جلستوأسندت ظهر ها للشجرة الوحيدة في بيت عمها....... وتأملت مغيب الشمس والمعركة التيكا نت تدور بين الليل والنهار...بين النور والظلام..إبتسمت بمرارة وهي تشهد إنتصارالظلام على النور....بس بكرة فيه يوم جديد وفيه معركة جديدة بتنصر الشمس فيهاوتطرد الظلام.......تنهدت بعمق وأخذ شريط الذكريات يمر أمامها ولكن الظلام اللي خيمعلى حياتها ماله شمس تطرده.......

"لازم يعني من هال قعده كل يوم فيهالوقت"
التفتت بسمة على بنات عمها اللي توهم دخلوا البيت:"قاعدة أتأمل مغيبالشمس"
هدى بسخرية:"أيش تحبين في مغيب الشمس عشان تتأملينه"
بسمه وهي قايمةبتدخل:"ماأحبه......أحب الشروق أكثر... بس كرهي له ما يمنع أني أتعلم أتعايشمعاه....مثل ما في حياتي أشياء كثيرةما أحبها بس متعايشة معاها"
هدى:"أنتيأيش قاعدة تقولين....الحمد لله والشكر على نعمة العقل"
هند:"قصدها حياتهاعندنا"
كملت بسمه طريقها....وماردت عليها حتى تبعد عن المشاكل...
هدى وهيتناظر بسمه بعد ما أختفت:"يا كرهي لها"
هند:"حتى أنا....تصدقين أحيانا أحاولأحبها... بس لما أشوف كل اللي أحبهم صاروا يفضلونها علي...."
هدى تقاطعها بضيق:"بدال هالمقدمة الطويلة العريضة.... قولي باختصارأغار منها"
هند وهي تلتفت علىأختها:"وأنتي ليش تكرهينها يا أم العريف؟؟"
هدى:"أكرهها كذا بدونسبب"
هند:"هههههه....بدون سبب ولا لأن مرة خالي خطبتها....لحبيب القلب"
هدىبعصبيه:"سكتي لاتسمعك"
هند:"حتى لوسمعتني.... ما فيه أمل أنها تتزوج يوسف لن أبويرفض حتى من غير يشاورها"



بسمة بنت أخو أبو عبد العزيز(حمد)تعيش عند عمها من سبعسنين من عقب وفاة أبوها وأمها وأخوها في حادث سياره.... عمرها 19سنه تدرس ثالثثانوي...رغم صعوبة الحياة في بيت عمها إلا أنها متفوقة...
جميلة كان جمالها بسيطوهادي متوسطة البياض ويميزها صفاء بشرتها عيونها سود ووساع وشعرها أسود متوسط الطولوأحلى مافيه أنه غزير......

هدى بنت عم بسمة أكبر منها تدرس ثانيجامعة....جميلة وتحب تغير في شكلها...كل فتره لشعرها قصه وصبغه مختلفة...
هندعمرها 17سنه تشبه أختها هدى...لا أنها قصيرة نسبيا.....

