السلام عليكم
كيفك خيتا؟
يعطيكِ العافية
طول الوقت وقبل ما أقرأ موضوعك وأنا بفكِّر إنّه اليونانيات بشرتهم بيضا (متل البفتة زي ما بقولوها :heee
عشان ما بشوفو الشمس كتير :heee:
انصدمت لمّا عرفت إنه بشرتهم برونزيّة!! أو زيتونية متل ما حكيتي أتاريه من كتر ما بياكلو زيت زيتون ههه
هاي أوّل معلومة عرفتها من موضوعك ^^
لفت نظري موضوع الغذاء إنّه بلعب دور بالصّحة
اللي حابّة أحكيه إنه الغذاء الخاص بحوض البحر الأبيض المتوسِّط
أو متل ما بنسميه بالانجليزي "Mediterranean Diet"
هو أكتر الأنظمة الغذائيّة الصّحية
بتمنع كتير أمراض أو بتقلل من تطورها
بالإضافة إنّه بحافظ على الشّكل الجمالي
والناس لو بتعرف قيمة هاد الشي وأهميته لتجنبت كتير أمراض
وللأسف بنلاحظ إنّه كتير مناطق بحوض البحر الأبيض المتوسِّط رغم وجود متل هاد النّظام الغذائي
إنها بتعاني من الأمراض المزمنة.. متل الضّغط، السّكري
في حين لو اتّبعوا متل هاد النظام الغذائي لساعدهم على التحكّم بهاي الأمراض (ليس الشفاء)
لكن التحكم في تطوّرها وتجنّب مضاعفاتها..
حبيت أعلّق ع هاي النقطة لأهميّتها ^_^
طرحك بسيط، جميل وسلس
تناولتي أهم النّقاط بدون لتّ وعجن
أحسنتِ عزيزتي 
بالتوفيق لكِ
التعديل الأخير تم بواسطة ناتسو | NATSU ; 09-05-2016 الساعة 09:25 PM |