| حسب المواقع الرسمية الى الان ماصدرش خبر رسمي يفيد انو الموسم الجديد في شهر افريل بصح رانا نحطو في الافتراضات برك
ونقولو انو الموسم الجديد في افريل نعطو في فرصة لكيشي انو يرسم الفصول
صدقيني مش ساهلة انو يبحث عن احداث جديدة وخاصة بعد ما عم السلام
سابقا كيشي عالج معاناة الشخصيات من اثار الحروب والمؤامرات حتان وصل للميكروب اللي كان سبب كل شيء وكان الزيتسو الاسود
الان هانا نشوفو في ابناء شخصياتنا عايشين سعاداؤء ما يعرفو معاناة او حرمان او فقد للاباء او الامهات كما في السابق
الان كيشي راح يحاول يوجد فكرة للموسم الجديد بعد السلام وهذا اصعب من المانغا اللي خدمها تاع ناروتو بكل احداثها
والدليل على صعوبة ايجاد فكرة هو انو الموسم الجديد قصير
كيما نعرفو بوروتو هو بطل الموسم الجديد السؤال هنا واش هي الصعوبة اللي راح تواجهو والحلم تاعو والعقبات اللي راح يتخطاها باه يوصل
ارادة النار هنا راها حاليا مفقودة في الاطفال الجدد لانهم نشاو في عالم السلام ماجربوش المشاكل اللي تصقل شخصياتهم كيما اباءهم
شفنا شيكاداي تشو تشو و اينوجي تهربو من التشكيل الي توارثوه اباءهم عن اجدادهم
شفنا بوروتو كره منصب الهوكاغي لسبب ان باباه ماعادش يقعد معاه كيما السابق ياو يحمد ربي انو عندو عائلة مش كي ناروتو محروم
هنا الامرو مختلفة عن السابق وعلى كيشي انو يصنع مشكلة ويوجد ليها الحل  |