أول مادخلت كانتمرة عمها في الصالة وكالعادة لما تشوفها....لازم تنكد عليها....
-"ذاكرتي لعبدالعزيز".
بسمة:"أيه ذاكرت له بس هو الله يهديه...."
أم عبد العزيز (حصة) مقاطعهكلامها:" لا بس ولا غيره أن جات علاماته ضعيفة ياويلك يا بسمه"
بسمة:" وأنا أشذنبي ؟؟"
أم عبد العزيز:" ذنبك أنه هو مسؤليتك وأن ما نجح تحلمين تدخلين إمتحانات الثانوية... أن يروح تعبك على الفاضي..."
بسمة في خاطرها ياها الثانويةاللي كل شوي والثاني تهددني بسبتها...ما لي إلا الصبر..
بسمة:"لا إن شاء اللهينجح وبتفوق بعد"
أم عبد العزيز بسخرية:"نشوف...التفوق"
تنتبه بسمة على رنةالتلفون...
ترد أم عبد العزيز:"ألوه"
-"السلام عليكم"
أم عبدالعزيز:"وعليكم السلام هلا والله بالغالية"
-"أشلونكم.....وأشلونالعيال؟؟"
أم عبد العزيز:"طيبن الله يسلمك...أشخبارك أنت؟؟"
بدرية: "الحمد للهبخير.....يسرك الحال"
أم عبد العزيز:"وينك يالقاطعة ما أحديشوفك"
بدرية:"خليها على الله إلتهينا في العيال والمدارس"
أم عبدالعزيز:"صادقه....هالمدارس جننتا"
بدرية:"عاد كلمتك عشان أمل لها أسبوع غايبةمثل ماتدرين وبغيتها تذاكر مع بسمه"
أم عبد العزيز:"إيه ما عليه خليها تجيالخميس تذاكر معها..كان أقول اليوم بس اليوم رايحين بيت أهلي"
بدرية:"طيب خليبسمة تجي اليوم عندنا... تدرين أبو مازن مسافر وما عندي عيال كبار عشان تخافونعليها"...
أم عبد العزيز:"أفا عليك أنتي مثل أمها بس ما أدري عن عمها يرضىتجيكم...بالذات أنا نتأخر في بيت أهلي"
بدرية:"ما ودي أحرجك يا أم عبد العزيز معأبو عبد العزيز..."
أم عبد العزيز مقاطعة:" تدرين ما يكون خاطركإلاطيب"
بدرية: "هذا العشم فيك يا أم عبد العزيز"...
أم عبد العزيز:"بكلمه وأنشاء الله ما يخالف"...
بدرية:"مشكورة....ياللا تامرين شي"...
أم عبد العزيز" :سلامتك يالغالية...مع السلامة"
على طول من سكرت ناظرت بسمة...نظرات كلهاكره..
أم عبد العزيز:"هذي جارتنا أم مازن...بنتها كانت مريضه الأسبوعالماضي..
وتبغى تروحين اليوم تساعدينها في المذاكرة"
بسمة (في خاطره واللهمنتي هينه يا أمل قول وفعل):"على راحتك...مرة عمي"
أم عبد العزيز:" والله راحتيما تروحين...لكن هذي أم مازن غالية علي ما أقدر أرفض لهاطلب"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــ


-"هااا يمه...عسى وافقت"
-"أنتقاعدة بجنبي وسامعه كل شي لا يكون أنا أتكلم سيلاني وأنا ماأدري"
أمل:"ههههههههه...حلوه منك يا أم أحلى أمل...أقصد يا أحلىأم"
بدرية:"أمل قومي ذاكري لك كلمتين...أنا متأكدة من تجي بسمة على المذاكرةالسلام"
أمل:"أي مذاكرة الله يهديك أنا ناديت بسمة عشان ننبسط مع بعض مهونذاكر...
بدرية:"وأنا لوشفتك مقصر في دروسك....كان مستحيل أناديبسمة"
أمل:"على أني كنت غايبة بس بسمة أرسلت لي كل الدروس اللي ما حضرتها "
