| البارت الثامن والعشرون (28)
لكن قاطعها دخول شخص بسرعه مثل البرق وماوعو الا وهو حاضن سلام لدرجه الي يشوفهم يحسبها داخل ضلوعه
:بسم الله عليك وش فيك ياخوي
التفت محمد على صوت عبدالله وعيونه مو واضحه من الدموع الي فيها
ورجع ناظر سلام الي بدت تبكي وهمس باذنها :حبيبتي انتي حـامل
سلام انصدمت وشلون :ها وش تقول لااااااااا وجلست تبكي ومحمد حاضنها وعبدالله زي الاطرش بالزفه مايدري وش السالفه
:انت وياها طيحتو قلبي تكلمو وش فيه
ابتسم محمد ورجع راس سلام على السرير عشان ترتاح :سلام مو مريضه باللوكيميا
عبدالله فرح:الحمد لله
محمد:سلام حـــــــــــــــــــــــــــــــامل
عبد الله انصدم :وشلون
محمد بخبث:يعني كانك ماتعرف وشلون هذا وانت عندك بنت
هنا سلام غطت راسها بالحاف من الحيا وعبد الله استوعب وش قال واتلعثم:انا ما قصدي كذا انا اقصد
قاطعه محمد:فاهم قصدك بس استهبل
عبدالله اتنرفز عليه:بتفهمني ولا اجي اوريك شغلك
محمد يعنني خاف:لا يمممممممه بقول
وكمل بجديه وهو جالس جمب سلام :رحت اشوف نتيجه التحاليل
وقالت لي الدكتوره انها حامل انا ماستوعبت وسالتها شلون قالت لي ان اعراض الحمل لما تكون شديده تكون مشابه لاعراض اللوكيميا ولما راحت سلام من ورايا وحللت وناظرها بنص عين وبعدين كمل :راحت للمستوصف الي قريب من البيت وبما ان
الامكانيات عندهم ضعيفه فشخصوها تشخيص مبدائي على انها لوكيميا وطلبو منها انها تروح لمستشفى كبير وتعيد التحاليل لكنها صدرت لهم الطرشه وقعدتني ثلاث ايام وانا على اعصابي خايف عليها ومو فهم وش فيها ولما قالت لي والله حسيت روحي بتتطلع مني وبعدها تنهد الحمد لله على كل حال المهم هي جمبي وحولي
سلام:محمد انت احلى شي بحياتي ربي يخليك لي
محمد ونسي انه في كائن حي اسمه عبدالله معهم وقرب يبي يبوسها
عبدالله اتاثر من حبهم لبعض
"الله يخليهم لبعض"بس الاذيه مشكله :هييييييييييي يالاخو وقف وين رايح ترى انا اخوها الكبير احترمني على الاقل
سلام دفنت وجهها في كتف محمد من الفشيله
محمد انحرج بس مابين:طيب واحد وحبيبته قاعدين المفروض تحترم نفسك وتطلع
عبدالله بنص عين:اوكي ها سلام ترضين زوجك يطرد اخوك الكبير
سلام ناظرت محمد بحب:لا ما ارضاها بس وانحرجت وسكتت
عبدالله :هههههههه طيب يالله مبروك والله يتمم لكم بخير يارب
محمد وسلام مع بعض:الله يبارك فيك وعقبالك
"عبدالله هه عقبالي ايه ورماح زوجتي ماظنتي انها تبي عيال مني اه بس الله يعين"
طلع عبدالله
من عندهم وهو مكسور "ااااااااه ياليت رماح تعطيني لو ربع حب سلام لمحمد والله مابي اكثر ااااااه والله اشهد انها مو مقصره بشي بس قلبها هو الي ابيه بس انا وراكي والزمن طويييييييييييل يارماح ان ما خليتك تهوجسي فيني ماكون عبدالله "
وصل عبد الله جناحه مكان يبي يقابل رماح يحس انه لو شافها بيقعد يصرخ فيها ليش ماتحبه ليش ماتبيه
بس القدر دايما معانده
فتح الباب واول شي طاحت عينه عليه هورماح بشكل اقل مايقال عنه ساحر خلاب يأسر العين غصب عن راعيها
كانت نايمه على الكنبه و ليان نايمه في حضنها وشعرها واصل للاض لانه طايح من على الكنبه وهي معطيته ظهرها
"ههه سحرتني وهي معطيتني ظهرها اجل لو اناظر وجهها وش بيصير"
قرب لها وهمس في اذنها
