10-17-2016, 03:38 PM
|
| |
.: الجزء الثآني عشر :.
" الحزن في ×صوتگ ,, أزعج ساكني ..
لين صآر ][ الگون من حولي ..حزين ..!
غصب عني "حزن" صوتگ هآجني *
ليــن خلّى × ξـآاصـي× المع ـنى يليــن "
/
\
/
جلست اتذكر السؤال " ليش ياتركي تحب فيصل ؟! هوا ايش يعني لك ؟! " ماكملت جملتي الا ودق جوال نايف تأكدت انه رقم البيت ودخلت ..
قلت : السلاام ..
رفع عينه : وعليكم..
قلت بهدوء : اسمع انا بقول شيي وماعاد تشوف وجهي ثاني بس ابي تجاوبني على سؤال ..
وقف وصار قبالي .. قال : اسمعيني انتي اول .. أنتي مو مروى صح ؟!
بلعت ريقي وبدى قلبي يدق طبول .. هزيت راسي بـ ايه ..
قال : أجل انتي مين ؟؟ سلوى ؟ سهام ؟ سلمى ؟ ..
ياربيه ! عنده قاموس أسماء العيله واسمي مو موجود .. كن بتكلم بس قاطعني ..
قالي : اسمعي لا تكذبين لاني أقدر بسهوله أعرف ..
قلت : اخبرك بس ماتعلم فيصل ؟؟
هز راسه .. قلت : قرب اذنك ..
قال : نعم ؟؟أعرفك تعرفيني تهمسينن باذني ؟؟
ياربيه معه ذا يحسبني احبه ولا شي والله حاله ..
تقربت منه وهمست باذنه : يعني السالفه عناد ؟؟
مسك يدي وابعدني .. قال : قلت انا مااعرفك ..!
انقهرت : خلاص اجل بروح ..
وسويت نفسي بروح ..
قال : لحظه !! شوفي ماتعلمين اسمك قسم ثم قسم ثم قسم شوفي 3 حلوف ان ماقلتي انتي مين أقول لفيصل وحافظ شكلك ..
دق قلبي وقلت : لا تقول له تكفى .. أنا ساره !!
قطب حاجبينه : ساره ؟؟ أخت سامي وسلمى ؟!
مو معقول يعرف الكل الا اخت خويه ..
قلت برعشه : لالا .. أنا سارة .. أخت فيصل ..
كانه مو مستوعب اللي قلته ولا مدري اش سالته ..
قال : ساره ؟؟ أخته ؟؟
خفت : ليش شفتني من قبل ؟
بقى يناظرني فتره : متأكده ؟ ترى عادي عندي اسأله !!
ياربيه اش هذي الورطه اللي طحت فيها والله ماشفته من قبل ..
قلت : ايه بس بليز لاتقول لفيصل ..
قال وهو باقي يناظرني : أحاول ..
قلت : لاتصير نذل عاد .. وغلاة اغلا الغالين عندك ..
هز كتوفه : قلت بحاول و 90 % أقول له ..
فيني الصيحه .. شهقت وطاحت دموعي ماحبيت انه يعرف نقطه ضعفي فـ طلعت وعلى طول لفيت ورى البيت سندت راسي وانا اتراجف ودموعي على خدي واحس انها حارة ..
شفت ان فيصل وتركي متجهين للباب انتبهت طرف عبايتي طالعه سحبتها بهدوء .. وانا اناظر فيصل كيف انه مو مبتسم ماصدقت خبر شفتهم طلعوا وبديت اشاهق وارتجف .. الله يستر تركي بيقوله .. ليتني مارحت وشفته ليتني ماصرت ملقوفه .. حسيت ان لو درت مرت خالي اني هنا ذبحتني .. ددخلت البيت وانا اتراجف الحمد لله محد شافني وقتها كنت مجنونه وممكن اعترف للكل .. ماحسيت بنفسي الا وانا داخله غرفة نايف شفته عند المرايا ..
التف لي : تعالي انتي وين رحتي طلعت مالقيتك ؟
سكرت الباب وسندت راسي عليه وبديت ابكي ..
تقرب مني : اش صاير لك ؟!