"بدرية وهي تفكر:"فيها الخير...بس تصدقين يا أمل بسمة كاااااسرة خاطري"
أمل:"ايه والله يمه..الله يعينها...كل اللي في البيت ما يحبونها لا عمها ولامرته...ولا هند ولا هدى إلا بالعكس يغارن منها بشكل فظيع، هي سحر اللي كانت طيبهمعها ومن يوم تزوجت وسافرت فقدتها بسمة"..
بدرية وهي تناظر ساعتها: اللهيعينها"
أمل:"أشفيك...كل شوي تناظرين الساعة"
بدرية:"خالك خالد أتصل وقالبيمر علينا وأشوفه تأخر"
أمل:"والله إشتقت له من زمان ما شفناه"
بدرية وهيتتنهد:"حتى هو حالته حاله من عقب اللي صار"
أمل:"خالي خالد يستاهل مسوي قيسليلى"
بدرية بعصبية:"أي يستاهل الله يهديك من يوم هم صغار وهم خالد لعبير وعبيرلخالد حتى حببوهم في بعض....لكن الله يسامح اللي كان السبب"
أمل:"الحين صدق عبيرإنخطبت"
بدرية:"ما أدري وحتى لوما إنخطبت أبوي مستحيل يوافق أن خالد يخطبها مرهثانية عقب اللي صار"
أمل:"أنا اللي قاهرني أش اللي محببه فيها إلا قمة في الغروروالتكبر"
بدرية: "أقول ..ترى لسانك طويل"
أمل:"أسفة يمه...بس مقهورة منها ومنأمها الشريرة"..
بدرية:"ما كنك تسبين خالتي وبنتها"
أمل تقوم وتحب رأس أمها:"أسفةيمه بس كل ما أشوف خالي وحاله اللي تغير أحقد عليهم"
أم مازن(بدرية):"أقول أسكتي...أحسنلا يدخل خالك واحنا في طاري...."
-"طاري شو..."
التفتوا ثنتينهم لمصدرالصوت...
أمل تمثل دور مرعوبة:" بسم الله روعتني....وبعدين من فتح لكالباب"
خالد:"ليه لها الدرجة أخوف...وبعدين يالذكية عندي مفتاح"
أم مازن(بدرية):"هلاوالله بخالد"
خالد:"هلا فيك يالغالية"
بدرية:"تو ما نور البيت"
أمل:"لاتغلطين يمه البيت منور بوجودي...(تقرب من أمها كأنها بتقولها موضوع مهم(
"بعدينيمه ليش تعطينه مفتاح بيتنا ...ما تدرين أن حاميها حراميها"
تجرها أمه من شعرهابلين ...
بدرية:"حاميها حراميها في عينك ياللي ما تستحين فيه بنت محترمة تكلمخالها بهالطريقة"
أمل تقرب وتحضن خالها:"أمون على خالي "
خالد:"هههههههتمونين بس لا تزودينها"
أمل:"أفا عليك...الحين أنا أزودها "
بدرية:"أقول سويالقهوة لخالك...أحسن من الهذرة الزايدة"
أمل:وهي تأشر على خشمها... "حاضر على هاالخشم"
خالد:" ما أبغى قهوة من يدها ...أخاف أتسمم"
أمل:"لا تخاف المستشفىقريب ..وتجي الاسعاف لحدنا إذا تبغى توصيل مجاني"
خالد:"هههههههههه ...ياللهأقلبي وجهك أبغى أسولف مع أختي"
أمل:"أشبع في أختك أنا رايحة"
طلعت أمل وهيسعيدة بشوفة خالها...
خالد: "أش أخبار أبو مازن"
بدرية:"ما عليه. طيب ...موعدوصوله يوم الجمعة"
خالد: "يوصل بالسلامة"
بدرية:"الله يسلمك...إلا أشلون أميوأبوي"
خالد:"ما عليهم طيبن..عاد تروحين معي اليوم إن شاء الله"
بدرية:"لااليوم ما اقدر... بكرة إن شاء الله أجي"
سمعت بدرية أمل تناديها:"خلني أشوف هاالخبله أش تسوي في المطبخ"


