عيون العرب - ملتقى العالم العربي - عرض مشاركة واحدة - كل واحد ويدخل ويقول شنو اهيه السلبيات الي في شاعر المليون 2

فراشة الكويت · #3 01-19-2008, 05:10 PM

هلا اخوي بو خالد
هلا فيك اكثر مشكور تسلم ما قصرت والله
بالنسبة للسلبيات الي انت قلتها عن البرنامج

انا اشوف بدر صفوق تعليقاته روعه ومعطيه تج ومعطيه ان البرنامج اكبر من ان يصير فيه اخطاء جذي
وكلامك صحيح بخصوص الاماراتي الي ورب الكعبة وما ازل عليك بكلمة ما فهمت شنو يقول
سريع ولهجته مو بدوية ما ادري جنه يتحجى انجلش^45^

تقديم البرنامج باااااااارد وثلج تحس المذيعين يبطون الجبد
بس شيء احسن من شيء يكفي ان المذيعه احسن من روضة الي فقعة مرارتي السنه الي طافت
ولا انا معيبه عليه المذيع القصير الي معاها

يعني ما ادري داخلين تهريج ولا اذاعه وحده طويله طويله الى ابعد حد واحد قزم الى ابعد حد صاروا حتى الجهال يضحكون عليهم ^بب^
وذابحتنا بالميلس والميلس
وانت قلت شغله حلوه المفروض يكون التصويت بس للجمهور واللجنة تعطي نسبة من عندها بس تشجيعيه يعني ما تحتسب وهذا الي راح يخلي البرنامج اكثر وضوح
وبجذي تصير الاثارة اكبر والتشويق اكبر اكبر
اتمنى اتمنى انهم يمشون على هذي الشغلات

وراح ينجح البرنامج نجاح كبير
ومع كل هذا يبقى شاعر المليون ناجح ومكسر الدنيا بعد

شكرا اخوي وحياك الله