بديت اشاهق بقوة مدري لانه في حضني ولا من قبل شوي ؟؟ مد يده وفتح البرقع ورماه على السرير ..
قال : اش فيك تبكين ؟!
ماتحركت من مكاني لاني لو بس حركت شي طاح نايف بحضني لانه قريب بقوة ..
همس : طيب اهدي ..
رغم انه همس الا انه وجهه مقابل وجهي تماما ولذلك سمعته .. قام من عندي واتجه لسريره نزلت عيوني وكملت ابكي رجع لنفس وضعيته واعطاني مويه .. فعلا ريقي جاف شربت منه وباقي ابكي .. شوي شوي سكتت ..
نايف : طيب هديتي الحين ؟
هزيت راسي بـ ايه ..!
نايف : ممكن تخبريني اش بك ؟!
قلت : قلت له اني سارة وقال يمكن يقول لفيصل ..
فتح عينه : ليش انتي من قبل ماقلتي له انك سارة اخت فيصل ؟!
هزيت راسي بـ لا ..!
كملت : قلت له اني مروى ..
ناظرني : طيب بس ذي السالفه ؟!
هزيت راسي بـ ايه ..!
ابتسم ابتسامته اللي تخبلني .. ثم قال : لا تخافين مستحيل يسويها وثانيا لو أنك قلتي له من البدايه انك اخت فيصل انتهت المشكله ..
ناظرته : نايف مستوعب انه يقول لفيصل ؟ وفيصل يقول لخالي ؟ واروح فيها ؟!
ابتسم : قلت لك ماراح يقول .. ولا تخافين ..
قلت : اش اللي يخليك تتأكد ؟
تقرب مني لدرجه ان قلبي صار يطبل .. وهمس باذني : اسرار بعدين تعرفينها ..
بلعت ريقي وقلت : يعني اتطمن ؟!
هز راسه بـ ايه ..!
والله استحيت من وضعي انه كنه حاضني بس ماسك الباب لو بس يترك يده من الباب يطيح بحضني والله لو شافني فيصل وانا بذي الحاله معه ليذبحني .. لا وانا ابكي وهو يحضني وفي غرفة النوم .. وفيصل مايقصر يشك بكل شي ماعنده ثقه فيني .. ناظرت نايف ورجعت ابكي عاد ذي المره لأن كل ذا الانسان يروح لسلمى ..
قسم اني خبله مو راضيه فيصل يتزوج مروى ولا نايف وسلمى ..
نايف : اش السالفه بعد ؟!
كنت بتهور وبقوله بس سكتت .. قلت بهمس : نايف !!
قطب حاجبينه : آمري ؟!
قلت : نايف أنا .. أنا ..
أبي اعترف بس مو قادرة ..!
قال : انتي ايش ؟؟
قلت : ولا شي ..
حركت يدي وفعلا طاح نايف في حضني شهقت ورجعت ارتجف ..
نايف : أنا ...
قاطعته : انا اللي تحركت أعذرني ماكان قصدي ..
وقفت ورحت غرفتي قفلت الباب وانسدحت على السرير ابكي .. على نايف قبل شوي وخوف من تركي و ... أمي !!!
مثل البزران ابكي رغم ان نايف يطمني .. طيب ليه نايف متأكد ؟! يووه ياسارة احمدي ربك رحتي لنايف ولا انتي الحين تصيحين وخايف .. غيرت ملابسي ولبست بيجاما وحطيت المنبه وصليت العشا وعلى طول نمت ..
*
*
*
صحيت الساعه 12 وحليت واجباتي وذاكرت .. حطيت الكتب بالشنطه تحممت ولبست برمودا وردي وبلوزة ورديه أكمام هه اليوم كله وردي .. أخذت حجاب وردي ونزلت البيت هادي اكيد الكل نايم .. رحت المطبخ جيعانه لاني ماتعشيت من التفكير اخذت خبز مع جبن أكلته بعدين شربت عصير تفاح ناظرت الساعه 3 الا خمس .. مايمديني انام شوي وبيأذن . رجعت غرفتي ولما أذن صليت .. سمعت طرق على الباب فتحته ..
