وعليكم السلام والرحمة
موضوع رااائع والهادف عشان نقدر نوضح سبب ردودنا ع المواضيع
من ناحيتي أنا فأنا الصراحة توقعت أن الخيارات أسئلة في البداية
ههههههه عشان كذا بظل على فهاوتي وأجاوب على الخيارات كأنها أسئلة
فلنبدأ
1 √. ھل لزێادٓة رصيدٓگ مٰن آلمشآرگآت↘❝
الصراحة لا مو عشان أزيد رصيد مشاركاتي بل عشان أضع بصمتي في مواضيع
نالت على إعجابي ولقيت فيها تعب يستحق المدح والثناء
2 √. لآعجآبۤگ بالمۋضوع ...↘ ❝
ما في أحد يشوف موضوع ويعجبه وما يرد عليه
حتى لو ظل فترة بسيطة بدون ما يرد عليه في الآخير يرجع عشان يرد ويوضح قد شنو هالموضوع عجبه
لأن أحياناً تشوف موضوع وااااو فخخخم بس من قوة جمال الموضوع تحس إنك لو رديت ممكن ماتوفيه حقه عشان كذا بعض الناس تتأخر في الرد
3 √. لآن گاتب آلمٰۋضۋع مٰقربۤ ٱلێگ ...↘ ❝
لا مستحيل أرد على مواضيع بس عشان أن بيني وبين الكاتب معرفة
هنا أبداً أحس أن ما في إنصاف بين الأعضاء
إذا الكل إتبع هالطريقة الأعضاء إلي تم تهميش مواضيعهم بملوا وبيعرفوا أن هالشخص ما يرد إلا على مواضيع أصحابه وبعاملوه مثل مايعاملونه
عشان كذا أنا مستحيل أفكر في هذي الطريقة إذا صاحبي كاتب الموضوع برد حتى لو مو عاجبني
بس عشان أرضيه، لكن إذا كان الكاتب مو صاحبي وموضوعه يفجرر الدنيا ما أرد عليه لأن وبكل بساطة مافي بينا شي
هذا الطبع مو حلو الصراحة يعني أتمنى أن كل من يرد على الموضوع بس لأن صاحبه هو الكاتب
يبطل، حط نفسك مكان هالشخص إلي تعب في الموضوع وآخرتها ما لقى أي تشجيع
بتتحطم أو لا
4√ . لآن صۧـآحـبۤ ٱلمٰۈضۋع يشآرگگ الردٓ علےٰ مَۋآضيعگ ...↘ ❝
لاا هنا أكيد لا
يعني ممكن أحط في بالي فلان يرد علي فلازم أرد عليه، لكن إذا طرح شي ما يعجبني بإختصار ما أرد عليه
وهذا مو معناته إني أطنش الباقي أنا أحس إني أبي أشارك أكبر عدد ممكن من الأعضاء في مواضيعهم
حتى إلي ما ردوا على مواضيعي، لأن مهما كان يمكن ما شافوا موضوعي وما وما وما...إلخ
فليش أطنش مواضيعهم
بهذا الإسلوب بيتأذوا الأعضاء الجدد إلي المفروض إن نحنا إلي صار لنا فترة في المنتدى نشجعهم
نكسبهم ونكسب نشاطهم ونحمسهم عشان يقدموا الأفضل
5√ . لآن آلموضوع يفتقر آلےٰ آلردٓۈڊ فترڊ علێـﮧ رحـمَـۃ ۈرأفـۃ بـﮧ ...↘ ❝
إذا كان موضوع مو عاجبني وما فيه ردود أنا بعد ما أرد، ليش أرد أنافق وأقول عجبني
أحياناً سبب عدم ردي الفكرة أو الموضوع هنا أنا أدقق أكثر من تدقيقي على التنسيق...إلخ
يعني إذا الفكرة عاجبتني والموضوع مو منسق ولا شي أرد
لكن إذا الفكرة أبداً مو عاجبتني ليش أرد حتى لو ما في ولا رد أنا بعد ما برد
6 √.لآن ٱلمۈضوع ێستحٔـق ٱلردٓ لفائدٓتـﮧ ...↘ ❝
إذا الموضوع نقاش بتناقش، حوار بتحاور
عضو طرح شي من أعماله يبي ياخذ راينا فيه برد وبقول رايي بكل صراحة وبدون مجاملة
الرد إذا ما كان للفائدة ما إسمه رد لأنه بكون وجوده وعدمه واحد
7 √. مٰجـامٰلـۃ و تشجێع لگآتب آلموضوع ...↘ ❝
مو مجاملة قلت من قبل لو الفكرة تعجبني برد حتى لو كنت" الله لايقولها" في خلاف مع الكاتب
لكن لو العكس إن شاء الله لو صديقي واحبه مستحيل أرد
والتشجيع مطلوب في النهاية إذا ما في تشجيع بصير ما في أعضاء جدد ما في مواضيع جديدة
بتصير المواضيع محدودة بس على الأعضاء إلي أصدقائهم يشجعوه وبس
8 √.اسبۤٱب اخـرى لدٓيگ... أذگره۫ٱ ♡メ
أكرر وأعيد إذا الفكرة عاجبتك رد حتى لو الموضوع مو منسق رد ونصح الكاتب المرة الثانية يحاول ينسق
إذا الكل إعتمد على فكرة القروبات والقروب الفلاني ما يرد إلا على أعضائه والقروب الفلاني كذالك
كذا المنتدى بكون مساحة للتنافس بدون فائدة
لكن لو الكل يرد على مواضيع الأعضاء الثانية هنا بتكون الفائدة
رد رد يفيد صاحب الموضوع حتى لو كان عنده اخطاء وضحها له بإسلوب جميل عشان يقدر يتقبل نقدك برحابة صدر ويحاول ينفذ كلامك المرة الجاية
أما إذا الكل إعتمد على فكرة إذا كان الكاتب صاحبي أرد فهنا أبشرك إلي بردوا عليك نفسهم إلي تعودت على ردودهم بدون زيادة
لكن إذا حاولت إنك ترد على أغلب الأعضاء مو كلهم فبتكون قدوة للأعضاء الجدد إنهم يردوا على الأعضاء الثانية بعد
أدري إني طولت في هذرتي إعذروني
الموضوع يحتاج نقاش طوييييييل الصراحة
وحاولت إني أختصر وجهة نظري قد ما أقدر
مشكور على الموضوع الراائع
وعساك ع القوة