| اسفه لاني طولت عليكم بس بصراحه
انصدمت ما شفت اي ردود و قلت خلاص بلغي الروايه
لكن شجعتني الاخت جوجو و الفراشه مشكورين لولاهم كان اغلقت الموضوع
و هذا البارت الطويل لعيونكم
البارت الخامس:-
.
.
.
.
الساعه 4:00
وصلو ابو جاسم و ام جاسم و ابو سالم و ام سالم
تعريف الشخصيات:-
.
.
.
ابو جاسم :عم البنات بس من ام ثانيه هو و ابو سالم من نفس الام طيب حبوب
كلمته قويه و هو بعد ابو خالد
ام جاسم:طيييبه حبوبه تصير اخت ام سالم و ام خالد ما ترضى بالغلط ولو دفعت حياتها
لازم تصلحه و حتى لو كان اقرب الناس لها
جاسم: 19 سنه طيب و على نياته حبوب و بسرعه ينقص عليه و فيه غباء بعض الشي
مستغلينه الشباب بالدوانيه عشان يمصخرونه مع هذا يحبهم و يحبونه
جود:18 سنه فيها خبال مو طبيعي هل بنت مرجوجه و خبله بس مو دوم على حسب المزاج
يعني مزاجيه
مرات تشوفونها عصبيه و مرات لا
الماس:15 سنه اذا اجتمعت مع الشله الخربانه (هاجر،ريم،جود،فهده،ساره.وسن) تنهبل
دافوره على كثر خبالها بس ذكيه مع انها ما تذاكر كثير
لؤي:9 سنين طيب حبوب دايم مع سعود يسوي مقالب الي اكبر منه ما يفكرون
فيها بس فيه عيب انه بسرعه يبكي اذا هاوشوه
.
.
.
ابو سالم:كلمته ما تنرد لو كلفه حياه الشخص بس ما يرجع بكلامه او يكسر كلمته
بس طيب و قلبه ابيض
ام سالم: رقيقه ما ترضى بالغلط طيبه و على نياتها بس فيها عيب انها
ما تنسى ابد تقعد تذكرك بالشغله لين تندم انك قلت لها لهاذا السبب محد يقول لها شي
سالم:25 سنه فيه غرور مو طبيعي قدام الناس اما لما تشوفونه مع الشباب شخص ثاني
فهده: 19 سنه بنت مزيونه بس للاسف لانها ما عندها خوات و عايشه مع شباب و ما تطلع تشوفونتصرفاتها تصرفات شبااب البعض حسبالهم انها بويه
وليد: 23 سنه طيب حبوب كلمته قويه مزاجي و غامض
رائد:22 سنه هذا الولد غييير عن العايله كلها دايم يضحك بالسراء و الضراء يضحك
اذا واحد متضايق يروح يقعد عنده خمس دقايق ينسى همه
انور:20 سنه رجاال على صغر عمره شايل هموم الدنيا كلها على ضهره ما يحب يبين انه
متضايق يبتسم حتى لو قلبه مجروح فيه قوه احتمال مو طبيعيه
سعد:18 سنه محير ل جود مرات يقنع نفسه انه يحبها و مرات يقول لا انا اكذب على نفسي اي حب و اي خرابيط عايش حياته مع رائد بخبال و عدم تحمل المسؤليه عينه زايغه و يحب شي اسمه بنات
سعود:9 سنين مع لؤي كثير و خططه شرير و يستانس اذا بكى لؤي يحس انه اقوى منه
نرجع مع البارت:-
.
.
.
ددخلو و سلمو على بعض اما ريم ليي الحين ما نزلت
الجد لهاجر:لي الحين ما جت
مرام:جدي تبغاني اروح لها
الجده:لا خليها تتدلع<<رجعت طبيعتها 😂😂😂
الجد بنظره تخرع للجده:لا مرام روحي لها
مرام:اشالله قامت و راحت
جود تكلم هاجر:وش فيها ريم
قالت لها ريم كل شي
فهده بصدمه:يقلبي ريموه ما تستاهل اقل لكن امشن وراي و مالكن شغل بلي راح
يصير اووك
البنات بستغراب:اوك
قامت فهده و قامو معها مشت لين الدرج و توهم صعدو او عتبه
ابو جاسم:وين
فهده:عمي بعد قلبي رايحين لريم بعد ما صار لها من ظلم و ناظرت الجده
الجده بعصبيه:ايا البازع انا ظالمه فين عصاتي الشطك فيها لين تحمرين وينها
ضحكو الموجودين عليها
جود:تيته شفيك ما كان قصدها
الجده بعصبيه بزياده:تيته عسى فمك بالشق
سعد يناظرها و هي تضحك و عرف انها قاصده ترفع ضغط الجده
رائد بضحك شوي و يموت:اقول جده يا شين تيته على لسانك
قامت الجده و عطته وحده على راسه بالعصايه لانه كان قدامها
لفت الجده تبي تكلم فهده بس ما لقت الا غبرتهم
الجد يضحك عليهم:صج انهم مو بهينات هههههههههه
جلست الجده و هي معصبه: ااااه اوريهن جليلات الحيا
الشباب طلعو للمجلس الي برا
بالمجلس:-
خالد و هو ميت ضحك: شفتهن هل مهابيل شسوو بالجده
وليد بضحكه:اقول هذا ولا شي لا تشوف لو ريم معاهن كان ما قدرنا نقوم من الارض من كثر الضحك
رائد: والله ريم ذي عاجبتني نفس خبالي
هنا فارس تذكر شي:عن اذنكم شباب
سالم:وين رايح
فارس:عندي شغله مهمه
اكمل بعدين بجزء اطول
السؤال:-
شنو دور الشخصيات الجديده
و شنو فكره فارس
و ريم شنو بيصير لها من الجده
|