قال : صاحيه ؟؟
قلت بخوف : ايه اش تبي ؟!
هز كتوفه : ابد ماجاني نوم الا لما أكلمك ..
ارتعشت ياخوفي تركي قال له وانا اعرف فيصل مايعصب لأن الامور ماتنحل بذا الطريقه .. طلعت معه للمقلط دخلنا ..
قلت بخوف : فيصل روعتني اش صاير ؟!
فيصل : اتوقع تعرفين ليه جايبك هينا فـ ياريت ماتستهبلين ..
نقز قلبي ألعن ابو شكلك ياتركي كانك ورطتني مع اخوي .. بلعت ريقي بصعوبه ..
قلت : قسم ماكنت ابي اجلس معه بس ...
قاطعني : ساره !! أوقفي لحظه عن الحكي ..أنا مو رافض فكرة انك تحبينه بس مو يعني انك تعاملينه وكأنه زوجك ..
بسم الله .. تحبينه ؟!
ليش تركي مفهمه اني احبه ؟ مالت عليك صدق مهبول وماعندك ماعند جدتي .. لا وكأنه زوجك .. ماعنده سالفه !
قلت : وان شاء الله هو مفهمك اني احبه ؟!
فيصل : أنا ادري انك تحبين نايف وانتي بلسانك قلتي بس حركاتك مع مشعل مالها داعي !!
تنفست بقوة ألحين كل السالفه على ميشو ؟ قسم قلبي انخرش وصار طبول ..غير العرق اللي تصبب وآخرتها ميشو ؟!
تنهدت : أفهم ان كل شي صار قدام خالتك ونايف ومروى وقدامك ماكان فيه كلام عيب نقوله وانت تدري انه كل الكلام اللي انقال على طبقى السخريه والهبال ..
فيصل : ساره !! انـ.....
قاطعته : لا تتكلم اذا كان ذا الشي يزعجك وتتوقع اني اسوي شي مع ميشو فـ انت غلطان .. أخوي الصغير وانت عارف انه يعتبرني مثل اخته وأكثر .. وثالثا وهو الاهم انو هوا اصغر مني .. واذا كانت شكوكك ماتسمح لك انا اعتذر .. أوكي ؟؟ أقدر أقوم ؟؟
فيصل : ممكن ماتقاطعيني ؟؟ أنا سمعت انك جالسه مع ميشو بلحالكم ولما جات سكتتوا .. تفهمين ؟؟
بلمت : مين اللي جات ؟!
فيصل : لا تستهبلين !!
اش بلاه ذا مايفتهم ؟! .. قلت : طيب خبرني مين اللي جات ؟!
فيصل : بنت خالك ..
أهاا يعني السالفه كلها من تحت راسها .. بس ليش ؟! يمكن علشاني شفت انها بالشات ؟ ومافيني اعلم ؟؟ علشان الحين لو قلت كلمه وحده يقولون منقهره لانها فضحكتني .. مدري ذي من ايش عقلها .!!
قلت : اسمع ياأخوي المحترم أولا أنا أول مرة اسمع بذا الحكي ثانيا طول الوقت كنا جالسين مع بعض كلنا متى امداني اسوي كل ذا ؟؟ واذا ماعندك ثقه فيني اتوقع عندك ثقه بتربية خالتك .. واعذرني انا بروح انوم ..
قمت ورحت المطبخ صلحت الفطور وصعدت غرفتي ياربيه مع ذا المروى اللي مدري؟ .. حاقدة علي .. مدري ؟ تتنرفز لما تشوفني أووف .. حطيت المنبه على 6 الا ثلث ونمت في الحقيقه مانمت كنت افكر ليه بنت خالي تعاملني كيذا ؟؟ ..
