10-17-2016, 03:43 PM
|
| |
.: الجزء الرآبع عشر :.
" تــآاريخ × 19 / 8 .. الطــريق إلـى ..{ الدمــآآمـ ..! "
/
\
/
طلعت من الباب ياربيه انا اش سويت ؟!
أولا ماأدل ثانيا حنا بالدمام مو الخُبر ؟؟
بس مبين ان اهل الدمام طيبين ومايسوون شي حتى انهم يتغطون .. بس كل منطقه فيها الزين والشين .. ياربيه اش لي اقسم ؟! ابتعدت عن الحديقه وانا متلثمه وابتعدت عن البيت لين وصلت شارع عاد لاتسألوني كيف أرجع لأني ماأدل .. وقفت انتظر تاكسي أو أي حد بس مافيه الشوارع فاضيه .. ياربييه شوي وابكي بس لا مو انا اللي اصيح انا قويه ومايهزني شي .. جلست تقريبا ربع ساعه وماشفت شي كملت طريقي وصرت ادخل بشارع واطلع بغيره وقلبي يطرق بنت وبـ أنصاف الليول ومتزينه وبلحالها ..
الله يستر ..!
كملت امشوي وانا مدري من وين بديت .. ناظرت الساعه 2 وربع ياااه ومحد سأل عني ؟! ياربيه !! طيب خلني احاول ارجع البيت .. صوت داخلي يقول اني لا اروح لا أنكسر بس تعبت والله .. اتجهت ابي ارجع البيت وتقريبا نصف ساعه وانا ادور وماقدرت اوصل لشي ..
جلست عندالشارع وفتحت وجهي لاني اختنقت بصراحه احس اني تعبت .. يمكن حد يعرف وجهي ويجيني .. قريت آية الكرسى وبعض السور اللي تحفظ الانسان وين ماكان .. حطيت اللوم كله على تركي .. فعلا لو انه قام ورجعني ماصار كيذا .. نزلت راسي ودموعي على خدي وقفت لان البكى مايفيد ورحت امشي .. شفت سيارة موقفه من بعيد أسرعت بخطواتي وفعلا وصلت شوي ووقفت السيارة ونزلت بنت ..
قالت : اش بك ؟!
ناظرتها وهزيت كتوفي : ماادل بيتنا !!
قالت : طيب وين بيتكم ؟!
قلت : ابد ماادل ..
قالت : طيب ماتدلين موقع البيت ؟!
قلت : انا اصلا من الخبر ..
شهقت : وجيتي الى هينا مشي ؟!
هزيت راسي نفي : لا جايه ازور اهل ابوي وتهاوشت مع ولد عمتي وطلعت ..
قالت : تهاوشتي معه ؟!
هزيت راسي ..!
قالت : طيب خبريني كيف اقدر ارجعك ؟!
قلت : عيلتنا العلي ..
قطبت حاجبينها : العلي ؟!
ودخلت راسها : يمه تعرفين عيلة هنا اسمها العلي ؟!
قالت : لا مين ذول ؟!
جلست على الرصيف اللي جنبنا موطيه راسي مافيه امل .. هزيت راسي : تسلمين ..
وقفت ومشيت .. شوي وشفتها وراي : تعالي خلنا نرجعك الخُبر ..
شهقت : لا تتعبين عمرك ..
قالت : لا عادي انتي تعالي ولا تخافين على الاقل لو رحتي الخُبر يمكن تدلين بيتكم ..
ابتسمت : مشكورة ..
سحبت يدي ودخلت سيارتهم يااي قد ايش ان الدنيا صاروا قليلين اللي كيذا .. الحمدلله يارب .. انتبهت ان كلهم متغطين وراكبين مع سايقهم من تحت عباياتهم مبين انهم لا بسين فساتين اكيد كانوا بعرس .. ظليت فتره ابكي والبنت تهدي فيني .. ولما هديت ..
قالت : طيب خبريني اش فيك تبكين ؟!
قلت : أخاف ماارجع بيتنا ..
قالت : لا تخافين بترجعين الخُبر بس اعذريني على اللقافه كيف تهاوشتي مع ولد عمتك ؟!
قلت : ابدا بس هوا اللي اخذنا من الخُبر ولما صارت الساعه واحده قلت له يلا قم عاد صار حمار واستلعن قال مافيه روحه حلفت ان ماقام مااركب معه وفعلا ماقام وطلعت ..
