : اش دخل خالك فيني ؟!
حطت يدها على جبهتي : اش فيك ؟! خالي هو عمك ..
للمرة المليون انحط بموقف محرج على كيذا .. ابتسمت : سوري ايه خالي اقصد عمي اسمه عمر ؟!
ابتسمت وهزت راسها .. سكتنا فتره ثم قالت : قسم ما شفت احسن منك !
ضحكت : ليش عاد ؟!
همست : انتي الوحيدة اللي تقدرين تفهمين امي ان نتعشى مع فيصل وتركي ..
ضحكت .. كملت : لا والأغرب تقولين لعمك مو متغطيا صدق جرأه
شهقت : ياحمارة انا ألحين صرت جريئه ؟!
شهقت : صدق حماره .. شوفي بقولك شي ..
قلت : ايش ؟
ندجوى : البارح لما طلعتي كنتي اول بنت بالدمام جريئه كيذا ..
ضحكت : وخييير ؟!
نجوى : ماتدرين اش صار ياحظي ..
والله حماس اش صار لهم ؟!
قلت : هاااه ؟ اش صار ؟
نجوى : أول ماطلعتي من البيت قال فيصل انك مجنونه وممكن تسوينها وانو بيلحقك .. مسكه تركي وقال له ماعليك لا تخاف خلها بتروح وبترجع وبنسخر عليها ..
قلت : وطبعا فيصل صدّق ؟!
نجوى : طبعا .. وكل شوي ينقز فيصل بروح .. وتركي يقول له ماعليك اصبر صارت ونصف وماجيتي حضرتك عاد ذي المرة قال عمك انه بيطلع وأخوك ماصدق وطلعا الله لايوريك .. انقسمنا لعدة فرق ..
ضحكت : ههههههههاااي حلوة ذي فرق ..
ابتسمت .. قلت : طيب ايوه كملي ؟!
نجوى : الفرقه الاولى تركي وفيصل وعمك يطلعون بسياراتهم .. وعيال خالي سامر وثامر يلفون بالحديقه وبما تحتويها من بيوت وغرف .. الفرقه الثالثه الشغالات يدورون بالغرف .. أما نحن فـ ننتظر علشان لو رجعتي نتصل نخبرهم ..
صرخت : الله ! صرت مهمه ..
نجوى : بس صدق خبصتينا ..
قلت : سوري كملي ..
نجوى : آخر مرة تقاطعيني ..
هزيت راسي .. كملت : صارت الساعه 2 وربع ومابعد شرفتي .. شوي ورجع عمك وفيصل وتركي بعد مابقى ولا شارع الا ولفوه .. طبعا عمك وعمتك شوي ويذبحون تركي .. المهم عمك المحترم عاقب تركي بأنه يلف كل انحاء المنطقه يدورك وان صارت الساعه 3 ونصف ومالقاك ذبحه حلال !
قلت : أووووف حسافه ليتني مادقيت وذبحوه
ضحكت : لا تقاطعين ..
حطيت يدي على فمي .. كملت : المهم جات الساعه 3 ونصف ولا ندري عنك واخوك الله لايوريك رايح وراجع وكل شوي يطلع للحديقة ينتظرك ..
كسر خاطري : ياعمري فديته قسم رحمته ..
نجوى : اصبري بس وبتشوفين ..
ضحكت .. قالت : المهم صارت 4 وربع ومابعد درينا شي وبعدين شرفتي ودقيتي .. عاد يوم شاف فيصل الرقم ارتجف وخاف الحين اش اقول لخالي ومدري ايش .. بس قاله عمك لا تخاف المهم رد لوتشوفين عاد بغى يستخف مدري من الفرح ولا انتي اش قلتي له ؟!
قلت : تبين تعرفين ؟
هزت راسها بحماس : ايه ؟؟؟؟
قلت : كنت نايمه بالعسل حلمت حلم مزعج العاده اروح لغرفته رحت مالقيته وتذكرت ودقيت لما قلت له عصب
كملت : ايه كان مبين عليه .. طيب تبين اكمل ؟
هزيت راسي وابتسمت : ياريت والله ..
نجوى : طيب .. عمك قال لاخوك يدقون على تركي بدون مايقولون له شي المهم دقوا اكيد تركي خاف لانه خواف درجه اولى عاد قال لابدورها يعني يقاله ندمان .. المهم بعد الاصرار رجع عاد لصق بأمي ..
ضحكت : بزر هههههههههههه
وقفت .. قلت : وين ؟؟ كملي ؟!
قالت : لاتقاطعين أكمل ..