خالد هو الولد الوحيد لأمه وأبوه عمره 28 سنه يشتغلفي شركة أبوه وعمامه...وسيم...قمه في الأخلاق لكن إذا عصب يفقد القدرة على التحكمفي نفسه.....

سمع التلفون يرن نادى بدرية ماردت عليه
خالد:"شكلها ماتسمع...خلني أشوف مين"
توه رافع التلفون إلا ويسمع ضحكه...
-"هههههههه ...سلاميا جميل"
خالد:"ألوووو"
ارتبكت بسمة...أخر شي توقعته يرد عليها رجاللأنها دارية أنه أبو مازن مسافر ..
خالد:"ألووووووو"
بسمة...ما قدرت تردوسكرت السماعة...
خالد:"ياحلو ها الضحكة"
أمل اللي توها داخله هي وأمها:"ضحكتمنو ...أعترف"
خالد:"ههههههه...ما أدري وحده ما عجبها صوتي وسكرت فيوجهي"
أمل بحشريتها المعتادة:"بشوف رقم منو"
تقرب أمل من التلفون:"هذا رقمجيرانا ...أكيد هذي بسمة...بكلمها أشوف ما جاها سكته"
خالد:"وليش يجيها سكته.. إلا سلمي عليها "
أمل وهي تدق الرقم:"لو أقولها خالي يسلم عليك.... تقاطعنيوترمي بصداقة سبع سنين عرض الحائط"
خالد:"ههههههههه حلوه عرض الحائط"
ماردتعلى خالها لأنها بسمة رفعت التلفون-"ألو"
أمل:"مساء الخيييييير"
بسمة:"أملأنتو عندكم أحد.....ولا أنا غلطت في الرقم"
أمل:"شوي ...شوي... كل ذا أسئلة ...إيه خالي خالد عندنا...وهو اللي رد عليك"
كانت أمل تبغى تحرجها:"بس اشرايكفي صوته حلو صح"
بسمة:"ترى والله لسكر"
أمل:"لا أمزح معاك يا شيخه ..(.وهيتقلد اللهجة السوريه)لك طولي بالك"
بسمة:"المهم...ترى بجيكم بعد ساعة"
أملوهي تمزح:"عاد ما صدقتي عزمناك...تقومين تجينبدري"
بسمة::..................
أمل:"هههههه أمزح والله أمزح لا تزعلين ...إلاعلى فكره اشرايك في الأفكار"
وهي توطي صوتها علشان أمها ما تسمعها :"خليتسحيله أم الخلاقين توافق تخليك تجين"
بسمة:" خطيرة أفكارك....."
أمل:"غريبهقدرتي تكلمين"
بسمة:"طلعوا فوق وما صدقت"
أمل:"إنتبهي لايصيدونك"
بسمة:"أقول يالله مع السلامة عمي توه داخل وصوته معصب الله يستر"
وسكرت حتى قبل تسمعردها
أمل:"مع ....."
خالد اللي كان منتبه:"هههههههههههه ما عطتك فرصه تقولينمع السلامة ما تنلام لأنك مملة"
ما ردت عليه وكانت سرحان’ أستغرب خالد منها... شوي إلا وتكلم أمها...
أمل:"يمه بسمه تقول جا عمها وصوته معصب أخاف ما يخليهاتجي"
بدرية:" لا تخافين على أنه عصبي بس ما يقدر يكسر كلمة مرته"
أمل:"إن شاءالله يمه...أنا ما أدري أشلون متحمله هالوحش"
بدرية: "أقول روحي شوفي أخوك محمدما صحى من نومه"
أمل:"حركاااات والله يمه...طرده مؤدبة...عادي قولي ظفي وجهك.. أتقبلها بصدر رحب"
أم مازن وخالدفي نفس الوقت:" طيب ظفي وجهك"
أمل:"ههههه لهاالدرجة أنا على قلوبكم...أوكيه يالله باي"
طلعت الدرج وهي عارفه أش الموضوع الليرح يتكلمون فيه...
أمل علاقتها مع أمها قوية ...يمكن لأن ما فيه فرق في السنكبير بدرية عمرها 34سنه تزوجت عمرها 15سنه...و أمل 18سنه أكبر عيالها
عقبها رهفعمره 14سنه دلوعت أبوها ومازن عمره 9سنين وأخر العنقود محمد عمره سنه..

***

بعد ماطلعت أمل ألتفتت بدرية لأخوها وتأملت وجهه خالد كانت لهمعزة خاصه يمكن لأنه الأخ الوحيد ويمكن لأنه عمره ما قطعها ودايم يسأل عنهاويستشيرها في كل شي...
قطع تأملتها خالد:"وين رحتي قاعد أكلمك ما تردين ... أكيدعند الحبيب الغايب"
بدرية:" وأنت الصادق عند الحبيب الحاضر اللي قاعدقدامي"
خالد:"هذ أنتي قلتها قدامك....ومثل ما أنتي شايفه طيب وما فيني إلا كلخير"
بدرية:"ونظرة الحزن اللي تطل من عيونك"
تنهد خالد وإبتسم بمرارة:"يابدرية لا تقلبين المواجع"
بدرية:" ياخوي من باعك بيعه"
خالد:"هيمالها ذنب"
بدرية: "النتيجة وحده ..الحين عقب فتره بسيطه بتكون في ذمترجال"
خالد:"بس هي للحين ما إنخطبت وما سمعنا إلا كلام"
بدرية:"أصلا حتى لوما إنخطبت تتوقع أبوي يرضى يخطب لك عبير مرة ثانيه عقب اللي صار"
خالد:"أنا وعبيرمالنا ذنب في كل اللي يصير"
بدرية:"ذنبكم أنها هي أخت محمد والعنود تصير بنتعمك"
خالد:"محمد والعنود لا أول أثنين ولاآخر أثنين يتطلقون"
بدرية:"صحيح بسياخالد طلاقهم أثر في علاقة العايلتين لدرجة أن أبوها فسخ الخطبة"
خالدبحسرة:"آه...يالقهر كان موعد ملكتنا عقب الإمتحانات"
بدرية بحنان:"كل شي ياخويقسمه ونصيب"
خالد:"خلاااااااص أنا ما أفكر أتزوج"
بدرية:" حرام عليك الليتسويه في نفسك...طيب ما فكرت في أمي وأبوي اللي أمنيتهم يشوفون عيالك"
خالد:"هذا اللي مقطع قلبي أمي وأبوي"
بدرية: "ياخالد أنت اللي معيش نفسك في دوامه منتقادر تطلع نفسك منها أشلون ياخالد لوصابتك مصيبه لا قدر الله"
قاطعها(خالد) بعصبية:"اللي أنا الحين فيه ما تعتبرينه مصيبة أني أفقد إنسانة كان حلمي أنها
تكونشريكة حياتي وأم عيالي وتبغيني أكون سعيد"
بدرية:" أنا ما قلت كذا ياخالد بسالإنسان لازم يساعد نفسه إنه يطلع من اللي هو فيه تصدق أعرف إنسانة عايشه أنواااعالمآسي لكن لما تشوفها تقول هاالإنسانة قمة في السعادة... فقدت أسرتها في في حادث.
كانتهي الناجية الوحيدة... عايشة عند عمها قمة الظلم والتسلط ما يرحمهاوأسرته ماتقل عنه في ظلمها ولكن ...صابرة ومحتسبة وتنتظر الفرج منالكريم"
خالد:" هذي بسمة اللي تو كلمت أمل"
بدرية وهي متفاجئه:"أشدراك..."
خالد:" سمعت أمل يوم تقول عمها جا وما أدري شو"
بدرية:"إيه...اللهيعينها...المهم حاول ياخالد تنسى عبير"
خالد:"تطلبين يابدريهالمستحيل"
بدرية:"هالكثر تحبها ياخالد؟؟"
تنهد ومارد عليها الإبإبتسامة حزينةوسرح بعيد....ولعبير اللي مايتصور أنه بيحب أحد غيرها..


