| قصصة تحكي واقعنا
قوم يا حبيبي قوم...على وين يما... قوم يما بدنا نهاجر... وين يما؟؟ وليش؟؟اليهود احتلوا أرضنا يما وبدنا نطلع قبل ما يصير فينا زي اللي صار في جيراننا...وشو صار بجيراننا؟؟قتلوهم اليهود يما.. يلا قوم ما في وقت معنا...طيب وبيتنا يما... وأرضنا... ومدارسنا... وكتبنا...قوم يما... الجيوش العربية جاية... وكلها كم يوم وبنرجع... خلي كل شيء زي ما هو... لا تاخد معك شي...طيب يما... أنا جاي...مرت الأيام ومرت الأشهر....متى يما بدنا نرجع على أرضنا؟؟؟ قلتيلي كم يوم... مرت أشهر...معلش يما يا حبيبي الصبر يما... السنة كلها 365 يوم يعني مش كتير... وبالكتير لسنة واحدة وبنكون في أرضنا...مرت كمان كم سنة... ماتت الأم... وكبر الطفل وأصبح شاباً...الشاب ينتظرالعودة... تزوج الشاب وأنجب طفلاً... وتكرر المشهد...فالطفل يسأل والده عن العودة... وعن مفتاح البيت.. وعن الأرض... وعن كل شيء...ولكن الفرق أن الأب لم يعرف الإجابة...وتكرر السؤال لدى الجميع متى العودة؟؟ مرت ستون عاماً ولم نعد.. فمتى العودة؟؟؟نسأل الله أن تكون قريباً... |