سلام
كيفك بنوت
خلصت التحية ننتقل الى موضوعك
اولا التصميم
الوانو هادية وراقية
حبيت طريقة تركيب العنوان على بعدو<<< بعدني بحكي عن التصميم نشرعن العنوان بحد ذاتو
بس مستغربة ليش حاطة دماغ مفروط حد الفراشة
ههههه حسب الخاطرة اظن انك كنتي ترغبي بشي كف تشلك مخك من محلّو
وسؤال
مكتوب the winter is coming الجملة ضمن الخاطرة او بس زينة؟
واسم خالد مراد؟ فكرت بالبداية انو خاطرة اعجبتك لواحد اسمو خالد مراد بس شفت انو مش بفسم خواطر اعجبتني
فما ما بعرف شو قصتو هالزلمة، كمان بس للزينة او شو؟
المهم اظن هيدا كل شي بالنسبة للتصميم
ننتقل للخاطرة
اولا العنوان غريب بعض الشيء
اسير الثرى
اول ما قريت العنوان فكرت انو واحد محبوس بالارض او شي هيك
بس لما قريت اول سطر من الخاطرة ظهر لي انو شي غير
اسير على ثرى خطاك
حسب ما فهمتها، انو الحق خطواتك ما بعرف اذا هيك كان قصدك
حلو كون فاهمة العنوان غلط واول سطر غلط كمان ههههه

اما الخاطرة جميلة ومؤثرة رغم ان ما فيها تصريح كامل
يبدو ان احدهم اخطى بحق الاخر وضميرو عم يعذبو وبدو ياكل ضرب ليرتاح ضميرو ههههه
حبيت كتير جملة " حسبتك تسمع انين روحي خلف ابتسامتي الهادئة" مؤثرة جدا
انسان يعرف التاني ويعرف ما يخالج دواخله حتى لو اختبئ خلف قناع السعادة
جملة موفقة
بقية الجمل كمان حلوين بس هاي كان الها وقع خاص، رائعة

__________________