-"هيه ...أنت يالحبيبوين رحت؟؟"
خالد:"هلا والله برهوفه الحلوه ..ما أنتبهت يوم دخلتي"
رهف:"أكيدماأنتبهت كنت في عالم ثاني ...المهم ترى إشتقنا لك ما قمت تجينا ...وأن جيت تكونثلاثة ارباع وقتك وأنت سرحان وين خالي الأولي.. والله أني إشتقت له"
ضمهابحنان لصدره ..حتى أنتي يارهف ...أجل أشلون حال أمي وأبوي أنا لازم أطلع من الليأنا فيه إكراما للي يحبوني...
خالد:"أقول أش مسويه في الدراسة عسى بس شاطرة علىخالك"
رهف:"أعجبك أنا مهو الغبية اللي فوق"
خالد:"ههههههه ليتهاتسمعك"
رهف:"والله صدق واللي يقهر صديقاتها أشطر ثنتين"
بدرية:"على الاقلتعرف تختار صديقاته مهو أنتي اللي صديقاتك المترديه والنطيحه "
خالد:هههههههههههههههه
رهف:"يمه حرااام عليك اش حلاتهم صديقاتي وبعدين حصلتأنا مثل بسمه ودلال وما صادقت بالذات بسمة ياحبي لها والله أنها خسارة تكونصديقه لأمل"
خالد:"أقول أش فيكم ما عندكم طاري إلا بسمة لايكون هذا اليومالعالمي لبسمة"
رهف:"ومن اللي يشوف بسمة وما يحبها......تصدق حتى مازن يموتفيها"
خالد:"ماشاء الله... عرفوني ياجماعة عليها يمكن أحبها معكم"
رهف بكلبرآه:"عادي تزوجها وأنت تحبها على طول"
خالد:"ههههههه تدرين يابنتأختي كفايه أنتوا تحبونها"
رهف وهي تهزكتفها:"كيفك أنت الخسران"
خالدوهو قايمبيطلع:"ههههههههه ياللا يابدرية أنا إستئذن....أشوفكم إن شاء الله بكره أنتي وفرقةمعجبين بسمة"
بدريه:"هههههههههه إن شاء الله"
طلع من عندهم وهويتصنعالضحك...يحاول يبين قدام أخته وعيالها أنه عادي ..وهو من داخله ميت قهروحزن ...مايتخيل أن عبير تكون لغيره..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــ

دخل البيت وهو معصب من شغل المكتب ومن الزبون الليكان ذكي وما قدر يلعب عليه ....ويغشه في الارض طايحه في كبده لها شهر... لقاها فيوجهه توها تسكر التلفون بسرعة...
أبوعبد العزيزبعصبية: "من تكلمين أنتيووجهك"
بسمة:"هلا عمي ...هذي أمل بنت أبو مازن"
قرب منها وشدها من شعرهابقسوة...
أبوعبد العزيز:"لو شفتك ماسكة التلفون مرة ثانيه صدقيني لكسره علىرأسك"
بسمة والخوف يطل من عيونها:"إن شاء الله عمي"
أبوعبد العزيز:" فارقي عنوجهي لا أحط حرتي فيك"
وهي في خاطرها من عندك غيري....تحط فيه كل قسوتكوظلمك...
أبوعبدالعزيز (حمد)عم بسمة الوحيد يشتغل في مكتب عقار حالته الماديهجيدة.... رجل قمة في القسوة والظلم وعلشان مصلحته عنه استعداد يبيع أي شي....أكثرشخص يقع عليه هالظلم هي بسمة يمكن لأنه ما أحد يدافع عنها....ويمكن لأنه كارهها مثلماكن يكره أبوها لأنه الوحيد اللي كان يوقفه عند حده....عياله هم سحر وهي متزوجهوساكنه في جده...وهدى وهند..وعبدالعزيز وعمره 8سنين....

هند:"هلا والله ببويالغالي ...أش فيك صوتك واصل أخرالدنيا...(وهي تناظر بسمه بنظرااات كره)... ما تنلاممادام ذي اللي كانت في وجهك أول مادخلت"
أبوعبد العزيزوهو يبتسم بحنان:"هلاوالله ..بالغالية...أشوفك فرحانة أش عندك"
هند تقرب من أبوها وتحب رأسه:"اليومالاربعاء بنروح لخوالي ما تبغاني أكون مبسوطة"
تناظر بسمة بنظرات كلها حقد:"بسبسمة مهي رايحه معنا بتروح بيت جيرانا"
أبوعبد العزيز:"مهو على كيفها"
سكتلما تذكر أنه أكيد هالروحه بتكون برضى مرته :"بس إذا أمك موافقة ماعندي مانع وبسخرية هي حسبة أمها وأدرى بمصلحتها"
هند:"إيه موافقة بتروحلأنه..."
قاطعها:"ما أبغى أعرف ليش أنا تعبان وداخل أرتاح شوي ...لا أسمعصوت"
تنهدت بسمه بارتياح لأنه الموقف عدى على خير... التفتت هند لها وناظرتهانظرات كلها حقد ...


هند:"المرة هذي ما قدرت أخرب عليك لكن الجايات أكثر أماقطعتك من أمل ما أكون أنا هند"

هند تغار من علاقة بسمة مع أمل لان أمل كانتصديقتها على أنها أكبر منها و لما جت بسمةعاشت عندهم ...طيب أخلاقها هو اللي حببأمل وأهلها فيها...


كانت فيالصاله مع أمها وأخوانها تنتظر بسمة أول ما سمعت الجرس راحت تركض عشان تتفتح الباب ....
رهف: "شوي شوي لا تتكسرين"
أمل وهي مستعجلة:" يشين اللقافة"


