البارت 75
ومرت الأيام
واليوم زواج محفوظ ودرر
كانت القاعه ملكيه بمعنى الكلمه
كانت مرتبه
وفخمه
كان محفوظ بكشخته كلها
كان اليوم يومه
ومحد قد فرحته
اما درر
الي ماكان احد من قرايبها حولها
بس كانو اهل محفوظ بذا اليوم أهلها
كانت كميه التوتر الي فيها ماتنوصف
تحس انها ودها تهون عن الزواج
تحس ودها الأرض تنشق وتبلعها
كانت تبتسم للي يباركون لها مجامله
في قاعة الريجيل
دخل ضاري بهيبته القويه
وبرزته
وبكشخته كلها
كان ملفت الأنتبه
ومانت الأنظار عليه
تقدم لمحفوظ
وسلم عليه وبارك له
محفوظ : وشوله ذا الكشخه كلها ، اللحين الناس يحسبونك المعرس
ضاري : وش ذنبي أذا انت مو مالي عينهم
عدي : ليش ماجيت بدري من الظهر وقت الغداء
ضاري : وليه أجي
محفوظ : وليه تجي ، زواجك اخوك يا الحمار ، المفروض تكون جنبي بذا اليوم
ضاري : هذاني جنبك
ويجي يوقف جنبه
محفوظ : خلاص يا الفله مره مضحك ، انت فاهم وش قصدي توقف جنبي ، كلب من يوم يومك
ضاري : أذا ما مردغتك على كلمة كلب بعد الزواج ما أكون ضاري
ضاري راح يسلم على الوليد والريجيل
وبعد ماسلم
التفت للباب الرئيسي
وكان ابو ليث وليث وانس داخلين
كان هيبتهم قويه
وكان شكلهم ملفت
ابو ليث كان قدام
وليث وانس
بجنب بعض ووراه
ضاري عارضهم
وسلم على ابو ليث
وليث وانس
وقف يسئل ابو ليث عن اخباره
اما ليث وانس
تقدمو يسلمون عل عدي والوليد
ثم راحو يسلمون على محفوظ
ليث وهو قدام محفوظ : الله يوفقك ان شاء الله
وطلع من مخباه عانيه وحطها بيد محفوظ
يوم جاء يسلم انس
انس دخل يده بمخباه
محفوظ : والله ماتطلع ولا ريال ، انت توك متزوج ولا ينشره عليك
انس طلع جواله : يارجال صل على النبي ، جوالي حاطه صامت وقعد يهتزبمخباي وبشوف من الي يدق
عدي فقع ضحك : محفوظ وضعيت المزهريه الله لا يهينك
محفوظ : شوفو حبايبي نظام القصف جبهات وبليلة زواجي خلوه على الجنب
انس فقع ضحك
وعدي وانس ضربو يدين بعض
محفوظ : بيجي اليوم الي بقهركم بزواجكم
عدي : حنا تزوجنا يا حبيبي
محفوظ : انت اعقب
محفوظ لف علىأنس : وينه عمي خله يجي بسره
انس : وش تبي فيه
محفوظ : ضاري متحلف فيني بعد الزواج ابي فزعته
قطع عليهم حكيهم
لما ضاري وابو ليث جاين بجهة محفوظ
قرب ابو ليث من محفوظ
وباس راسه بحنيه
ابو ليث : الله يوفقك
محفوظ:امين
ابو ليث طلع العانيه
وحطها بيد محفوظ
محفوظ : الله يكثر خيرك
ابو ليث جاء بيروح
بس مسكه محفوظ
محفوظ : ياعمي قل تم
ابو ليث بقوه : تم
محفوظ يبوس لحيته
محفوظ : احلف على ضاري مايلمسني تراه متحلف فيني بعد الزواج
ابو ليث يلف على ضاري : الا يا قليل الأصل ، بتضرب خويك ليلة سعده
ضاري : هو الحيوان رفع ضغطي
ابو ليث : هاه اسمعني أذا لمستي ، والله لا اخذ ميلاء
ضاري : وش دخل ميلاء بالموضوع
ابو ليث : انا قلت لك وانت بصرك
محفوظ : كفو الله يطول بعمرك
ضاري يلف على محفوظ: الا يا السلوقي يا الوصخ النجس
محفوظ يضحك بخبث
ابو الوليد يتقدم لمحفوظ
ابو الوليد : يلا رح لزواجتك ، هي فوق تنتظرك ، رح من الدرج هذاك
محفوظ:ابشر ابشر
ضاري بضحك : رح رح بتنام بالعسل اليوم يا أنكم بتسهرون
انس يضرب كتف ضاري : قلي ترى انا ما عندي خبره
ليث بضحكه : حتى هو ترى ماعنده خبره ، انا الي عندي خبره تعالو اقول لكم
كلهم بخبث قربو من ليث
محفوظ يضربهم على ظهورهم
محفوظ : ياتبن انت وياه ، ماحلى لكم الا تقولونه اليوم ، يومي انا ، خلاص خلوها بعدين علشان بعد انا اقول لكم
ضاري : انقلع انقلع بحضن مرتك
محفوظ راح واتجه لدرج
ورقى فوق
ودخل عليها بالغرفه
فتح فمه من جمالها
محفوظ : يلعن أصلك تجننين
درر زادت توتر
محفوظ بلع ريقه
وقرب منها وباس جبينها
درر وهو يبوس جبينها غمضت عيونها
محفوظ يقرب من المصوره
محفوظ : أطلبي منا أشياء جريئه شوي
المصوره ضحكت
محفوظ رجع لدرر
ومد يده
علشان توقف
درر حطت يدها بيده
ووقفت
وبفعل المصوره طلبت منهم لقطات جريئه مره
درر كانت رافضه
بس محفوظ كان يقول عادي
درر التوتر عندها زاد
ومحفوظ كان طاير من الفرحه
وقفو تصوير
واتجهو للفندق
محفوظ غير لبسه
و درر لبست لبس نوم
محفوظ التفت على ورى
شاف ملاك قاعده تمشي بأتجاه
كان طاير من الفرحه ان زوجته بذا الجمال
قرب منها ومسك يدينها
وحطها ورى ظهره
ومسك وجهه ورفعه
وباسها بحنيه على شفايفها