:رماح رماح حبيبتي"عبدالله مصر يناديها بحبيبتي وقلبي وهالكلام لانه صادق فيه وماعنده مشاكل في انه يظهر مشاعره وهو متيم برماح ودايما يثبت لها هالشي"
رماح فتحت عيونها بشويش وشكلها عور قلبه كانت لابسه روب نوم الين الركبه ابيض وعليه رسمه سنووايت
وليان مثلها كان شكلهم بجد ام وبنتها
قالت بهمس عشان لاتصحي ليان:هلاعبدالله اودي ليان غرفتها واحضرلك العشا دقايق ويكون عندك
عبدالله تنهد وكمل بصوت عالي :مابي عا
قاطعته رماح وهي تحط يدها الصغيره على شفايفه وبهمس:اشششششششششش لاتصحيها تعبتني الين نامت
عبدالله خق على حركتها وقام شال ليان عنها
وودها غرفتها غطاها وباس راسها وطلع لرماح لقاها تحوس بالمطبخ
:وش تسوين
رماح انفجعت ولا شعورين طاح الصحن الي بيدها وانكسر
عبدالله راح لها ومسك يدها:خير وش فيك انجرحتي تعورتي
رماح وهي ترجف من الخوف:لاااا بس واخذت يده بدون قصد وحطتها على قلبها :شوف كيف يدق بسرعه حرام عليك خوفتني
عبدالله ذاب من حركتها وشالها وهي انحرجت:ليه شلتني اقدر امشي
عبدالله بهمس لانه تخدر من دلع رماح العفوي:اخاف تمشين على الارض ويدخل قزاز مكسور في رجلك
رماح ابتسمت بود على حركته لانها فعلا كانت حافيه القدمين
نزلها على السرير ودخل غرفه الملابس يغير:تصدقين الي يشوفك انتي وليان يقول بنتك مستحيل احد يصدق انك مرت ابوها
رماح بحب واضح لليان:الله يشهد على معزتها بقلبي وانا فعلا اعدها بنتي وحبيبتي بعد
طلع عبدالله بعد مالبس البيجامه وتمدد جمبها على السرير:اممممممم رماح
رماح :هلا
عبد الله:بجد رماح جاوبيني بصدق تبين عيال مني ولا لا
رماح استغربت سؤاله بس ماحبت تجرحه او تحيره خاصه وانها عارفه انه يحبها:اكيد ابي عيال بس الله ماكتب
عبدالله تنهد بفرح:الله يطمنك
وطفى الابجوره وانسدح وحضن رماح"يحب ينام وهي بحضنه "
وصار ظهرها على صدره همس:تصبحين على خير حبيبتي
رماح بهمس:وانت من اهله
"اعذرني ياعبدالله ماقدر احبك والله اخاف تروح وتتركني انت لو تركتني انا راح امووت "شدت على حضنه لها حس فيها وابتسم بس ماعلق
في بيت محمد
بعد ماطّلع محمد سلام من المستشفى ونظم لها مواعيد الكشف عشان يطمنو على البيبي
في غرفه النوم
سلام نايمه على كتف محمد الي حاضنها بتملك:مااصدق اني بصير ام وانت ابو
محمد بحب:الحمد لله والله عشت اسواء يومين في حياتي
سلام بدت تتعب:الحمد لله محمد انا باي شهر
محمد :اممممممم يافي نص السادس يا في اخره الدكتوره ماحددت قالت السادس
سلام :معقوله ماحسيت وحطت يدها على بطنها :ولا طلعت لي بطن مو مصدقه
محمد حط يده على يدها وابتسم بحب:المهم انه انتي بخير
ويالله نامي
سلام ماصدقت يقولها راحت بسابع نومه لحفها وباس جبينها وجلس طول الليل يتأملها ويشكر الله انه نجاها ورزقه
في لندن
وتحديدا في المستشفى
نواف خلااااااااااص طق
كل شوي داخله دكتور شكل طفش ومو فاهم شي
عدى زياد عليه هو ماشاف نواف على ذيك المره بس لما سمع من الدكاتره الي كشفو عليه وفهم انهم محتاسين ومافيهم احد ماهر ومحترف بالدرجه الي تخليه يسوي له العمليه
زياد غصب قلق عليه وقرر يشوفه والي فيها فيها
دخل عليه بعد ما اذن له نواف بالدخول
زياد:السلام عليكم
نواف بدون نفس:وعليكم السلام
زياد:كيفك نواف
نواف بتهكم وتذمر واضح :ازقح يعني بالمستشفى والين الحين ما لقيو دكتور سنع يعالجني كيف حالي بالله
زياد ابتسم بهدوء:الحمد لله على كل حال
