*عم حِس كتير*
مش عآرفةة بالزبط شو لازم احكي !
مش عارفةة من وين ابدا ..
أنا بس حاابةة افضفض شوي ..
مش عارفةة بس انو محتاره ..
ممكن يكون حد بيعرف شعوري اللي عم حِس فيه هلاّ ؟
أنا كتير سامحت ، تجاوزت ، شفت وسكتت ، انظلمت ولا فتحت
تمي بحرف !
كتير خبيت وجعي ، كتير ابتسمت في وقت كان قلبي مليان هموم !
كتير حسيت بالوحده ، رغم انو صحباتي والناس من حولي كتار !
وكتير كتير ، حاولت انسى بس ما نسيت ! انا بس تناسيت ..
انا عرفت بشر كتير بحياتي .. ومرت علي اشكال وانواع كل واحد
فيهم بيختلف عن التاني .. بس الاغلبيه كانوا شَبَه بعض كتير !
منهم مناح ، ومنهم ما بقدر اتحمل الارض اللي بيمشوا عليها !
بس ولا حدا .. ولا حدا من الجهتين قِدر يفهمني ، او حتى يحاول
يقرأ بعيوني الحكي المخبا بقلبي !
لأنه طول عمُري .. وانا عم حِس اني غير !
تفكيري ، تصرفاتي ، صفاتي ، حتى بمشاعري انا كنت ولسا غير !!
بحياتي كلُها ، حسيت اني مختلفه ..
حسيت اني دايماً ما بتوافق مع اهواء الناس
ااكتشفت اني ما بحب اللي بحبوه ، وكتيير اشيااء ما بتوافق معهم !
الغريب في الموضوع هااد ..
انهم حتى لما يشوفوني مو متوافقه معهم ، لساتهم بحبوني !
بس انا كمان ما بحبهم ! ولا بكرههم !
انا بس مشاعر الحُب عندي ماتت .. !
وما عاد ترجع خلص ...
كل هااد صار .. لأني كُنت حساسةة !
لأني كُنت وما زلت ْ .. عَم حِس كتير !!!