أول مافتحت الباب دخلت بسمة أستغربت أن اللي فتح هي أمل
بسمة:"أنا عارفه أنك تحبينيبس مهو لدرجة أنك تتكرمين وتتفضلين علي وتتفتحين الباب بنفسك"
أمل:"أفا عليك كمبسمة عندي ...يالله اليوم وناسه بسمه في بيتنا يامرحبا يامرحبا"
بسمة:"هههههههههأقول ماكني اليوم شايفتك في المدرسة.. خلينا بس ندخل ولا بتقعدينيبرى"
أمل:"تفضلي ...لأني لوتاخرنا شوي نلقى جمهور المعجبين طالعين في الحرلعيونك"
دخلوا الصالة وفعلاً كان الجميع ينتظرهم...
بسمة وهي مبتسمة:"السلامعليكم"
بدرية:"وعليكم السلام هلا وغلا بسمة"
قربت بسمة منها وسلمتعليها:"أشلونك خالتي "
بدرية:" طيبة الله يسلمك"
قربت رهف من بسمة وسلمتعليها:"هلا برهوفه ...كيفك و كيف الدراسه معاك"
رهف:"الحمد لله كل شئتمام"
مازن مسوي نفسه زعلان :"اللحين تسلمين على الكل وتنسين خطيبك اللي بيكونأهم شخص في حياتك"
بسمة:"هههههههههه ...لا تزعل بس تدري أستحي منأمك"
بدرية:"لا تستحين يازينها والله خطيبة ولدي إذا بتكون بسمة"
رهف:"أيخطيبة أنت ووجهك ...قل أم خطيبتي لان بسمة أكيد بتتزوج وأنت ما خلصتالابتدائي"
بسمة:"هههههههه ما عليك منها ...إذا أنا وانت متفقين ماعلينا منالناس"
مازن: "وأنتي الصادقة ...إلا أقول رحوا أهل عمك ولا بعد"
بسمة:"لابعدهم ما راحوا"
مازن وهوطالع:"أجل يمه بروح عند عبد العزيز عنده أشرطة بلايستيشن جديدة"
بدرية:"تعال....لا.."
كان يركض ماأنتبه لأمه أش كانتتقول...
بدرية: "الله يصلحك وأنا أمك...أقول أمل ما أشوفك جبتي شيلضيفتنا"
أمل وهي ماسكة يد بسمة:" بعدين يمه الحين بنطلع نذاكر خلي الشغالة تجيبالعصير لغرفتي"
وهي تناظر أختها:"وياليت يمه ما أحد يزعجنا"
بدرية:"ههههههههإمحق مذاكرة"
طلعت أمل وبسمة لغرفة ...أول ما وصلوا رمت نفسها على السرير وجلستبسمة على كرسي مقابلتها...
بسمة:"يالله يا أمل اليوم ضاع وجهي مع خالك كنت متأكدةأنه ما فيه رجال في بيتكم كنت ماخذه راحتي و أضحك في التلفون"
أمل:"هههههه إيهدخلت عليه وهو يقول الله يازين الضحكة"
أستحت بسمة:"الله يأخذك وتقولينبعد"
أمل:"ياعزيزتي أنا مشكلتي الصراحة...المهم تصدقين أنا خفت أنه عمك ما يخليكيوم قلتي صوته معصب."
بسمة تبتسم بسخرية:" لا هو مستحيل وحطي مية خط تحت مستحيلأنه يكسر كلام حرمته"
أمل:"بصراحة ما أدري أش مصبرك على هالوضع؟ الوحيدة الليتطيعه ومع ذلك ماهو راحمك"
بسمة بمرارة:"ما تدرين ... اللي مصبرني ياحلوة أنه ماقدامي إلا الصبر ولا من راح يوقف معي في وجه عمي"
أمل:"أكيد فيهحل"
بسمةبعصبية:" أي حل ...وهو ولي أمري الوحيد...مالي إلاخالة وحيدة وحارمنيمنها ولو حاولت أعانده ...قولي على بسمة السلام...أصلا أنا من غيرعناد ماني سالمةمنه تذكرين الكدمة اللي كانت في وجهي من أسبوعين"
أمل وهي تفكر:"إيه تذكرتها..بسأنتي قلتي..."
قاطعتها بسمة:"قلت لكم طحت والصحيح أنه هو رمى الريموت على وجهيولو لقى غيره كان ما قصر والسبب... هدى طلبت فلوس تروح السوق...وهو مثل ما أنتيعارفه يتعذب إذا أحد جاب طاري الفلوس ما لقى أحد يفرغ غضبه فيه غيري رمى الريموتعلى وجهي وقال أنقلعي عن وجهي...يوم أرتاح شوي عطاها فلوس وراحت السوق وأنا أخذتاللي فيه النصيب"
حست أمل أنه زودتها ...وحبت تلطف الجو شوي...
أمل:"أسفهيابسمة أدري أن لساني طويل ويبي له قص...اشريك تقصينه"
بسمة:"هههههههه لا مشكورهخلي هالمهمة لغيري..إلاما قلتي أشلونك مع الدراسة..لازم نشد حيلنا...ونجيب نسبةتساعدنا فيدخول الجامعة...( وهي تنهد) : ولو أني ما أدري يخلوني أكمل ولايحرموني"

أمل :"لا أن شاء الله نكمل بعض"
بسمة وهي تهز راسه:" إن شاء الله ...بكره بتروحون لأهلك"
أمل:"إيه إن شاء الله"
بسمة:"تصدقين أشتقت لخالتي ...مستحيل هي تجي عقب ما طردتها مرة عمي"
فتحت رهف الباب...وطلت برأسها:"ها... ما خلصتوا مذاكرة"
قامت بسمة ومسكت بيدها وهي طالعة معها إبتسمت لأمل الليمقهورهة من أختها
بسمة:"أكيد خلصنا".