نواف استغرب هذا مو زياد الي اعرفه لا الشكل ولا الاخلاق سبحانه وتكلم بتنغيز:زياد لو سمحت شوف لي دكتور اقد اتفاهم معاه
وش هالمستشفى الي كل الدكاتره الي فيها مبتدئين
زياد ابتسم على وقاحه نواف معاه
:تامر امر ماطلبت يانواف
بس معليش ممكن اعرف وش مرضك بالضبط عشان اقدر اساعدك
نواف استغرب:يعني معقوله ماتلقفت وشفت وش مرضي بالفايلات الي كانت عندك لانه سمع حواره مع الدكتور روبرت فعارف مشكله الفايلات"
ابتسم زياد:لا طبعا سياسه المستشفى تمنع هذا الشي هذا اولا وثانيا انت طلبت مني ما اتدخل وانا قدرت هذا الشي
بس لما سمعت من الاطباء ان حالتك حرجه قررت اجي اكلمك يمكن اقدر اساعدك مهما كان تضل ولد عمي
نواف استغرب:تغيرت كثير يازياد
زياد ابتسم ابتسامته الحزينه والي مشهور فيها:مافي احد يظل على حاله يانواف
نواف استغرب نبره الحزن الي في صوت زيا بس طنش "وانا اشلي حزين ولا سعيد في قريح": بقولك يازياد انا وش فيني بس رجاء محد يدري من العائله
ممكن؟؟
زياد:اوعدك انه محد يدري وعشان تتطمن اكثر لاني عارف انك ماتثق فيني
انا مااكلم غير ابوي ورماح ولينا ومن فتره لفتره لاني مشغول ومو فاضي
نواف:اوكي انا مشلول
زياد انصدم:وشو
نواف كمل بالم:صار لي حادث و.....<حكى له السالفه>
زياد حب يطمنه رغم حزنه على ولد عمه:الحمد لله على كل حال والف مبروك على الملكه
نواف ابتسم "جاب طاري جنى":الله يبارك فيك وعقبالك"طلعت عفويه من نواف لكنها وجعت زياد الي بان على ملامحه الحزن"
زياد:ههههه لا ياخوي انا الزواج هذا شلته من قاموسي
نواف حزن عليه :زياد انشاء الله ربي يرزقك بالي تريحك والي سارلك مع رؤى ال..
قاطعه زياد الي بجد انجرح:لا يانواف مو بس هذا اشياء كثير تحرم علي الزواج خلاص انا مو ملك نفسي
واستدرك الامر:على العموم انا راح اشوف وضعك وباذن الله خير يالله استأذن
نواف:اذنك معك
نواف"غريبه وش يقصد بالكلام الي قاله والله زياد تغير مو زياد الي اعرفه صاير هادئ وحنون وشكله وش ذا الولد صار عصى تمشي وش هاللمعه الغريبه الي في عيونه اووووووو انا ليه شاغل نفسي فيه انام ابرك لي وبالفعل حط راسه وراح في سابع نومه "
"اما زياد تذكر رؤى ااااااااه يارؤى مهما حبيت بعدك ومهما عشقت راح تضلي الاولى انتي اول بنت دق لها قلبي ااااه على قد ماحبيت ريما الا انها ماوصلت لغلاك في قلبي تنهد:الله يوفقك مع الي يقدرك والله يرحمك يااغلى الناس اه ياريما وينك عني والله محتاجك بدر وماجد محتاجينك "
راح وكلم الدكاتره الي اشرفو على حاله نواف
واتفقوا نهم ينتظرو الدكتور "جونثن الي خبير في هذا النوع من العمليات عشان يجي وينفذو له العمليه "
في مزرعه راشد"بيته حاليا "
كانت حور حايسه في المطبخ وراشد في الصاله يفكر" خلاص سلمت كل الملفات والعروض الي عملتها وانشاء الله اني انا الي راح اخذ هالمناقصه واقدر اغطي العجز الي في الشركه
والله لو تطير هالمناقصه راح يصير عندي عجز قوي مارح اقدر اسدده بسهوله الله يستر"جات حور وشافته مسرح حست ان وراه شي
بس ماعلقت:راشد
راشد التفت لها:هلا
حور:يالله قوم العشا جاهز
راشد ناظها والله تعبتها معاي
بس مو بيدي
:طيب
قام وراح وراها عشان ياكلو
راشد بعد ماجلس وبداءياكل:حور
حور والاكل في فمها:هممم
راشد ابتسم على شكلها:بطلب منك طلب
اذا تقدرين