الحمارة صارت تستلعن يلا ماعليه .. قلت : توووبه ياست ..
كملت : المهم قال له فيصل عن كل كلامك قسم لو كنتي جنبه اذبحك عاد مابقت كلمه الا وقالها اللي ماتحس اللي ماتستحي والى آخره ..
قلت : بصراحه خاطري اشوف شكله !!
ضحكت : نصيحه تراه بيذبحك ..
قلت : طيب كملي ..
نجوى : النهايه ان عمك قال له لو قمت يوم قالت لك ماصار اللي صار طبعا بلع لسانه وسكت قال له فيصل يرجعه ارتاح شوي ثم رجعه .. أقول لك نام نوومه طويلة عريضه من الساعه 6 الى اذان العصر ..
شهقت : ولا حس ؟!
نجوى : أصلا ماقام الا لما راحت له امي خافت يكون توفى ..
ضحكت : وللللل نومه طويل ..
هزت راسها باعتراض : لا اذا كان تعبان فقط بس تقدرين تقولين مايصحى الا بالموت حتى لو نام كثير ..
قلت : طيب اقفلي سيرة تركي بصراحه زهقت ..
ضحكت : سبحان الله حتى هو يوم انه رجع انقهر منك .. ليش تكرهينه مدري !!
قلت : بصراحه بارد موت ويقهر ويرفع الضغط ويجيب السكر ..
ضحكت : لو يسمعك بس .. تعالي تركي مو بارد ؟؟؟؟
قلت : هيهيهي ماأصدق أجل شهـ....
سكتت يوه انا وعدت نايف مااخبر احد ثانيا لو قلت لنجوى دخلت المقلط بلحالنا بتسوي لي حكايه كيف وليه .. زين اذا ماخبرت عمي ..
قطبت : أجل ايش ؟!
قلت : ولا شي انسي .. ييلا انا تعبانه ابي انوم ياليت لو تقولين لخالك ابي ملابسي ..
ضحكت : ربي لايعمي قلوبنا ذول ايش ؟!
ناظرت وشهقت : ذي شنطاياتي اش جابهم هينا ؟!
ابتسمت : عمك وتريك ..
قلت : بس كنا في الصاله كيف ماشفناهم وهم يدخلون ؟؟
ابتسمت : لاطبعا مابيدخلون من ذا الباب اكيد من الابواب الخلفيه ..
قلت : ممكن اعرف ذا بيت مين ؟!
ابتسمت : بيتنا ..
قلت : يعني بيت عمتي ولا عمي ؟!
لازالت مبتسمه : بيتنا وبيت خالي ..
قطبت : كيف يعني انا قصدي ذا بيت عمتي وعمي سكن معاها ولا بيت عمي وعمتي سكنت معه ؟!
ضحكت : لا ذا بيت جدي فيصل وكلنا ساكنين فيه ..
قلت : كيف ماشفت غرف سامر وثامر ؟!
ابتسمت : طبعا مابتشوفينهم .. شوفي الدور الاول ذا لكل العيلة والدور الثاني لنا اما الثالث لخالي عمر وخالي محمد الله يرحمه ..
قلت : أبوووي ؟!
قالت : ايه وكان من المفترض يسكن فيه فيصل بس فيصل رفض لان هنا فيه بنات ..
لا احلفي انتي بس ألحين فيصل من متى يستحي على وجهه هو لوح ابد .. أحمد ربي ماقال اول ماجاء يكشفون لي اعرفه فيه لقافه وحب استطلاع .. يموت ويشوف وجه كل وحده ويكتشف معالم وجهها .. زين اذا ماطلب مايتحجبون من الاساس .. بس ادري ليه لاصق بالخبر علشان ست الحسن والدلال الآنسه مروى .. هنا محتشمسين ومتغطين اما هناك لاحجاب ولاهم يفرحون .. وكأنها زوجته .. وماصدق على ربي ان تنفتح سيره علشان يتخلص مني علشان ياخذ راحته معاها .. أطلقت تنهيده
ثم قلت : طيب انا بروح اغير ملابسي ثم بنوم واذا اذن صحيني ..
هزت راسها وقامت ..
غيرت ملابسي وقفلت الانوار وانسدحت على السرير حاولت انام ماقدرت .. يمكن المكان جديد علي أو يمكن من التفكير !! ايه كيف ماأفكر في حياتي الجديدة ؟! تعودت على جدول يومي بالخبر ماتغير الا في الاجازات .. غمضت عيوني على امل النوم وفعلا حصلت اللي ابيه .. نمت وماصحيت الا على صوت نجوى تقول لي اذن قمت وصليت كنت برجع بنوم بس قالت نجوى تبيني أجلس معها مو لسواد عيوني بس محد فيه المهم لبست بنطلون أسود وبلوزه سوداء أكمام وحجاب ابيض عليه شيله سوداء .. نزلت معها ..
