السلام عليكم ورحمه الله
كيف حالكم اعضاء الموضوع وحشتوني
رغم قله دخولي لاكني القي نظره عليكم من وقت لآخر
عموما حبيت ارد على الاخت sarada chan
ياختي كلامك يدل على وعي كبير منك ويدل على تحضرك كانسانه و استدلالك بادله من القران ترفع مقام كلامك فوق ولاحد يمكن انه ينتقده وكلامك على راسي من فوق
ورغم اني ما صرت ادخل الموضوع كثير بس جد حبيت ادافع عن اعضائه زي ما قلت كلامك ما عليه غبار لاكن مشكله انك ما شفي القصه من البدايه والي حصل انو كلنا كثنائيات سواء الناروهينا او الساسوساكو كنا في موضوع يجمعنا معا وما ادري اذا كنتي موجوده في دا الموضوع ولا لا لاكن في الفترات الاخيره منه سيطرت وحده من الناروهينا عندها الظاهر مرض نفسي او شي ونازله سبسبه وحش في الساسوساكو وقدامهم ! وماحد كان يرد عليها او يوقفها لانها كانت المسيطره في الموضوع
صح كلامك انه في النهايه انمي وما يستاهل نخسر بعض كاخوات مسلمين عشانه لاكن حقيقي الي كان يحصل شي يرفع الضغط مو بس عشانه موجه لشخصيات انمي لا لانه كان كثير من الساسوساكو ينغلط عليهم وينطردو من الموضوع من قبل دول المهووسين بشخصيات الانمي بجنون
بس لانهم انتقدو بادب وقالو نفس الكلام الي قلتيه وبصفه الطف كمان لاكن الهوس والمرض النفسي الي كان في ديك النفسيات خلاهم يعتبرونهم الاعداء وبعدها بفتره ينطردو من الموضوع .... ! كدا بسهوله
انا حاسه فيكي ومقدره كلامك لانو والله العظيم انبح صوتي وبكدا عضويه في دا المنتدى في الموضوع المشترك القديم وانا اوجه نفس الكلام للناروهينا واقلهم يا جماعه ليش تعملو كدا ليش تخلون بيننا دي الحزازيات ودا الكره ومافي فايده اكلم جدر الي يحصل بعدها كلهم يجتمعو عليا ويطلعوني انا الغالطانه لدرجه الموضوع فضي تماما من الساسوساكو كلهم كانو يحسو بالغبت من الي قاعد يحصل وكلهم هجرو الموضوع تماما لانو قاعدين ينسبو عيني عينك وماحد قادر يتكلم
بعد ما راح فترت الناروهينا في المانجا وبداء مجد الساسوساكو الظاهر قلوبهم ما تحملت و الحمد لله خرجو الناروهينا (الله لا يردهم بس =_=) من الموضوع المشترك وسولهم موضوع لحالهم والموضوع زي حالتنا عنونانه محبين الناروهينا محتواه كره للساسوساكو ..... كله سبسبه في الساسوساكو وياريت بس شخصيات الانمي لا حتى الفانز والاشخاص الي في المنتدى
ف الي قاعده تشوفيه هنا هوا رده فعل ل افعال دوليك المهووسين المختلين مع الاسف اقولها وبدون احساس بالذنب وما اقولها فقط لاجل انميات لانهم خلو المواضيع شخصيه بيننا واكبر من مجرد انمي او شخصيه انمي انا عن نفسي احمد ربي ترليون مره اني تعرفت على اشخاص زي كدا في منتدى في النهايه مو في الحياه الحقيقه لانو جد اشخاص لا يطاقو بكل معنى الكلمه
عشان كدا انا عارفه انو الموضوع يمكن سخيف في نظرك لاكن سوه الساسوساكو اولا احتفالا بالساسوساكو ثانيا عشان ياخدو راحتهم في الكلام احتراما لمن بقي من الناروهينا في الموضوع المشترك لانو واضح من كلامك انك كنتي من الاعضاء الي كانو في مرحله ما كان فيها دي السخافات لاكن واضح انك انقطعتي وما شفتي وش حصل بعدها لو شفتي وش حصل صدقيني ما كان عاتبتي الي يتكلمو هنا لانو والله كلامهم قمه في الذوق مقارنه بالي بدأو هاذي الحرب وخلوها مسأله شخصيه مو مجرد شخصيات كرتونيه لو تلاحظي كل الي يتكلمو هنا او اغلبهم لو جو يستهبلو او يحشو يتكلمو عن الشخصيه المركوهه نفسها هيناتا او ناروتو ونادر جدا يتكلمو عن دوليك المهووسين مع انو يحقلهم مليون بال100
فاعذريني اختي كلامك صح ويدل على نضج لاكنك موجهته للجهه الخطاء
والقصه ناقصه عندك عشان كدا ما يحق لك تحكمي على الاعضاء الي هنا وانتي منتي داريه وش الي عانوه من الجهه الثانيه عشان يتصرفو كدا
عموما ممكن مو موجود في العنوان لاكن كل الي في المنتدى او اغلبهم عارفين انو دا الموضوع احنا مسوينه للي يجمعهم الصفتين اولا محبين الساسوساكو ثانيا كارهين الناروهينا
اذا حابه موضوع مافيه كارهين للناروهينا وفيه محبين للساسوساكو يمديكي تروحي للموضوع المشترك مازال مفتوح
http://3rbseyes.com/t302102.html
وفي النهايه اشكرك على كلامك القيم الي يدل على حرص لاخوات مسلمين 
__________________ عندما تجتمع القوه والحياه
عندما يجتمع بطلين
عندما يجتمع وسيم وجميلة
عندما يجتمع شرطي مع طبيبه
عندما يجتمع رجل نينجا وزهره ساكورا
عندما يجتمع الكحلي مع الزهري
عندما يجتمع الصيف و الربيع  
التعديل الأخير تم بواسطة soisoi ; 07-19-2016 الساعة 05:48 PM |