[ALIGN=CENTER][TABLETEXT="width:100%;background-image:url('http://im79.gulfup.com/XzGz4B.png');"][CELL="filter:;"][ALIGN=center][ALIGN=CENTER][TABLETEXT="width:100%;background-image:url('http://im79.gulfup.com/N5jIP5.png');"][CELL="filter:;"][ALIGN=center].











.
[/ALIGN][/CELL][/TABLETEXT][/ALIGN]

.





نمتُ فحلمتُ فستيقظتُ.

" بعد الشغل والمشاغل ، نفكر في النوم .. بس بعضنا ماينام مرتاح بسبب الشغل و الكرف اللي بيجيه بعد مايقوم ، طبخ تنظيف مذاكره .. ،
نمت متأخر .. متأخر جداً ..
صحتني امي الصباح ، "قوم ، تعوذ من ابليس وقوم"
"طيب خلاص بس خمس دقايق" ...
رجعت نمت الخمس دقايق هذي ..ولازم اقوم لانه عندي امتحان ولازم ما اتأخر عشان يكون عندي وقت اراجع الامتحان.
لما تذكرت هذا ، صحيت بسرعه .. رحت لبست ، وافطرت وجلست اراجع الدروس لان الوقت لسه شوي بدري ..
أمي: "ذاكرت زين ؟"
"إييه ، ان شاء الله اجيب درجات عالية"
"شد حيلك"
"ان شاء الله"
وانا رايح للسياره .. نسيت القلم ورجعت اخذه ، لقيت امي بطريقي .. تناظر لي .. وتقول .. تقول ووش تقول ..؟
"قوم ، قوم الساعة عشره ، تأخرت"

نــــــــعـــــــــــم ؟
انا .. كنت أحلم ؟
كنت احلم !
"خدعتني أحلامي هذه المره."





الاستيقاظ الكاذب ، محور موضوعي هذي المره.
كلنا نمر بهالحالة اللي تجيب الهم.
اولاً .. ايش هو الاستيقاظ الكاذب ؟
تحلم حلم مقنع جداً عن حياتك .. انك تقوم وتأكل وتروح تتفرج عادي حياتك العادية.
وعادةً .. تحلم حلم جلي ، وبعده الاستيقاظ الكاذب.
لانك خلال الاستيقاظ الكاذب تكون عارف انك في حلم وفي نفس اللحظة مقتنع انه مب حلم وانك قمت من الفراش من جد.
واذا جاء الاستيقاظ الكاذب و بعـده الحلم الجلي، فإنه يصعب عليك تحديد اذا انت صاحي ولا نايم.






أعراض الاستيقاظ الكاذب نوعين

النوع الأول "الواقعية وغير الواقعية":
تكون الاشياء معقدة وغريبة ، وخاطئة احياناً ، مثلاً تشوف جدران البيت متغيرة ، او انك ماتقدر تتكلم او القراءة "القراءة خلال الحلم الجلي مستحيل."
و احياناً تزداد قدرة الحواس للحالم.


النوع الثاني "التكرار":

"يمكن لأكثر من إستيقاظ كاذب بالحدوث في الحلم الواحد, لأن العقل يستمر في الحلم بعد الإستيقاظ الكاذب"

مثلاً ،
تحلم انك قمت من النوم ورحت تفرش اسنانك و كذا ،
بعدين فجأه تحلم مره ثانية انك قمت وشفت احد سرق من اغراضك ،
وتقوم مره ثانية وكذا ..

"وادعى الفيلسوف بيرتراند راسل بأنه قد حدث له "حوالي مائة" إستيقاظه كاذبه متوالية في غيبوبته اثناء التخدير العام."
شكله يوم قام دخل بغيبوبه مره ثانية.






تقول لكم سيليا قرين ركزوا وميزوا بين انواع الاستيقاظ الكاذب.

النوع الاول :
تقوم في الحلم في محيط عادي.
يعني تقوم في غرفتك وتشوف الساعة وكذا ، كل شيء طبيعي.
مثـال من واقع الحياة :
لما تيجي تنام ، أكيد لازم ترفع برودة المكيف ، الغرفة تصير باردة جداً وانت داخل البطانية اكيد تحس ببرد ،
وزي مانعرف انه في الاماكن الباردة المثانة تمتلي ،
اوكِ..إنت نايم .. وما ودك تروح الحمام "ربي يكرمكم"
تحلم بحلم .. انك قمت ورحت الحمام وبعدين ترجع تنام.
ولما تصحى تتفاجأ انك ماقمت اصلاً.
هذي هي الزبدة.

ومثال آخر للعضوة a n o o

اقتباس:

وسالفه الحلم الجلي بالاستيقاظ احلم ان قمت ولبتس وافطرت واركب السياره واوصل الجامعه ثم اسمع صوت ماما تقومني احس بقهر يوم وصلت الجامعه عاد احس لا للي رقد وارتحت ما غير اركض بحلمي ولا للي قمت

النوع الثاني :

بصراحة النوع الثاني مافهمت الكثير منه ، لاني ماجربته زي الباقي
اللي فهمته انك تقوم خلال النوم في جوء من التوتر والقلق وتحس بأن فيه اشياء كثيرة متغيره ،
فتبدأ بالقلق ،
ويوم تقوم تحس بتشوش ومنت فاهم شيء.
هذا اللي فهمته ، لو حبيتوا تتطلعوا عليها اكثر ،
ويكيبيديا هنا من أجلك.






قال تعالى : (وَمَا أُوتِيتُمْ مِنْ الْعِلْمِ إِلاَّ قَلِيلاً).
سبحانك ربي ما اعظمك.


هنا نهاية موضوعي ، أعتذر لو المعلومات مشوشة ومب واضحة ، أحاول قدر الامكان اني اخوض في التجربة قبل ما اكتبها ، يعني كل شيء من تجاربي وما نسخت شيء غير اني اطلعت على معلومات من ويكيبيديا عشان اتحقق من معلوماتي وافهم أكثر.

الإطلاع نعمة.
وأحب اقولكم بإن النوم "ليس مجرد نوم"
- جرير
أقصد بأن النوم مب سالفة اغمض عيني وانام ، فيه اشياء وظواهر تحصل فيها غريبه لكنها مثيرة وتستحق الاطلاع ومب مضيعة للوقت زي مايعتقد البعض.
اما بالنسبة للتنسيق فمدري وش فيه ، مدري انا البقرة اللي ما اعرف انسق ولا التنسيق يضحك عليّ.
الزبدة خرب *cry'n face*

و شكراً لحسن القراءة اتمنى اني ترجمت بعض الظاهرات الغريبة في اثناء النوم.

[ALIGN=CENTER][TABLETEXT="width:100%;background-image:url('http://im79.gulfup.com/JZLhJc.png');"][CELL="filter:;"][ALIGN=center].













.[/ALIGN][/CELL][/TABLETEXT][/ALIGN][/ALIGN][/CELL][/TABLETEXT][/ALIGN]

__________________