قلت : طيب ليه ساكته ؟!
هزت كتوفها : ماعندي سوالف ..
ضحكت : ألحين ياأيتها الحمارة ماصار لك يومين معي مسرع ماخلص حكيك !!
ابتسمت : اش اقول ؟!
كنت ابي اسأل عن مرت عمي لاني ماقد شفتها ولا حتى ابوها بس يمكن ابوها وامها منفصلين وتتضايق لما اي حد يسأل وياخبر اليوم بي فلوس بكه بي بلاش ..
قلت : أحكيني عن نفسك اي شي سولفي ..
ابتسمت : اسمي نجوى عمري 18 سنه ....
لحظه لحظه يانجوى عمرك 18 ؟! طيب مروى 17 ونجوى 18 وانا 19 وتركي 20 وفيصل 21 ونايف 22 ...
صفرت : ياااي حنا روعه ..
قطبت حاجبنها : نعم ؟؟ اش الروعه في علمي ؟!
افتشلت : اسمعي .. مروى بنت خالي 17 وانتي 18 وانا 19 وتريك 20 فيصل 21 نايف 22 ..
قطبت : مين نايف ؟!
أحلفي ماتعرفينه ؟ المفروض تحفظين اسمه قبل اسمي ..
قلت : ولد خالي !
سكتت فتره ثم قلت : تعالي الساعه 11 وين أخوك ؟!
ضحكت : لاتخافين مايجي الا الساعه وحده خوذي راحتك ..
شهقت : أحلفى ؟!
نجوى : والله ..
يوه عاد انا مقرره اتصل على ريم اسألها اسم مدرستها علشان اكون معاها وحتى لو مارضي عمي مو كافي انهم يحددون مصيري بكيفهم .. أبي اجرب ولو مرة وحده بحياتي اقرر شي بدون محد يأثر علي ..
وقفت : دقايق ورجاعه .. بأمكانك الصعود الى امك ..
ابتسمت لي وعلى طول لغرفة نجوى تعال انا ماعندي جوال نزلت تحت ودقيت بصراحه كنت مفتشله ماصار لهم يومين عارفني واستخدم تلفونهم المهم دقيت عليها رن فتره واخيرا شالته كانت ساكته ..
قلت :هلوو ريم ...
ريم : ياحماره ياحيوانه تقولين لي بدق لك اذا ماتوفيت خفت توفيتي قسم انك ماتستحين ,,
ضحكت : لا اطمنك عدت على خير .. المهم لا انسى ...
قاطعتني : أول قولي لي رقم مين ذا ؟!
قلت : أممم حنا في بيت خالتي .. المهم ابي اسألك انتي بأي مدرسه ؟!
جاوبت : ليش بالله ؟!
قررت أكذب علشان تصير مفاجأه : لأن مروى بنت خالي تبي تنقل للدمام عاد قلت كل يوم تشوفينها وتتذكريني ..
جاوبت : وليش ان شاء الله انتي مابتكونين معها ؟!
قلت : لا طبعا انا شكو ؟!
ريم : طيب اختصارا للوقت وعلشان اللي يوصلكم مايتعب مرة وحده علشاني ..
قلت : لا مارضى خالي المهم ..
قاطعتني : ليه هي تنقل ؟!
قلت بضيع السالفه : ألف مرة قلت ماأحب حد يقاطعني ..
ريم : لا تحاولين تغيرين السالفه مو علي يلا احكي ؟!
ياربيه اش ذا الورطه ؟! سكتت فتره ثم قلت : بس احلفي ماتخبرين احد ؟!
شهقت : لالهدرجه السالفه قويه ؟ قسم مااخبر حد ..
سكتت افكر بكذبه .. ريم : ايش ؟!
قلت : والله مدري اش اقول لك ياريم ..
هه اضيع السالفه مع وجهي اكيد بتلصق فيني ..
ريم : كيف يعني ؟!
قلت : بصراحه فيه ناس مزعجينها وتبي تطلع وقفلي السيرة .. هااه اي مدرسة ؟!