*
المهم أول ماصاح المنبه قمت مشطت شعري وحطيت لي خصلات على وجهي ونفخته من ورى قلت ابحط كحله وابلبس العدسات وفعلا طلعت قمر حطيت قلوس احمر ولبست عبايتي ونزلت طلعت برى .. أنتظر خالي ومروى يخلصون .. فعلا صعدنا السيارة ورحنا المدرسه جلست بلحالي من بعد ريم اللي تجبرني بسواليفها اني اندمج واسولف .. طلعتني من الانعزال ورات عني أحس الدموع متحجرة في عيوني .. لحظه تذكرون البنت الناعمه ؟ حكيت لكم عنها يوم الثلاثاء ؟؟
جات وقالت : اش بك جالسه بلحالك ؟!
ابتسمت : اممممم مع مين اجلس وريم راحت الدمام ؟!
ابتسمت : يعني مافيه في المدرسه الا ريم ؟؟ وانا ؟؟
مبين انها طيوبه جلست جنبي .. من زمان وانا اقول لكم عندي سؤال يقرقع بقلبي لذي البنت ..
قلت : بت اش اسمك ؟!
ابتسمت : نجلاء .. وانتي سارة صح ؟!
ابتسمت : قد ايش ياربي انا مشهورة ..
اكتفت بابتسامتها .. ثم قلت : ابي اسأل سؤال اذا مايضايقك ذا الشي ؟!
ابتسمت : عادي حبيبتي آمريني ؟!
قلت بهدوء : تذكرين يوم شفتك مع شلة ريم ؟ كنتي جريئه لحد كل شي اقوله تسويينه .. ليش ؟؟
ابتسمت وصمتت .. قلت : اذا ماتبين تجاوبين عادي ...
نجلاء : لا ابي اجاوب .. لاني تقريبا كل خواني عيال ولا بنت غيري ماخذه منهم جرأه وحركات صبيانيه بس مو معنى ذلك اني بوي واكثر من مرة اقول للشله يسوون معي كيذا بس مايرضون وسبحان الله انتي من السما .. كيف تقدرين تقنعينهم والله مدري ؟؟!
ابتسمت : هه كلهم عيال ؟! بس شكلك يوحي انك بنوته ناعمه ورقيقه ..
نجلاء : سالفة طويله عريضه ماله داعي ذا ...
قاطعتها : مستعده اسمع ..
نجلاء : انا بنت وسط 6 عيال من يومي كنت البس مثلهم واسوي مثلهم غير كيذا اني اشابههم كثير .. أمي مارضت تشوفني البس مثلهم وكل شي مثلهم أخذتني بيت عمي  4 ساعه جالسه مع بناتهم عاد كل وحده أحلا من الثانيه واللي تنعم اظافرها واللي تتمكيج وجلست معهم أغلب سنواتي وانا رجعت .. بنت فيها انوثه بس حركات صبيانيه ..
ابتسمت : حلو .. أنا استغربت كيف بنت نعومه تسوي كيذا ؟
نجلاء : وانتي كمان نعومه وجرأه .. ياترى ممكن اعرف اش السالفه ؟!
هزيت كتوفي : انا ساكنه في بيت خالي .. مروى معنا باالمدرسه اذا شفتها بقول لك .. أممم عندي اخو واحد ولا اخت فـ ماخذه منه غير اني من يومي مااحب اجلس مع بنات لا تسأليني ليش لأني نفسي مااعرف ليش !!
ابتسمت : حلو كمان !!
سولفت معاها الين انتهت الفسحه صعدت الفصل وقلبي يرقع مدري ليه ..!
*
*
المهم رجعت البيت غيرت ملابسي وصلحت الغذا بعدين رحت صليت الظهر نزلت وتغذيت وشلت الاكل بعدها ورحت غرفتي .. من حسن حظي اني ذاكرت كل شي وحليت واجباتي .. ونزلت تحت المقلط شفت فيصل ونايف ..
قلت : السلااااام ..
ماامداني اكمل ذي الجمله الا واسمع الملق يقول " هدف " ابتسمت بغرور وجلست على الكنبه .. حطيت رجل على رجل ..
وقلت : شفت جيتي عليك مباركه ..
فيصل : 3 وانا 2 وتقولين نتيجه مباركه ..
بلعت ريقي اش اللي خلاني اقول كيذا ؟! أدري فيه الحين مابيبقى احد الا وبيقوله اني وجه نحس ..
قلت : يعني الهدف لنايف ؟!