حور خافت لايكون يبيني ...:قووول
راشد بقهر من شكلها الي مبين انها خايفه منه :حور قلت بطلب طلب مااظن في داعي للخوف
حور :طيب وش طلبك
راشد تضايق من خوفها بس كمل:ابيك تاخذين اجازه سنه الين تولدين
حور ارتاحت لانها كانت تبي نفس الشي:والله انا كنت بطلبه منك لان الطريق متعب واكيد اني راح اتعب وانا اخذته كل يوم رايح جاي
راشد حن عليها:اسف حور بس مافي بيت غيره
حور" يوووووووو انا ليه دايم اجرحه وهو حمار ليه يفهمني غلط اوففف"
راشد كمل لما مالقى منها جواب:طيب خلاص راح اقدم لك على اجازه لمده سنه
حور ناظرته برجاء استغربه راشد:خير حور تبين شي
حور منحرجه هذا شلون عرف يمممممه ساحر:ايه
راشد:امري
حور:ابي ليمون ومافي في البيت
راشد ابتسم بإستغراب:والله الي اعرفه انك ماتطيقي شي اسمه ليمون
حور هذا كيف افهمه:عاد الحين حبيته مره مشتهيته
راشد استغرب:مشتهيه ليمون
حور اتخيلت شكل الليمون اسرحت فيه وهمست بتنهيده"الوحام لاعب فيها لعب":أيــــــــــــــــــــه
راشد هذي وش فيها:حور خير وش فيك انهبلتي ترى قلتي تبين ليمون مو توم كروز
حور عصبت ووقفت:راااااااااشد انا اتوحم عليه اففففف ايش يفهمك انت بس
ولما استوعبت الي قالته وانها رفعت صوتها على راشد ركضت للصاله
هنا راشد بطها ضحك: ههههههههههههههههههههههههههههههههههههههههه ياااااااااهبله انتبهي لاتركضين تراك حامل
والله الوحام شكله بداء معاها الله يعني عليها
بس ابتسم يحب حركاتها وبالذات الحين مع الحمل صار يحس انها تتصرف بطفوليه
خرج وراح لاقرب سوبر ماركت
وجاب لها ليمون بكل انواعه اصفر واخضر وكبير وصغير ورجع للبيت
:حوووووووور
حور من الحديقه :انا بالحديقه
جالها راشد مبتسم اتأملها تخنت شوي و شكلها صار احلى واحسن
:اتفضلي
حور ناظرته مبتسمه وقامت من الكرسي:مره شكراا اممممم ليمووووووون
ابتسم راشد وقرب لها ومد لها باقه ورد حمرااا
"ليه حمرا مايدري ولا انا ادري"
حور اخذتها وشمتها وناظرته :ليه كلفت على نفسك
راشد ابتسم:انا وعدتك لافكيتي الجبس اجيب لك ورد واتذكرت اليوم وجبته لك
حور :مشكور ماكان له داعي انا نسيت
راشد بغموض:بس انا ماانسى وعودي
حور ابتسمت واتنهدت بإرتياح وهمست وهي توقف عشان تروح للمطبخ :تشرب شاي
راشد هز راسه بالموافقه وجلس بالحديقه ينتظرهااا
بيت ابو راشد
لمى وجنى بالصاله
لمى حاطه فيلم وفاله ابوها تحاول تتطلع جنى من الي هيا فيه
وجنى اندمجت معاها "مرتاحه لان نواف كل يومين ثلاثه يكلمها وراشد مرتاح مع حور وش تبي اكثر من كذا بس كانت تتمنى وجود نواف جمبها يالله الحمد لله على كل حال"
ماجد راح زار راشد في بيته وانبسط لما عرف ان حور حامل
وراشد باين الفرحه تنط من عيونه
صباح اليوم الي بعده
الدنيا مقلوبه في مكتب راشد ماجد وعبدالله متنحين ومو مستوعبين شي
ماجد:وش الي صار كيف كذا طارت الصفقه بهالسهوله
راشد حاط يدين على راسه وجالس على الكنب غارق في حاله صمت
عبدالله وماجد خرجو حبو يتركوه لحاله
وبينما الكل حايس
ومصدوم بالي صار
"راشد ياربي وشلون بغطي هالعجز الي صار وشلون بقدر اعطي الموظفين رواتبهم وبيتي وشلون بصرف عليه وولدي مين بيصرف عليه ااااااااااااااااااااه ياربي مالي غيرك الجاء له يارب هونها علي انصفني يارب "
:ههههههههههههههههههههه مو قلت لك راح اعيد تربيتك
راشد انصدم :يبه
ابوه:لاتقول يبه انا سبق وقلت لك لانت ولدي ولا اعرفك
وانا جيت اقولك انه انا الي طيرت الصفقه من يدينك وابي اشوف كيف بتغطي العجز
شوف هذا اقسى درس بعطيك اياه والله ياراشد ان ماانعدلت لاوريك النجوم في عز الظهر
هه وريني كيف بتدبر راسك
وطلع تارك راشد مصدووووووووووووووم في ابوه معقوله ابوي يكرهني لهالدرجه ماقدر يقعد حس نفسه مخنوق راح اخذ مفاتيح سيارته وطااااااااااااااااااار على البيت
ماقدر دخل غرفه حور بدون لا يدق الباب
حور انرعبت من منظر راشد وراحت له بدون وعي:وش فيك وش صاير
راشد ماستحمل طاح على ركبه على عتبه الباب
هنا حور عرفت ان فيه شي كبير
نزلت لمستواه :راشد وش فيك
راشد همس:احضنيني
حور خافت بس شكله يحزن وبدون شعور حضنته بقوه وحطت راسه على صدرها وجلست تمسح على راسه وتسمي عليه وهي تبكي
راشد يوم حس انه في حضنها تنهد بقوه:ااااااااااااااااااااااااااااااااااااااااااااا اااااااااااااااااااه
حور ماقدرت تستحمل:راشد سالتك بالله وش فيك
راشد:ابوي ماكفاه انه يتبرى مني
حورهدت شوي اكيد عمها مسوي شي ثاني لراشد يعني مافي احد مات ولا شي
رفعت راسه من حضنها وبالم :راشد قوم صلي وانا بنتظرك في الصاله معليش مااقدر اقعد في الارض اكثر من كذا
راشد دخل الحمام وفتح الدش البارد ودخل تحته بهدومه لعل وعسى ان بروده المويه تطفي النا رالي بصدره
الين حس انه هداء شوي
خرج
وتوضى
وبعدها غير لبسه
وصلى ركعتين ونزل لحور في الصاله
حور بدون شعور :راشد تعال
جاها مسير مو مخير
قعد على نفس الكنبه
حور مسكت راسه وحطته على فخوذها وجلست تلعب بشعره وتقرى عليه الين مانام"حور عارفه احساسه والي مر فيه هي يوم كانت تمر فيه هو وقف جمبها بطريقته وهي تبي توقف جمبه بطريقتها "
في الجامعه
فيصل دخل متاخر ومالقى موقف لسيارته في المواقف المخصصه للدكاتره فاضطر يوقف في مواقف السيارات الخاصه بالطالبات
"المواقف الي تكون قدام الجامعه عشان اولياء امور الطالبات لما يجو ياخذوهم في نهايه الدوام"
وركض على مبنى التلفزيون
كان عنده محاضره من 8 الى 9:30 لطالبات ثانيه تاريخ
خالص فتح مايك لينا لانه بعد نص ساعه راح تبداء محاضرتهم
لكنه انصدم بالي سمعه
:هههههههههههههههه
رندا:مبرررررررررررررووووووووووك ريناااد
ريناد بحياء:الله يبارك فيكي
عقبالك
رندا:بناااااااااااااااااااااااااااااات
البنات بصوت واحد:نعــــــــــــــــــــــــــــــــم
رندا:هههههه بمناسبه خطوبه وملكه صديقتنا العزيزه ريناد
اطلب باسمي واسمكم واسم الامه العربيه
ايمان:اخلصي وش تبين
رندا حذفت ايمان بالشنطه وكملت:المهم اطلب من لينا تغني اغنيه لريناد بمناسبه خطوبتها
لينا انحرجت:رندا وش هالطلب صوتي مو حلو
رندا فتحت عيونها على كبرها:يمه يمه ياكبرها عند الله وش هالكذب وابتسمت بخبث :طيب سمعينا واحنا بنحكم
ها وش رايكم يابنات
البنات بصوت واحد:أيـــــــــــــــــــــه
لينا استسلمت:طيب
عشان خاطر ريناد
:احم احم
رندا بمزح:اخلصي يافايزه احمد
لينا كشرت في وجهها وطنشتها :
(قررت اموت بحبك وامشي معاك فـ دربك انت ياساكن قلبي اسمحلي اعيش بقلبك
قررت اموت بحبك وامشي معاك فـ دربك انت ياساكن قلبي اسمحلي اعيش بقلبك
قربك ترى يحيني و صوتك انا يهديني بعدك ترى يبكيني
لاتغيب عني وربك
قربك ترى يحيني و صوتك انا يهديني بعدك ترى يبكيني
لاتغيب عني وربك
بنسى معاك همومي واسهر واخلي نومي واعيش وقتي ويومي
كله وانا بجنبك
بنسى معاك همومي واسهر واخلي نومي واعيش وقتي ويومي
كله وانا بجنبك
قربك ترى يحيني و صوتك انا يهديني بعدك ترى يبكيني
لاتغيب عني وربك
قربك ترى يحيني و صوتك انا يهديني بعدك ترى يبكيني
لاتغيب عني وربك
مثلك انا مالاقي يصعب عليك فراقي صادق انا باشواقي ولو تكذب اعشق كذبك
مثلك انا مالاقي يصعب عليك فراقي صادق انا باشواقي ولو تكذب اعشق كذبك
قربك ترى يحيني و صوتك انا يهديني بعدك ترى يبكيني
لاتغيب عني وربك
قربك ترى يحيني و صوتك انا يهديني بعدك ترى يبكيني
لاتغيب عني وربك...... عبد المجيد عبد الله ..قررت اموت فـ حبك )
البنات بصوت واحد:واااااااااااااااااااااااااااااو
ريناد:مشكورا لينا
لينا راحت باستها على خدها:مبروك الف الف مبروك الله يتمم لك على خير يارب
ريناد:الله يبارك فيك
وعقبالك
لينا ابتسمت وبمجامله:في حياتك انشاء الله
رندا بس سمعتها قالت كذا
جرتها لمكان مقاعدهم يعني تحت المايك مباشره
:وش الي سمعته
لينا باستغراب:خيررر وش قلت
رندا:لما قلتي لريناد وتقلد صوتها في حياتك انشاء الله
لايكون في احد تقدم لك بعد محسن مدرري حسن مدري حسنين
لينا ضحكت:حرام عليك شوهتي اسم الولد اسمه محسن
رندا بحمق:اخلصي في احد تقدم لك
لينا :هو من ناحيه تقدم فهو تقدم يمكن امم اثنين بس انا رفضت
رندا باستغراب:غريبه ابوك اخذ رايك العاده القبيله كلها ماتعطي وجهه للبنات فديت فراس والله
لينا:ههههههه هو لو ولد عمك مايشاورك لكن اذا كان مو من الاهل يعطوك وجهه ويشاورك وبعدين وش دخل فراس اخوك بالموضوع
رندا:لانه وعلى قد عصبيته الا انه قلبه طيب وعمره مافرض علينا احد حتى خواتي تزوجو بارادتهم
بس طاح نصيبهم في عيال عمي خخخخخ
"رندا من نفس قبيلة لينا عشان كذا عندهم نفس العادات واخوها فراس<30 سنه رجل اعمال وله اسمه بالسوق وصديق لراشد وعبدالله هو ولي امرهم والمسئول عنهم بعد وفاه ابوهم الي مضى على وفاته 19 سنه عشان كذا رندا تعتبر فراس ابوها مو اخوها بس هو عصبي شوي اعزب>
لينا :هههههههه
رندا:والله على بالي وافقتي على احد وانا مدري قلت متى مداها هذا وان امس كنت ببيتكم
لينا بحزن:يعني كنتي تبيني اقولها ان فيصل كرهني بكل الرجال
مو لازم البلد كلها تعرف السالفه وبعدين ترى محد يدري اني كنت مخطوبه وفكيت غيرك انتبهي تزلي بلسانك
رندا:اوكي بس ليش يالينا ماتوفقي على واحد من الي تقدمو لكي يعني عاجبتك حياتك كذا وحيده ومالك احد سوري ليون بس هذي الحقيقه
لينا:انا وعدته انه اذا ماكنت له مار حاكون لغيره
رندا عصبت:انتي جد ماعندك دم محافظه على وعدك مع واحد مثل فيصل والله تلقيه مطيح نص البنات الي يدرسهم في الكليه
ولاهي معهم ولا جاب خبرك
رندا يوم شافت دموع لينا بدت تهل على طاريه حبت تلطف الجو وبمزح:خلاص لاتزعلي بخلي اخوي الحلو المعقد فراس يخطبك
لينا صدقتها :لاااااا والي يسلم عمرك انتي عارفه ان اخوكي لو اتقدم لي ابوي مارح يرده لان اخوكي مشاء الله عليه ماعليه كلام والكل يمدحه بس انا مابي الحين
رندا:اوكي بس لما تستعدي انك تنخطبي وتستقري اديني خبر عشان
قاطعتها لينا عشان تسكتها لانها انحرجت:طيب طيب خلاص وعد يالله اهجدي عشان الغثيث قرب يجي
رندا:الله يولع فيه بجاز يارب
لينا:ههههههههه آآآآآآآآآآآآمين بس لاتدعي عليه حرام اهله يبونه مع اني ما اظن هههههههه
رندا بنص عين:بعد ما امنتي تقولي لي لاتدعي احلفي بس
وسكتو لان فيصل بداء المحاظره
"فيصل كالعاده ميت الف احساس عصفو فيه شوق للغاليه اشتاق لصوتها ومزحها دلعها الي غصب يخق عنده دموعها الي ماشافها غير لما عرفت خيانته وحنين لايامهم حب لها ولحنانها افتقاد لكلامها واسلوبها اللبق والحنون غيض من صحباتها وخصوصا رندا ااااااااه والي ذبحه هالمره هو صوتها مع انه ماسمعه غير مره وكان تجريح فيه سمعه في اسواء ليله في حياته بس صوتها عصف فيه وهيج كل مشاعره والاغنيه اثرت فيه كان نفسه ان لينا تغنيها له وتكون قاصده كل كلمه فيها "
< بس لا لهالدرجه لينا اكرهتني مااصدق لهدرجه انا دمرتها ااااااااااااه يالينا بس لوتدري قديش احبك
ومين فراس ذا يحلم ياخذها مني والله لوطال السما وصقع بالارض مارح يشوف ظفرها والهبله اخته والله لااسنعها "نوى عليكي يارندا الله يعينك"والله احبك يالينا اه بس لو تحسي فيني وتسامحيني>
وقرفهم وغث ابوهم ونكد عليهم
وطلعو وكل وحده بقلبها تدعي عليه من كثرماهو غثيث
لينا ودعت صحباتها وجلست تنتظر السواق بره وانصدمت بالي شافته حست ان الارض تهتز من تحتها مو معقول الي اشوفه
"فيصل بعد ماخلص طلع ولقى بنات واقفين عند سيارته ويضحكو بصوت عالي
فيصل قرف منهم هو بعد الي سار وان طيشه وحركاته السخيفه مع البنات كانت السبب في انه يخسر اعز بنت على قلبه السبب في انه خسر لينا صار يتقرف من البنات الي يغازلو وينظر لهم نظره دونيه جدا
راح كلم وحده منهم بكل قرف وطلب منها انهم يبتعدو عشان يقدر يحرك وبعد ماابتعدو وهم خاقين عليه وعلى وسامته دخل سيارته وحرك بسرعه "
لينا"مو معقوله وشلون تجيه الجراءه انه يجي جامعتي وهو عارف اني اداوم فيها يجي يعاكس هنا بكل جراءه ااااااااااه يافيصل اخص عليك كنت اظن انك رجّال لاكن طلعت..........."
وغصب نزلت دموعها نزلت لانها وثقت في انسان خاين وكذاب وثقت في واحد يوعد ويعاهد وبالاخير يطلع خاين ويخالف لوعوده وينقض عهوده ومواثيقه راحت لسياره السواق ودموعها تبلل نقابها الي مغطي وجهها
طلبت من السواق يشغل البانوراما عشان ماتسمع صوت بكاها عليه الي ماقدرت توقفه
وجات اغنيه في البانوراما على الجرح
(عرفت الي فيها عنيه بان عليها ياقلبي انه محبنيش
حجات عشانا ليها وعشمني بيها واخرتها ليه طلعت مفيش
ليه كل الي ياما وعدني بيه والي اتفقنا زمان عليه ينساه وليه مينسنيش
ايه دلوقتي شكلي هيبقى ايه ويارتني اعرف بس ليه كان ليا فيه وبقيت مليش
عرفت الي فيها عنيه بان عليها ياقلبي انه محبنيش
سنين عشتها له وعيشتها له اه وحجات كتير ماتتحكيش ومعرفش ماله مبقاش في باله اه واموت ياقلبي ولا اعيش
ليه كل الي ياما وعدني به والي اتفقنا زمان عليه ينساه وليه مينسنيش
ايه دلوقتي شكلي هيبقى ايه ويارتني اعرف بس ليه كان ليا فيه وبقيت مليش
ليه كل الي ياما وعدني به والي اتفقنا زمان عليه ينساه وليه مينسنيش
ايه دلوقتي شكلي هيبقى ايه ويارتني اعرف بس ليه كان ليا فيه وبقيت مليش
تامر حسني ..... عرفت الي فيها )
لينا وصلت البيت وهي منتهيه بكى وصداع وحرارتها ارتفعت
دقت على اول شخص جا في بالها الشخص الي وعدها انه يكون ظهرها ويحميها
رد زياد الي كان فاتح الباب وداخل على نواف وابتسم له واشر له بيده سلام ورد عليه نواف بنفس الاسلوب :هلا وغلا بليون الحلوه وينك يالقاطعه
لينا بانهيار تام:زيــــــــــــــــــــــــــــاد تعال محتجتك زياد مالي غيرك
زياد ارتعب عليها من قلب
وبان على ملامحه الي انقلبت ودبت الخوف في قلب نواف:حبيبتي وش فيك لينا لينا ردي قلبي انتي
ردي علي
لينا وهي بدت تهلوس
:زياد فيصل حقير وخاين وعدني وعدني يازياد انه مايتركني وعدني انه مارح يكلم بنات وعدني ووووو ااااااااااااااه
وكملت بكاها وهي تشاهق زياد مات خوف عليها :لينا لينا حبيبتي نور عيون اخوكي طلبتك ردي ليناااااااااااااااااااااااا
فصل منها ودق على ماجد الي كان قافل جواله
وبعدها دق على ابوه وبرضه مايرد اخر ماعجز
ناظر نواف وعيونه خلاص الدمعه بدت تفر منها:نواف طلبتك ابي رقم الهيس فيصل
نواف استغرب طريقه زياد بس رحمه وعلى طول اعطاه الرقم
ودق عليه زياد
فيصل الي كان جالس هو وعبدالله وخالد وماجد بمطعم يتغدو"طبعا محمد مرابط عند سلام وراشد ماله نفس يشوف احد"
:الو
زياد بسرعه:فيصل
ماجد جمبك
فيصل عرفه وكشر:خييييير وش تبي فيه تبي تسم
وقاطعه زياد:فيصل عطيني ماجد بسرعه
فيصل ناول ماجد الجوال وهو يقوله انه زياد ماجد كشر:خيييييييير
زياد:ماجد طلبتك ياخوي الحق لينا في البيت دقت علي وهي منهاره وتبكي وتهلوس بكلام مو مترابط طلبتك تلحقها اختك راح تروح من بين ادينا بسرعه ياماجد
ماجد ارتبك وماعرف وش يسوي:طييب ووين اوديها
زياد برجاء:وديها للمستشفى الي كنت اشتغل فيها انا راح اكلم حسام بسرعه الحق عليها
ماجد بعجله وهو يقوم:طيب طيب
التفتو كلهم عليه
عبدالله:وش فيك
ماجد بعجله :لينا تعبانه وداقه على زياد
قام بسرعه وراح لبيتهم في خمس دقايق وطلع غرفه لينا جري لقاها بعبايتها وبلبس الجامعه ممدده على الارض انصدم من منظرها الي يشوفها كنها جثه هامده
شالها وطار فيها على المستشفى وهناك حسام كان يستناه واول ماشافه جاب له ترولي"السرير المتحرك"
وحطها فيه وغابت عن عين ماجد ودخلوها غرفه الطوارئ
ماجد جلس يدعي لها ان الله يقومها بالسلامه وكان خايف عليها من قلب
"فيصل وخالد وعبدالله قامو وراه بعد مادفعو الحساب ودقو عليه وعرفو باي مستشفى وفي اقل من نص ساعه كانو عنده يهدوه شوي ويهدو فيصل الي وجهه مايتفسر من الرعب"
عند زياد اول ماقفل من ماجد دق على حسام وبعدها بعشر دقايق حسام قاله ان ماجد جابها وانهم في الطوارئ
ارتاح لما عرف انها في المستشفى وتحت يدين حسام الي واثق فيه وفي مهارته مع انه ماله داعي يدخل معها لكنه ماقدر يترك اخت زياد الي يعتبرها اخته لحالها ودخل معها
تهاوى على الكرسي وحط يدينه في شعره
:عسى ماشر وش فيها لينا
زياد:ااااااااااااااه اخوك ناوي يقضي عليها
نواف بصدمه :فيصل وش سوى لها
زياد : مااعرف مافهمت منها شي البنت من كلامها عندها صدمه
ااااااااااه يالينا يارب استر
وبعد ربع ساعه
دق عليه حسام
رد زياد بلهفه:الو حسام ها بشر وش فيها
حسام لازم يصارحه :زياد اختك جاها انهيار عصبي وبحسب الي مكتوب بالفايل حقها انه ثالث انهيار عصبي يجيها في سنه
خييييييير ياخوي ناوين تقضو على البنت
زياد انصدم:وشو
انتهى البااارت
سوري ع المقلب بس غريب حااارقه دمي ويالله مقلب قدامكم كلمك خخخخخخخ اكشن بس الله يستر من غريب ادعولي اطلع منها باقل الخسائر |