تصريفه حلوة بس احسن شي .. مافهمت شي من اللي اسويه .. المهم قالت لي مدرسة وعلى طول قفلت ورحت لنجوى مع دعواتي انها تطلع ذاتها مدرسة نجوى .. أول مرة ادعي دعوة وتتحقق بذا السرعه مو قصدي اقول ان ربي مو رحيم استغفر الله .. قصدي اكيد فيه شي ربي كاتبه على ذي الصدفه الحلوة بس مدري كيف نجوى مع ريم ولايعرفون بعض ابد .. المهم طلعت من عندها كانت قريب تصير واحده .. رحت غرفة نجوى مابي اقابل تريك وجه اللوح .. انسدحت على السرير وغمضت عيوني وفعلا نمت .. يامسكينه يانجوى تنتظريني تحت ..!
*
*
صحيت على صوت نجوى هه صايرة لي منبه طبعا من قبل وانا قلت لكم ان اللي في قلبي على لساني ..
قلت : ماشاء الله صايرتن لي منبه ..
ضحكت : قومي ياحظي بسررعه ..
انتبهت ان هيا لابسه مريولها وبيدها عبايتها وشنطتها ..
قطبت : نعم ؟! أولا انا ماعندي مدرسه ..
وتغطيت باللحاف : ياليت لو تطلعين !!
رفعته عني : قومي اليوم بتسجلين
فزيت من مكاني : ومتى بروح ؟!
ناظرت ساعتها : الساعه 8 ونصف
قلت : طيب ملفي في الخير ؟؟
نجوى : يوووه ياسارة اليوم ولد خالك جاء واعطاه عمي .. بسرعه انجزي
وطلعت !
نايف اليوم جاء ؟؟ ليش ماصحوني ؟؟ ابي اشوفه مشتاقه له موت .. ضربت نفسي ليش ماقمت ؟! آآآهـ يانايف لو تحس بربع اللي في قلبي مارحت وتركتني .. لالا اليوم حلو ان شاء الله بس صدق اكيد ناظر شهادتي العجيبه ياربيه ! أصلا نايف مو ملقوف !
المهم رحت تحممت وجففت شعري ناظرت الساعه 6 غريبه تو الناس كيف تروح نجوى بدري .. المهم حطيت فيه جل ونزلت لي قذله حطيت كحلتي وقلوس احمر لبست المريول وتعطرت ونزلت اليوم بشوف ريم وناسه اجل .. شفت نجوى وتركي وعمتي يتفطرون ..
قلت : صباح الخير
الكل : صباح النور
التفت لنجوى : تعالي ياحمارة مصحيتني ليه ؟! تنكدين على المخلوق ..
ضحكت : امي قالت ودام كيذا اكيد بتروحون معنا انا وتركي ..
نعــم ؟؟
خيييييير ؟؟
ماسمعت ؟؟؟
انا اركب مع ذا القرف ؟؟
ماحبيت افتعل هوشه على الصبح .. فـ قلت وانا اناظره : نو ثانكس .. لم انتهي بعد من تصفيف شعري ..
اش عنده يناظرني وهو مبرطم ؟! ياخوفي يبيني اعتذر ولا تحلم يا أخ ..!
نجوى : والله اش حلاته .. يلا عاد بليز ؟!
قلت : شوفي بروح الساعه سبع وبطلعك من الحصه اش رايك ؟!
ابتسمت : فكرة .. يلا تركي انا خلصت ..
وفعلا قاموا أما انا كنت جالسه بمكاني ..
عمتي : اش فيك ماتفطرين ؟!
قلت : بصراحه كنت ادور على الخبز مع الجبن ..
عمتي : جبن مرة وحده ؟ العاده محد يحبه !
قلت : لا عمتي انا امووت عليه .. بليز وينه ؟!
هزت راسها : بصراحه كل مرة نشتري ونرميه محد ياكله وذي المره اقترحت مانشتري ..
اكتفيت بالابتسامه فقط ولا علقت ..!
كملت : والله غريبه تبين جبن !!
ابتسمت : متعوده ياخالـ.. ياعمتي على الجبن في الخبر لاني اموت عليه ..
قالت : لو قلتين قلت لعمر يشتري لك ..
عمر ؟! مين عمر ؟؟ ايه صح هذا عمي ..
قلت : وينه صدق عمي ؟!
ابتسمت : يوصل نوره مع نهى وعياله بما ان مدارسهم قرب بعض ..
قلت : اهاااا
سكتنا فتره ثم قالت عمتي : ايه الليله بنروح نفصل لك عبايه
ابتسمت : لامشكورة عندي ..
بادلتني الابتسامه : بس حبيبتي ذي العبايه جديدة على اهلنا ..
قلت : اعذريني مااقدر تعودت واوعدك بحاول ..
وكملت : المهم انا طالعه غرفة نجوى اكمل شغلي ..
صعدت بدون اي كلمه ..!
.: نهاية الجزء الرآبع عشر :.