شهقت : الساعه وحده ؟!
هزيت راسي .. شوي وقالت امها : وصلنا الخُبر قولي وين بيتكم ؟!
قلت لها ان يوصلوني مدرستي وخلاص لأن حرام الحين اكيد عندهم عرس ومدري ايش تعبانين وفعلا وصلت مدرستي سلمت عليهم وشكرتهم بصراحه لو اسوي اللي اسويه ماأوفي حقهم مشيت الين وصلت بيتنا طقيت الجرس بس محد فيه ياربيه .. رجعت طقيته شوي وفتح لي نايف الباب ..
همس : ساره ؟!
دخلت وانا تعبانه وعلى اول كنبه جلست ..
قال : اش فيك ؟! ووينه فيصل ؟!
همست : ماااي ..
نقز وراح جاب لي شربت منه .. تنفست بقوة : فيصل بالدمام ..
شهق : ناوي ينام معهم ؟!
وقفت : لا .. سالفه طويله لا تشغل بالك فيها ...
مسك يدي وجلسني .. نايف : احكيني ..
قلت : ابدا بس تريك استلعن وقال مو موصلني عاد انا حلفت مااركب معه وطلعت ووصلت ..
نايف : كيف ؟!
قلت : تقريبا من الساعه واحده الين الحين وانا ادور بالشوارع شافتني بنت ووصلتني ..
رميت جسمي على الكنبه .. قال : طيب اتصلي عليهم أكيد قلقانين ..
وقفت : والله تريك السبب ..
رحت غرفتي وغيرت ملابسي انسدحت على السرير ماهان علي اتركهم قلقانين نزلت تحت لقيت نايف مو فيه احسن علشان آخذ راحتي .. دقيت على جوال فيصل لأني اعرفه ..
رد فيصل : ألوووو ..
قلت : هلوو ماي براذر مو ناوي ترجع البيت ولا ايش ؟!
شهق : ساروه يامال الوجع وينك انتي ؟!
قلت : ليش ماشفت الرقم من وين ؟! المهم مو ذا موضوعنا انا داقه اقول ليش تأخرت ؟!
فيصل : قسم بالله مافيه ألعن منك .. متى وصلتي ؟!
قلت بكذب : أول ماطلعت ركبت تاكسي ورجعت عاد على طول نمت بعدين نقزت من الكوابيس متعودة اني اروح غرفتك مالقيتك ودقيت ..
فيصل : ياحماره .....
قاطعته : تصبح على خير ..
قفلت الخط لازم اقهره .. انا ماقلت له يجي معي ؟ مارضي كيفه .. ابي اقوله اني اسوي اللي في بالي مايهمني احد ..
رحت غرفتي صليت وانسدحت على السرير احس بتعب .. أووه هذي آخر ليله لي في الخُبر .. لا ياربيه .. أووووف مابي افكر .. غمضت عيوني ونمت ..!
*
صحيت على صوت فيصل ..
قمت : خير ؟!
فيصل : تدرين ان مثلك حمارة ماشفت ؟!
معصب موت .. قلت : تصبح على خير ..
وقفني : خير ؟! أولا انقزي لي لما أكلمك ثانيا ايش الذوق ذا ؟ .. رفع صوته : ياحمارة من يوم طلعتي الى يوم دقيتي وانا مع تركي وعمك ندور عليك ..
هزيت كتوفي وكملت ببرود : مو ذنبي انت ماجيت معي كيفك ..
فيصل : ماتوقعتك بتطلعين فعلا ..
رفعت حاجب ووطيت حاجب : والله انا قمت اذا تذكر .. ومو سارة اللي ترجع بحكيها لا تحسبني امزح .. ويلا ابي انوم ابي اتجهز لليله ..
وانسدحت على السرير طلع وصفق الباب وراه ..
حسيت بالدموع مضطره اكذب مابي أقوله اني طلعت ورحت وجيت .. بس احسن شي ان تركي صار كل اللوم في الدمام عليه كان بخاطري اشوف ردة فعله وهو يقوله فيصل اني وصلت من الساعه اللي طلعت فيها .. شوي ونقزت ناظرت الساعه 5 أووووف ابي اروح المدرسة بماأنه آخر يوم قمت مشطت شعري ولبست مرويولي أخذت شنطتي مع عبايتي ونزلت .. شفتهم يتفطرون غريبه انا اليوم ماصلحت فطور ؟!