فيصل : نووو .. لي انا طبعا ..
تنهدت : يعني انا وجه خير وجبت هدف ..
قال بنبرة ماعرفت افهمها : ولوو تظلين وجه نحس ..
قلت : طالعه على اخوي ..
فيصل : هااه شوفي كرت احمر من وجهك ..
قلت وانا اهز رجلي : جب زين ..
شوي وسمعته : تعالي بقولك شي ..
دق قلبي الله يستر رحت وجلست في الوسط بين فيصل ونايف ماشفته الا انسدح على رجلي ..
قلت : هااه ايش عندك ؟!
ضحك : ولا شي ..
قلت : ولا شي ؟!
فيصل : ههههههه ككنت ابي انسدح على رجلك وادري فيك ملقوفه بتجين ..
سكتت عنه وبديت العب بشعره .. قلت : شعرك صار طويل يبي لك تقصه ..
فيصل : لا انا ابيه يصيير طويل .. يعني شعر اختي أقصر من شعري ..
ضحكت : شف لو تصعد السما وتنزل الارض لوتسوي اللي تسويه اموت عليك ..
نايف : بت اعقلي تراه اخوك ..
قلت : مو هاذي المشكله ..
قطب حاجبينه : اش المشكله انه اخوك .. ليش ؟؟
قلت : لان مرته بتروح وطي كل يوم رازتن وجهي وجالسه معه بصير له زوجته الثانيه حتى انه مايشوف زوجته الا مرة في اشهر ..
فيصل : ومين قلك اني بتزوج قبلك ؟! اذا تزوجتي انتي بعدين افكر اتزوج ..
قلت : ساعات يسكر خاطري ..
فيصل : مين ؟!
قلت : زوجي .. لاني احبك اكثر من اي مخلوق .. اتمنى زوجي نسخه أصليه منك بالضبط .. صحيح احيانا تطق فيوزاتك بس مع ذلك اموت فيك ..
صفر فيصل : وااناا امووت عليك ..
استغربت منه انتبهت انه سجل هدف ..
قلت : مبروك ابو محمد !!
قال : الله يبارك فيك يا ام .... ايش ؟!
قلت : أمممم سارة وبس ..
نايف : ابو محمد ؟! معلومه جديدة مين ذا ؟!
فيصل : طبعا على اسم الوالد ..
قلت بابتسامه : محمد فيصل محمد فيصل العلي ياااااي اسم ولدك يهبل ..
فيصل : حتى اسم ولد نايف حلو .. جاسم نايف جاسم نايف جابر ..
نايف : اششش اسكت لا تسمعك الوالدة وتصدق ..
قلت : ليش ؟
نايف : مين قلك اصلا ان اسم جاسم يعجبني ؟!
فيصل : بس اللي اعرفه ان الولد الاول يسمي على اسم ابوه كيف لاصرت الولد الوحيد ؟!
نايف : لا حبيبي انا مااحب ذا الاسم وكانه يبي ولد .. يتزوج على امي ..
شهقت : اهئ اش تخربط ؟؟ وان شاء الله اي اسم اللي بيكون بدل جاسم ؟!
نايف : ناصر طبعا ..
قطبت : ليش بالله ؟ ناصر عاد ؟!
ابتسم : سلمى عاجبها وانا كمان خلاص ..
مااقول لكم مانقهرت بس دامه يحبها شكو اتدخل فيهم خلني ساكته أحسن .. هزيت رجلي بعصبيه وانا اشوف شعر فيصل يطاير ..
فيصل : أووووف وقفي عاد ..
قلت : وشايف ان رجلي عندك مخده ؟!
فيصل : وقبل شوي تقول لي احبك !!
قلت : لا تحرف في الكلام ...
قام من رجلي وشهق : اهئ نايف مو قالت لي احبك ؟! الحين تنكر ..
قلت بضحكه : انا ماقلت احبك !!
فيصل : بتجننيني انتي ؟!
نايف : يمكن خرفت وماعاد تدري اش تقول ..
قلت بغرور : لا ياحبيبي انا قلت اموت عليك مو احبك .. احبك كلمه عاديه بس اموت عليك غير
ابتسم : نقز قلبي ياحماره قلت يمكن صرت مااسمع عدل مثل خلق الله ..
قلت : لو كل ذي الدنيا تشك انهم يحبونك الا انا تأكد ..
نايف : وينك يامرى تسوين لي مثل فيصل ..
اكتفيت بالابتسامه .. لما اذن العصر رحت صليت وبعدها نمت ..
*
*
صحيت على اذان المغرب صليت العشا ونزلت صلحت العشا وتعشينا .. بعد اذان العشاا رحت كلمت خالتي ام ريم وطلبت نتها مها .. سولفت معاها تقريبا ساعه الا ربع ولما قفلت دقيت على ريم طبعا ماخليت دموعي وطول الوقت ابكي لها وهي تهديني .. وسط مكالمتي جاء فيصل ..
قال : قومي بسررعه قبل ماتموتين !!!
اتروعت : لحظه ريوم .. نعم ؟ أموت ؟ ليه ؟ اش صاير ؟؟
فيصل : قلت لك قومي الحين وافهمك السالفه بغرفتي !!
قلت : ريوم مدري اش به فيصل شوي وادق عليك اذا ماتوفيت ..
ضحكت تتوقع اني امزح وقفلت وصعدت غرفة فيصل ياربيه مايكون تريك له يد في السالفه ..
قلت : وصعدنا غرفتك خير اش عندك ؟!
فيصل : سلمى آند نايف ..!
عاد انا بروحي منقهره من اسم سلمى وبعد يقول سلمى ونايف شوي وارتكب جريمه ..
قلت بقهر : اش بهم ؟!
ابتسم : طالعين مع بعض !!
فتحت عيني : من متى ؟!
قال : والله مدري بس قبل شوي تلقفت ورزيت اذني سمعت مرت خالك تقول لبنتها ..
قلت : وطبعا انت جاي علشان تنكد علي والله لو مادريت احسن لي ..
ضربني على كتفي : صدق حماره الحين جاي واقولك تردين كيذا صدق ماعندك سالفه ..
قلت : ابي اطلع من البيت ..
شهق : اهئ وين بتروحين ياحظي ؟!
قلت : تطلع معي نروح كوفي ؟!
شهق .. ضربت كتفه : اش بك تشاهق قسم انك تروعني ..
فيصل : انتي انهبلتي ولا ايش ؟! بربك السيارة ونقدر ندبرها طيب والاذن ؟
هزيت كتوفي : قل لهم اني رايحه المكتبه يلا عاد فيصل حاسه اني مخنوقه ..
ابتسم : ولو اني ادري اني بروح فيها بس طيب
قمت : بقوم اجهز يلا انتظرك ..
طلعت من غرفته ورحت لبست جينز اسود وبلوزة سوداء لبست عبايتي وتكحلت .. انتظرت شوي وجاء فيصل
قلت : بشر ؟!
ابتسم : يلا ..
فعلا طلعت معه للشارع .. قلت : ابي اسأل دامك تعرف تسوق ليه ماتشتري لك سيارة ؟!
قال : تصدقيني اذا قلت اخاف من الحوادث ؟!
قلت : هذا انت الحين تسوق ..
فيصل : والله قلبي يتراجف لانك معي وخايف يصير لنا شي ..
ابتسمت : يامعقد .. ليش بالله تقول كيذا ؟
فيصل : لأن ابوك توفى بحادث ..
ابوي ؟؟؟؟؟؟؟؟؟؟؟
توفى بحادث ؟؟
معلومه جديده ؟؟
ماتوقعت السالفه كيذا توقعت انه توفى عادي بدون اي شي ..
طيب وامي ؟!
خفت اساله ويتعكر مزاجه ..
قلت : خلنا نروح الراشد !!
ناظرني : قسم بالله انك جريئه بطريقه مرعبه .. بربك نروح الراشد ؟!
هزيت راسي : اي يلا عاد لا تصير حمار ..
ابتسم : طيب نروح ..
فعلا رحنا الراشد ياحبي لك يافيصل مابقى شي الا وشراه لي ولما طلعنا ..
قلت : بصراحه لايق عليك تحمل الاغراض كلها ..
فيصل : صدق ماعندك ذوق الحين جزاتي مطلعك ومدري ايش وبعدين كيذا ؟!
قلت : والله انك روعه ..
سكت فتره ثم قال : ساره !!
قلت : همممممممممم ؟
ناظرني : تلثمي !!
متأكدين ان ذا فيصل ؟؟ أول مرة يقول لي كيذا !! العاده عنده عادي !!
قلت : طيب ليش ؟!
قال : ماتشوفين العيال يقزونك من فوقك لتحتك ؟!
قلت : انت بس اشر على اللي يناظرني اوريك فيه ..
ناظرني : طيب تلثمي ..
قلت : بصراحه أختنق ..
شبكت ذارعي بذراعه وناظرته وابتسمت .. شوي ووقف واخذ طرف شيلتي ولثمني ..
قلت : قسم لو يشوفونا الهيئه يصعدوننا بالجمس ..
ضحك : ههههااي اخت واخوها يحبها وتحبه حرام ؟!
اكتفيت بالابتسامه .. وشبكت ذراعه معي وكملنا نمشي وصلنا للكوفي وجلسنا ماحبيت اطري له تركي لو امي أو ابوي لانه يتضايق ..
قلت : آآآه يليت مروى ونايف معنا ..
ضحك : قصدك نايف فقط ..
قلت : لا ياحبيب أختك دامك تحب مروى فـ أنا احبها غصب عني ..
فيصل : لو ماحنا بمكان عام سويت لك حركه
قطبت حاجبيني : ايش ؟!
همس : لميتك !!!
ضرخت : اهئ علشان المره صدق الهيئه يجون لجلنا ..
ضحك بصوت عالي والكل يناظرنا ..
قلت : قم بس قم خلنا نرجع البيت تأخرنا ..
قال : الساعه كم ؟!
قلت : 12 إلا ...
صرخ : احلفي ؟!
قلت : قسم .. ثانيا كل مرة الناس يناظروننا .. ناظر الكل يناظر ..
قال : أوقفي هنا ولا تتلفتين شوي وجاي ..
وقفت مكاني وماحسيت فيه الا شايلني ..
شهقت : الحين الكل بيناظر من اللقافه ..
ابتسم : ادري ..
فتحت لثمتي وحبيته على خده ماسمعت الا تصفير وتصفيق ومدري ايش حسيت بالاحراج وكيف الناس ملاقيف .. ياخوفي يتوقعون اننا نحب بعض .. الا أكيد ..
همس لي فيصل : قسم ماشفت اجرأ منك ..
قلت : أمشي بسرعه ..
همس : ماتشوفين البوابه بعيدة ؟!
قلت : ولا تزعل حالك ..
حطيت يدي حول رقبته بطريقه رومانسيه حلوه
ناظرني وابتسم : ترى قسم اسوي حركه اخليهم يفتحون البلوتوث ..
ضحكت : لا بلييز مانبي فضايح ..
قال : ترى اللثمه طاحت ..
تذكرت اني ماحطيتها وانتهزت الفرصه انه بنزلني لاني حسيت بالاحراج الكل يناظر ..
قلت : عدلها لي ..
قطب حاجبينه : أنا ؟!
قلت : ايه انت لاني مااعرف ..
وفعلا نزلني ولفها لي وكملنا نمشي ..
قلت : تتوقع نايف وسلمى رجعوا ؟!
قال : انتي مانسيتي ؟ الحين مطلعك ومدري ايش علشان تنسين والحين كيذا ؟! قسم انك ترفعين الضغط ..
قلت : علمتني وشلون احب علمني وشلون ابنسى .. اش اسوي بعمري اذا انا احبك
ابتسم : الظاهر يبي لك طراق علشان تصحين اني اخوك ..
قلت : لا عاد الحين قبل شوي تشيلني وبوسه والحين طراق هه بس احبك ..
فيصل انسان من الخيال لا يمكن في يوم انساه لو مهما حصل شعور حلو ان اخوك يعوضك حنان امك وقسوة ابوك والرومانسه وكل شي حلو .. احس بخسارة انه يتزوج مروى .. صعدنا السياره جلست أدور باشرطته لراشد مالقيت ..
قلت : خير ماعندك لراشد ؟
قال : أولا ذي سيارة خالك ثانيا كل اشرطه راشد عندك ولا نسيتي ؟
قلت : أوووف طيب اش الحل ؟!
هز كتوفه : دوري اي حد غيره ..
فعلا جلست اشغل شريط واقفله مافيه احد بالنسبه لي ينافس راشد .. ولما وصنا البيت ..
قال : اسمعي اغراضك الليله بجيبها لك ..
ابتسمت : طيب تسلم فيصل قسم مدري اش اقولك بصراحه انت شيييييي ..
ابتسم : يلا ادخلي .. وانا بقلط السياره واجيك ..
فعلا دخلت احسن ماشفت مروى أو امها دخلت غرفتي وعلى طول نمت .. أحسن شي اذا بغيت تهرب من التفكير النوم .. لا تفكير في نايف .. لا تفكير في تركي .. النوم هو الافضل ..!
*
*
*
صحيت الساعه 4 الفجر صليت ماجاني نوم قمت صلحت الفطور ثم تحممت .. جففت شعري ورفعته بشباصه أزرق ونزلت لي خصلات لبست الساعه الزرقاء وحطيت حلقات في اذني صغيره فتحت دولابي آخذ العبايه انتبهت ان اللي شريتهم البارح فيه .. ابتسمت عليه كيف انه ماازعجني .. اخذت الكحله كالعاده وحطيت مرطب .. لبست عبايتي ونزلت .. شفت الكل يتفطرون ..
قلت : صباح الخير ..
الكل : صباح النور ..
ابتسمت وجلست مقابل مروى كانت تقزني مدري معجبها شكلي ولا ايش مو شغلي فيها المهم خلصت الست مروى فطورها وطلعنا وصلنا المدرسه كانت عندنا ابلة غايبه استغليت الفرصه وكتبت واجباتي ولما خلصت جلست افكر في نايف تذكرت يوم حضني حسيت ببروده في جسمي وانا اتذكره كيف ان حضنه حسسني بالامان ان تركي ماراح يقول لفيصل شي .. انعاد على الموقف اكثر من مرة احس بقهر ان نايف لسلمى .. توقعت انه حب طفوله أو لاني محتاجه حنان حبيته .. ماتوقعت اني اكون مجنونته .. انتهت الحصه ووقفت احلامي أخذت شنطتي ونزلت الشارع ماصدقت جاء خالي صعدت معه رجعت البيت صلحت الغذا صليت ونمت ..
*
*
صحيت قبل اذان العصر ذاكرت ثم صليت .. فتحت دفتري اللي حكيت لكم عنه وكتبت " امنيه يارب اتمنى تتحق .. يجي يوم واشوف نايف معي في بيت واحد " وكالعاده جنبه الناريخ " 19/8 " فتحت دولابي واخذت اكياسي وبديت اناظرهم ايه صح شريت لي أو بمعنى اصح فيصل اللي شرالي .. المهم هو انه مجموعة مكياج جديدة روعه بمعنى الكلمه أخذتها وجلست مقابله المرايا اصبغ وجهي انقهرت وغسلته .. المهم اذن المغرب صليت ونزلت صلحت العشا .. قررت اتعشا معاهم اليوم .. انتظرت قربت تيجي الساعه ثمان ونصف ومابعد وصل خالي .. اوووف عاد مايتأخر الا اليوم بالذات ؟؟ المهم اكلت خبز وجبن وصعدت غرفتي .. تحممت بسرعه وبوقت قياسي ..
انسدحت على السرير وماامداني اتغطى باللحاف الا واسمع صوت بوري ..ارتعشت صوت سيارة تركي الله يستر قلت مابقوم أطل من الشباك وتلحفت دقائق معدودة وانتبهت ان الباب ينفتح .. رفعت راسي كان خالي .. أشهد ان لا اله الا الله واشهد ان سيدنا محمد رسول الله ..!
.: نهاية الجزء الثآني عشر :.
|