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــ

-"أقول داوم خالد أمس"
أبوخالد تنهد بعمق: "إيه..."
أم خالد:"أشوى ...ما بغى يداوم"
أبو خالد:"من أسبوعين توه أمس يروح ما أقول إلا حسبيالله عليهم "
أم خالد :"حرام عليك أختي وبنتها ما لهم ذنب..هذا أبوها الله يهديههواللي فسخ الخطبة "
أبو خالد بضيق:" الله يهدي الجميع ويعوض ولدي أحسنمنها"
أم خالد بأسف :"ما ظني فيه أحسن منها ...لكن الله كريم"
أبو خالدبعصبية:"إيه... أستمري أنتي وريم في ترديد هالكلام قدام خالد اللي فيه مكفيه"
أمخالد :"الله يهديك يا أبوخالد فيه أم تكره تشوف ولدها متزوج وتشوف عياله أنا بس أقولننتظر يمكن عبير ما إنخطبت"
قاطعها أبوخالد بعصبية :"والله إذا أنتي ترضينهاعلى ولدك أنا ما أرضاها...من باعنا نبيعه لو هو من يكون....وبعدين نسيتي اللي صار فيالعنود بسبب ولد أختك"
أم خالد بضيق:"خالد وعبير مالهم في كل اللي صار"
أبوخالد بعصبية:"إذا هم مالهم ذنب ليش أبو محمد يفسخ الخطبة..."
أم خالد:"ما أدريعنه يمكن عصب على أخوك لما راح له البيت وحب ينتقم"
أبو خالد:"تدرين الحمد للهأنها جت منه....لانه الحين مستحيل أرجع أخطب لولدي عنده"
أم خالد:"حرام عليكيا أبو خالد تدري أن خالد يحب عبير"
أبو خالد:"أي حب وأي خرابيط"
أم خالد:"لاتنسى أنها كانت خطيبته "
أبو خالد:" إذا تزوج غيرها بينساها"
أم خالد:"ماراحيرضى يتزوج غيرها"
أبو خالد بعصبية:"بيرضى أنتي بس أطلعي منها"
أم خالد :"زينلا تعصب روحك"
أبو خالد:"أنا يا أم خالد مثل ما أنتي شايفة ماقطعتك ولا بقطعك منأختك بس مالنا نصيب عندهم"


أم خالد حرمه طيبه وحنونه...عيالها بالترتيب.. بدريهساره وخالد وأخر العنقود ريم…تحب خالد بجنون….وشخصيتها ضعيفة وتتأثر بسرعة
وأكثرمن يقدر يأثر عليها… أختها أم محمداللي هي أم عبير
على رغم أستغلال الأخيرهلها...
أبوخالد رجل شخصيتة قوية وله مكانته في المجتمع مكون مع أخوانه شركة ...

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــ


-صباح الخير على الحلوين
أبوخالد:"صباح الورد على دلوعة أبوها ... تقرب منأبوه وتحبه على راسه"
أم خالد :"غريبه ريم صاحيه من بدري يوم الخميس"
ريم:"أبد سلامتك بس البارح من الملل نايمة من بدري"
أبو خالد:"أحسن وأنا أبوك السهر مامن فايدة"
ريم :"وأنت صادق يبه إلاوينه ولدكم المدلل العادة ما تفوته هالقعدةالصبح"
خالد اللي كان توه داخل:" مدلل في عينك يالحسودة"
ريم :"لوطريت مليونكان أحسن"
أم خالد :"لا ولدي أغلى من ملايين الدنيا"
خالد وهو يبتسم :" موتي قهر"
ريم :"أقول ماتحسون أني أصير صفر على الشمال إذا جا خالد"
أبوخالد:"هههههههههه أنتي حبيبة أبوك ما يكفيك"
ريم الدلوعة في البيت حلوة ومغرورةقدوتها في الحياة عبير بنت خالتها عمرها 19 تدرس أولى جامعه مع عبير...
ريم وهيتبتسم لأبوها :"اللي يكفيني ...إلا متى بتجي بدرية وبناتها والله أني إشتقت لهمأسبوع ما شفناهم"
أم خالد :"بتجي الظهر"
ريم وهي تكلم أمها:"عبير كلمتنياليوم وتقول بيجون اليوم في الليل"
تغيرت ملامح خالد من جا طاري عبير وأنتبه لهأبوه...
أبو خالد:"على فكره يأم خالد نسيت أقولك اليوم أنا وخالد رايحين المزرعةمع أبو فيصل وأبو ناصر (أعمام خالد )وعيالهم"
أستغرب خالد بس حس أن أبوه يبغىيبعده عن البيت عشان خالته بتجي...
ريم :"والله قهر يبه ياليت تاخذونا أشتقتللمزرعة"
أبو خالد:"مرة ثانيه وأنا أبوك ".

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــ