السلام عليكم ...


في البداية دعيني أقول شيئًا .... لويش حرقتي الفلم هيك ؟؟؟ يعني خليتيني أعصب
من جد كيف بتحطي وبكل قوة " ...." وبتعرفي إنو نحن ع أعصابنا !

ما عليناا رح أتجاوز عن هذه الزلة العفوية ... ما علينا ~


محتوى القصة خنتاشيري وأحببته ... مش عارفة ليش هالة من الكآبة أحاطتني وكمان حسيت حالي رجعت بالزمن
أبصر ليش ؟؟

البطلة غريبة جدًا ، بس نوعها فريد يعني ... أحم صبورة ما شاء الله ! كل هل السنين بتنظر يا أخي
أنا يمكن أتعب بعد يومين وأفقد الوعي من الزهق !!!


ننتقل لطريقة السرد ... كان رهيبة جدًا أحببت سردك بسيط وسهل الفهم ، وأظن الشيء الوحيد الذي كان ينقصه هو الوصف ، في الحقيقة انا لما بدأت الكتابة واجهت هذه الامور وما حبت أسرد المكان أو أوصف الغرفة لإنو نوع من الملل ... بس مرة ع مرة بسير حلو حاولي تلعبي بالكلمات والتشبيه وهاي الأمور !



مممممـ أنتقل للأسئلة وبكمل حكي بالأسفل



!- مارأيك بالرواية كفكرة وأحداث ؟!

في الحقيقة فكرتها جميلة ... ولكن من خلال قرائتي للقصة أود مفاجئة كبير إن أمكن ، يعني ما تخلي القصة واضحة
بعد الفصل الأول ، ما بحب هاي الشغلة حاولي تلعبي بأفكارنا شوي!
وكـ فكرة جديدة ومبتكرة وأحببتها جدًا ، وربما تميزت لإني رديت ع الموضوع خخخخخـ <<< غرورو !

2- هل لديك ملاحظة ما على سردي أو وصفي ؟!


هو أنا قلت فوق بس ما قصرتي بوصف الأبطال والفستان يلي صار قطعة قماش هههـ من جد ، كل القصة وأنا أتخيلها بهذي القماشة بعد ما عفنت ... وك رحتي عند يلي بتحبي وتلبسي قماشة حتى لو كانت هديتوا لااااااااا لا أقبل

وصفك سلس ويسهل فهمه ووجدة لذة أثناء القراءة س1


3- إنتقاداتكم وأرائكم

ممممـ .. لا تتأخري بالفصل القادم وشوقيني أكثر ، خليني أرد على الفصل بلهفة :ha3:

4- ماذا تتوقعون للأحداث القادمة

صراحة لسى ما بعرف شي ، بس الخبر رح ينزل زي الصاعقة على المسكينة ليندا ... ترى حزنت عليها هاي المخلوقة
سندريلا بدون أمير ههههـ
أقول واحد رح يطلع بالقصة ما بعرف كيف ورح تتلخبط الدنيا ههههههـ


5- مارأيكم بشخصية ليندا ؟! هل أعجبتكم

ممممـ هلأ عندي نوعين من الرأي من حيث الشخصية بالقصة و الثانية المتعلقة برأي الشخصي

من حيث القصة ... ما أتوقع أحسن من هيك شخصية ، يعني شخصيتها أدخلت الحزن إلي وبعض التعاسة بس ~

رأي الشخصي فيها كـ شخص ( ع أساس إنو ليندا انسان حقيقي )

بظن إنها زودتها حبتين لما مسكت رجل الخادم هداك .. ربما حبيت يكون فيها شوي كبرياء :ha3: بس يلااا
ما عليناااا ~


6- أتمنى أن تقتبس لي أجمل مقطع أعجبك إن وجد



سيعود لقد قال لي هذا!!
رددت تلك الكلمات من جديد.بعد تكرارها 99 مرة منذ رحيله وهاهي تقارب المئة
بدأت ملامح ووجها يائسة وعقلها يردد في باطنه بيأس أنه ليس واثق بذالك
ربما يعود ....



أحببت هذا المقطع ... تخيلته امامي وهي تحادث نفسها << زي لما أحكي مع المراية خخخخخ
كما إنها كان في شكوك بالموضوع كثير حبيت الموقف





يعني ... قصتك فاقت توقعاتي ، ظننت بأنها قصة عن نادلة ورجل ثري ، او حتى عن طلاب مدارس و مرت بخاطري عن رجل شركة وهي بتشتغل معا ، بس أبدًا ما توقعتها هيك


أتمنى اتابعي في المفاجئات ... بحبهم


وهلأ بستودعك لإنو بطل في كلمات أحكيهااااا ، ردي بسيط بس سامحيني ... أول ما خلصت دراسة إجيت أرد ههههـ




في أمان الله

__________________
[IMG]file:///C:/Users/user/Pictures/Rula/Images/one.gif[/IMG]