قلت : صباح الفل ..
الكل معدا فيصل : صباح النور ..
قلت : ماشاء الله مين اللي مصلحوا ؟!
مروى : انا ..
ابتسمت : ابذوق وبعطيك رايي بدون مجامله ..
صحيح طعمه مو حلو كثير .. بس قلت : حلو تطور ..
فيصل طول الوقت ساكته على ابو انه زعلان أول ماشفتهم قاموا قمت معهم وطلعت ..
وصلنا المدرسه وجلست طول الحصص سرحانه وأفكر في المستقبل الجديد والحياة اللي راح أدخلها .. في حياتي ماشفت الدمام دايم اسمع عنها من ريم تقول انها حلوة موت وتجنن هه أكيد تجنن مو هي بالسعوديه ؟!
تنفست بقوه ووقفت واتجهت للأبله ..
قلت : ابلة لو سمحتي بروح للغرف الصحيه ..
جاوبتني : ليش ؟ انا اشوف مافيك شي ..
قلت : ابلة انا ولا مرة كذبت تعبانه موت ..
هزت راسها : طيب ..
روّحت فعلا انسدحت على السرير الطبي هذي ثاني مره .. المره الاولى يوم كان عمري 18 يوم اني كنت مريضه بالانفلونزا طبعا مو الطيور ههههه وجاء فيصل مع نايف ياااه قد ايش اشتقت لذيك الايام .. غمضت عيوني بألم خلاص مافيه شي اسمه الخُبر بتصير حياتي كلها الدمام .. غصب عني والله مابيدي حيلة .. غطيت وجهي باللحاف ونمت علشان اهرب من التفكير ..
صحيت لقيت وجهي بوجه ابلة نقزت ..
قالت : لاتخافين .. بس حبيت اشوفك اذا كنتي تعبانه لأن فيه بنت بتروح المستشفى ..
ابتسمت وقمت : لاخلاص ماله داعي ..
اتجهت للباب وطلعت فعلا كنت مدوخه رحت للصيدليه واخذت بندول .. رجعت صفي كانت الحصه الثالثه احسن بعد .. طلعت فسحه واخذت علبة مويا وبديت اشرب شفت نجلاء ابتسمت رغم اني مااعرفها عدل الا انها بتوحشني ..
سمت ثم قالت : اش فيك سرحانه اللي ماخذ عقلك يتهنى به ..!
ابتسمت : لا ماخذ عقلي ولا شي بس أفكر .. خلينا نسوي ذكرى لانه آخر يوم هنا ..
نجلاء : ليه ؟! انخطبتي ؟! كللللوش عقبالي ..
ضحكت : لا ماانخطبت بس بروح للدمام ..
قطبت حاجبينها : الدمام ؟! مع ريم ؟! لذي الدرجه الحب ؟!
ابتسمت : لا حبيبتي بروح الدمام مع اهل ابوي وانتهت السالفه يلا قومي نسوي ذكرى ..
اتجهنا الى شجرة كبيرة أخذت قلم وردي وكتبت " تاريخ 19/8 .. الطريق الى الدمام " التفت لها ..
وقلت : مابتسوين ذكرى ؟!
هزت راسها نفي : ليش بالله يوم خطوبتي أوعدك اكتب ..
ضحكت معها ثم اخذنا لنا جوله في المدرسه علشانه آخر يوم ولما طلعنا رحت مع سيارة خالي دخلت البيت لقيت فيصل فيه ونايف لا ..
قلت : وين نايف ؟!
فيصل ساكت ..!
جلست جنبه وهزيته : فيصل أكلمك ..
التفت لي وناظرني نظرة تحرق ولف ..
قلت : فيصل خلاص لاتصير بزر وثانيا مين اللي له الحق يزعل أنا ولا انت ؟! أولا أنا قولت لك تروح معي مارضيت .. ثانيا انت بتبعدني عن الخُبر الى الدمام وانا ساكته تفهم!؟ مين اللي المفروض يزعل ؟
التفت لي : لا والله ؟! وتخليني ألف الشوارع ليه ؟! مابقى شارع الا ورحت له وفي الاخير تدقين وتقولين كنتي نايمه ,,
قلت : فيصل !! أتمنى آخر يوم لي هنا يكون حلو مع الكل ومعك على وجه الأخص .. أنا صحيح ماغلطت بس آسفه وماأكررها بس ارضى علي .. وغلاة اغلا الغالــ...
