عيون العرب - ملتقى العالم العربي - عرض مشاركة واحدة - فِي جَوفٍ ديجُوري: Oo ღرحلــتــي. ღ. ღ. مع ذاتــي ღ Oo ‏

**مـجـرة** · #**252** 01-01-2015, 02:34 AM

من ابرز احداث 2014

ومضت 2014 وانا ما زلت بين اجمل و اروع عائلة
واروع بشر واروع ام واب

الشعور الدراسي
يمكن اكبر انتظار هو نتائج التوجيهي
خصوصا الفصل الاول
اما الفصل التاني صحوني عشان النتائج لما شفت الوزير بخبص اتوقعت انها ما تطلع فرحت اسمع اناشيد
كانت اعصابي باردة لدرجة قاتلة
بس حسيت بالتوتر يوم حكولي اني ناجحة ههههه
يعني ابرز اشي اني خلصت من المرحلة التوجيهي و بلشنا مرحلة الجامعة
نقلة نوعية

على سبيل الاشخاص

خلصت 2014 و لسا انا وايمان مشيبين العيلة
و دائما ما بنسبب المشاكل لبعض واحنا مبسوطين
و اكثر اشي بتمناها من رب العالمين
ان اي ظروف ما تغير مكانتنا بقلوب بعض

اجمل شب كان 2014 الوالد بعدو شباب
هو بس احنا الي مكبرينه ولا امبين بعدو صغير
و هو اخوي الكريم طبعا
الي من هسا بفكر بس يتخرج بعد سنة شو بدي اجيبله
هو طبعا صاحب ابيخ عيدية باول السنة الجديدة
ييه دانية صلي سنة مش شايفك ههههه

اجمل بنت بحياتي اختي صاحبة ابيخ عيدية تانية
ولك دانية هسا كل العيلة رح تصحى السنة الجاي هههه
عيلة خفيفة دم

اما ابرز الاحداث الاقتصادية
اني قررت اعمل مشروع اقتصادي بس ما بعرف شو هو
خلصت السنة وانا بفكر هههه

اما ثقافيا
كتاب كم حياة ستعيش
من اكثر الكتب المؤثرة كانت لسنة 2014
لاول مره بحياتي بقرا كتاب بساعدني على اني افهم الحياة بصوره افضل
وساعدني كتير خلينا نقول ضبط فكري او استوعب حجم قدراتي دون تهويل او تقليل

افضل الشخصيات اعلامية الي كانت مؤثرة لهاي السنة

الشيخ محمد العريفي الي بلقبه "بشيخ الشباب " لان اسلوبه قريب كثير من طبيعة جيل الشباب الحال
وابو عبيدة خلال حرب غزة
بيعطيك شعور بالقدرة على الابداع

على سبيل الصفات الي كنت بتمنى اني اغيرها خلال 2014
العصبية
الي طبعا ما نجحت في تغيرها
الغريب كيف جامع بين هدوء الطبع و العصبية ما بعرف بس زابطين معي هههه

والصفة تعززت في داخلي ب2014
شعور اللامبالة لبعض الامور بس لسا ما اكتشفت اذا هاالاشي سلبي ولا ايجابي
و الاشي التاني شخصيتي الكتومة بس هاي صفة فيها نوع من الراحة حتى لو فيه ضغط عليك

والمرح افضل اشي كان لعام 2014

اكثر الاحداث المؤسفة كانت ب 2014
حرب غزة
واحداث القدس
والتطورات في سوريا و العراق واليمن

الاحداث المفرحة
فوز اردغان
و اسر الجنود الاسرائلين
و العمليات خلال حرب غزة للمقاومة