السّلام عليكم ..
شوفو ترى هذي رواية من تأليفي والله .
وشاورت روعة وسبيريت إني انزلها بعيون واقترحو هالشي علي..
يقولون تجنن حتى أبو هايل بيرد عليها بس مادري ماحسها هالقد قلب7 .
الزبده قلت خل اخاطر يمكن تصير عندي موهبه صدق /: ؟
عاد كنت بنزلها بقسم قصص قصيرة بس قالولي أحطها هنا مادري ليه....
مع اني حسيتها يعني حلوه ماشوفها تناسب هالقسم بس يالله -.-
-
Part 1

هذا كان واحد مجرم وكذا، انا كنت متسللة فالليل للبقاله واهلي نايمين،فعشان م انخطف لبست ثوب وتلثمت بالشماغ وطلعت من البيت بكل شجاعه وعربجيه متوجهه لأهدافي ،بس لقيت شباب كذا يناظروني من بعيد ثم جو خطفوني وركبوني بسيارتهم غصب قليلين الادب ! يعني صدق والله وقاحه خلوني أشتري اللي أبيه طيب ثم سوو اللي تبونه، بس من يلومهم بالله عيوني تسحر اللي م ينسحر ....
المهم ودوني استراحتهم وحطوني بكرسي بالمخزن...ثم جا رئيس عصابتهم وشال لثمتي بالقوة يبيني أعترف بالشي اللي م ادري وش هو ؛ طبعا أنا عصبت وقعدت أشتم لما ناظرت عينه المصدومه من جمالي، بس حتى يعني انا مقدره قد وش أنا جميله بس مايحق له يسوي كذا والله خير ؟ عالعموم ، بعدين قرب مني ورفع دقني وقعد يهدد الاخ يقول ترا بخليك تعترفين ياجميلة، جمالك هذا مابيوقف بطريق اخذنا للمعلومات عنك...
Part 2
وبعدين صارت أحداث وصار يحبني وطلع عنده ماضي حزين ومدري شنو وبغيت اقتله وقعد يبتسم بهدوء وخقه ابو عيون رماديه، هو يعني جميل ترى بس برضو ماغفرت له وذبحته ثم اخذت مسدسه وطخيت باقي العصابه وطلعت رحت للبقاله اخذت الببسي اللي كنت ابيه ورجعت البيت .
والله قلة حيا مجرمين آخر زمن، حتى ببسي مايمديك تاخذه ، هه ؟

#


ما يستفاد من القصه :
دسو الببسي جوا الثلاجه زين عشان م ينسرق وتضطرون تروحون تشترون غيره آخر الليل .


#


خاتمه :
أتمنى القصة عجبتكم ، ادري انها قصيرة بس قلت يمكن تكون بداية انطلاقتي الكتابيه .
اتمنى ردودكم ولايكاتكم وآرائكم عشان أتطور !
وبس اعذروني عالقصور وتكفون تراه مب عشاني فاضيه، كنت بنام بس ماخلوني هالشيطانات الثنتين فألفت لهم هالقصه .
بس يقولون حلوه وأنتظر رد أبو هايل .
-
سُبحان الله وبحمده، سبحان الله العظيم.

__________________
-



يارب، فردوسك لأمّي وأبي وأحبتي أجمعين.
𝐖𝐡𝐚𝐭 𝐰𝐞 𝐝𝐨 𝐧𝐨𝐰 𝐞𝐜𝐡𝐨𝐞𝐬 𝐢𝐧 𝐞𝐭𝐞𝐫𝐧𝐢𝐭𝐲.