قاطعني : لا تحلفين بأغلا الغالين ..
قلت : ليه ؟!
ابتسم : لأنك انتي أغلاهم ..
فيني الصيحه .. تقربت وهمست : مشكله اذا كل مرة اقول ابي اتجاهلك ومقدر ..
سكت فتره : صدقيني لمصلحتك انك تروحين للدمام على الاقل أزين لك جالسه هينا وكلك حرق ..
سكتت ومارديت .. كمل : طيب شريتي لك شنط واغراض ؟ّ
قلت : نوو .. ثانيا انا بروح للدمام مو ابتزوج واللي عندي يكفيني ..
وقف : طيب قومي جهزي شنطتك وأنا بتصل على خالتي مع ولدها يجون ..
قلت : بس لا تقول لهم !!
ناظرني : اجل اش اقول لهم ؟!
ابتسمت : على فراش الموت وتبي تودعكم !!
ضحك وراح ..
صعدت غرفتي تحممت ثم صليت جلست أجهز أغراضي تقريبا كل الملابس ودفتري اللي احبه .. كمان الكاسيتز حقتي لأن كل واحد منهم له قصه مع فيصل يعذبني معهم ويشوقني .. انتبهت لكاسيت مروى وفيصل حكيت لكم عنه من قبل أخذته وأخذت كاسيت ميشو وكمان كاسيتي انا مع نايف ..!
قفلت الشنطه ولانها كبيرة قدرت تحمل الاغراض .. فتحت شنط الزينه الصغيره حطيت كريمي المفضل وعطوري والمرطبات والقلوسات مع الكحله .. قفلت الجزء الايمن من الشنطه وفتحت الشمال حطيت ساعاتي كلهم وذهبي والمجوهرات قفلت الشنطة وجهزت علب " مكياجي " ولميتهم بشنطة ايه صح كتبي نزلت لفيصل
وقلت : آخذ كتبي ولا لا ؟!
قال بدون مايناظرني : أكيد طبعا ..
قمت على طول يووه يبي لهم شنطة مع مجموعة شنط المدرسة والعبايات والشيلات وفعلا دخلتهم بشنطه تقريبا اربع شنط 2 حجمهم كبير  صغير .. نزلت تحت جلست مع فيصل ..
قلت : دقيت على خالتي ؟!
فيصل : أكيد ..
قلت : ومتي بتيجي ؟!
فيصل : تقول عند أذان العصر تقريبا ..
ناظرت الساعه مابقى شي .. قلت : طيب نايف يدري ؟!
ابتسم : لا طبعا .. بس لا تخافين قلت له يجي ..
ابتسمت له : طيب خبرته ؟!
هز راسه نفي : مجنون ولا ايش ؟؟ مفاجأه ..
ابتسمت : طيب خلني العب معك صار لك ساعتين تلعب بلحالك وهذا آخر يوم ..
ضحك : ماسوت علين آخر يوم وآخر يوم طلعتيها من عيني ..
قلت بدلع : مو من حقي اتدلع عليك ياحمار ؟!
فيصل : شوي لا يسيح نصفك ..!
قلت : لا ينقز لك عرق يالمؤدب .. أنزين خلني العب بليز احبك فيصل بس خلني ..
ابتسم : طيب ثواني بس يخلص ذا الشوط ..
قمت : بسوي لنا كوفي ..
ماسمعت ردة علامة الرضا سكوت .. رحت المطبخ صلحت كوبين تعمدت أختار أكواب أحجامها كبيره علشان نجلس أكثر وقت .. ورجعت ..
فيصل : في الوقت المحدد .. يلا !
جلست جنبه .. فيصل : ايه قبل انسى من شوي اتصل عمك يقول على اذان المغرب جاي ..
هزيت راسي : طيب ..
ظلينا فترة نلعب وحنا ساكتين .. قلت : فيصل ..
قال : همممم ..؟
قلت : تحبني ؟!
ناظرني : لا ..
قلت : بس أنا أحبك ..
فيصل : مشكلتك مو مشكلتي ..
قلت : تصدق ذكرتني بمشكني ؟!
ضحك : من زمان عنها ..
قلت : ياااي ابي ارقص عليها ..
قال : روحي هاتيها اليوم غير ..
رحت غرفتي متأكده ان نايف مو موجود فـ أخذت المسجله والكاسيت ونزلت بالمقلط شغلتها وبديت اطق وارقص مع فيصل يااه اش حلاتنا نهبل .. هذي الاغنيه بالذات ترقص اللي مابيترقص عجيبه .. شوي وشفت فيصل سحبني وجلس ..
قلت : اش فيك ؟!
فيصل : ابد بس تعبت .. ليه انتي ماتعبتي ؟!
ابتسمت : لالا طبعا ..
قطب حاجبينه : غريبه .. ايه صدق انت بنت لو ترقصين سنه ماتتعبين ..
قلت : قل اعوذ برب الفلق منك .. لاتنظلني مع وجعك العجيب ذا ..
ضحك : قومي تجهزي دقايق ويأذن العصر ..
قمت وفعلا أذن صليت طبعا لما نزلت حصلت لي كم تهزيئه محترمه علشان حطيت المسجله في المقلط أكيد تعرفون من مين !! حتى على آخر يوم تأذيني مع زوجها اللي يتسمى خالي .. المهم قلت لفيصل ينزل الشنط وجلست انتظر خالتي وفعلا جات ..
قلت : هلوووو ماي خالة اعذريني الانجليزي ميح عندي
ضحكت : هلا حبيبتي ..
قلت : هلوو ميشو ياولد خالتي العزيز ؟! تدري انك وحشتني
ميشو : احلفي انتي بس ألحين ماسكين خط وجايين علشان كيذا ؟!
شوي ودخل نايف : السلام عليكم ..
قلت : وعليكم السلام والرحمه .. أسمعني ميشو مع خالتي ابي اسلم عليكم علشان اسافر ..
ميشو : تسافرين ؟! اش الطاري ؟! رحله مفاجئه ؟ ليش ؟!
قلت : بروح للدمام وبسكن هناك !!
خالتي : تسكنين ليش اش صاير ؟! تمزحين ؟!
هزيت راسي : للأسف لا ..
ميشو : طيب ليه ؟!
قلت : بروح أسكن مع اهل ابوي ..
شهق ميشو وقالت خالتي : نعم ؟! أهل أبوك ؟ تو الناس مسرع ماوصلهم الخبر انك ماصرتي تشربين الحليب كملتي سنتين ..!
قلت : طيب انا ابي اسلم عليكم لأن بعد اذان المغرب بيجي عمي ..
ميشو : يالخاينه سارووه مااحبك ..
قلت بابتسامه : ليش ؟!
ميشو : تروحين وتخليني ؟؟ يمه أنادي على الملاّك ؟!
ضحكت : والله بتوحشني انت بالذات كثير ..
ميشو : مو موصدق انك بتروحين ..
ابتسمت : لا صدق ..
نايف طول الوقت ساكت انتبهت انه يناظر التلفزيون ولاكأنه فيه شي ياربيه ليه مايحس ؟! طنشته وجلست مع خالتي وميشو الين اذن صلينا وفعلا جاء عمي .. قلت له ينتظر وسلمت على ميشو حضنت خالتي صدق بتوحشني ..
التفت لنايف : مابتسلم علي انت ؟!
ابتسم : توصلين بالسلامه ..
هذا اللي قدرت عليه ؟! صدق ماعندك احساس ..!
قلت : طيب سلّم مثل الخلق ..
تقربت منه لأني لو انتظرته مابيجي سلمت عليه يده بارده ..
قلت : يدك باردة ..
ضحك : يعني يدك اللي دافيه ؟!
ابتسمت ومشيت وقفت انتظر بالمقلط يخلص فيصل من اغراضي .. أنا يسلم علي سلام بارد وأدري انها لو سلمى مابقى شي الا وقاله ..
وشوي وقف نايف : انا بروح عمتي تأخرت على خالتي ..
خالتي : بحفظ ربي ..
سلمت عليه وطلع وانا اقول اش بو كيذا رايح يقابل الحبيبة سلمى .. انقهرت ولحقته لبرى وقفت من بعيد اناظرهم وهم يدخلون اغراضي ولما قفلوا دخل عمي السيارة وطق بوري على طول اتجهت له وصعدت .. |