02-15-2014, 06:01 PM
|
| |
ربما هذه آخر كلماتي فآقرؤوها جيدا '$
طبعا انا سبق وقلت سبب اعتزالي
البعض ما اقتنع لكن ترك لي حريتي و ودعني
والبعض ايدني وبشده وشكرني ع قوة ايماني >> ممنونه لهم لانهم دعموني
والبعض رآني قدوة واقتدا بي وسلك طريقي >> أسأل ربي يجمعني فيهم بجنته ")
والبعض عارضني وتأسفت لهم وبالرغم من ذلك لسى شبه زعلانين مني
والبعض ما اهتم اصلا وكفاني خيره وشره
شكرا لكم كلكم
وسبق قلت الدنيا فااانيه وبلقاكم بالجنة باذن الله
الحين اختكم لنوش بتقدم لكم نصيحه
هالنصيحة هي بالنسبة لي تجربه صارت لي وخلتني اسلك الطريق الصح
ولاني احبكم واتمنى لكم الخير بكتبها لكم بشكل مختصر
امم مدري كيف ابدا
ودي ابدا باسلوب مقنع شوي
شسمه احنا كلنا عندنا ذنوب
البعض ذنوبه كبييره جدا وعقوبتها عظيمة
والبعض مقتصره ذنوبه ع اشياء متوسطة مثل الاغاني وافلام وما الى ذلك
والبعض ذنوب اخف من كذا
تقريبا اغلبنا ذنوبه متوسطه والله يبعدنا عن الكبآئر !
اللي ابي اقوله
الشيطان يسحبنا لين ما نتبلد من الشعور بالذنب
ممكن لما تعصي الله بشي لاول مره تخاف وتحس بالذنب
المره الثانيه يخف تأنيب الضمير شوي الين ما تسوي الذنوب وتشوفهاا عااادي
بعدها تبدا بذنب ثاني ويصير معاك نفس بالذنب الاول وتشوفه عاادي
وتبدا تتكاثر ذنوبك وممكن توصل للكبآئر !!!
لا تقولون مستحيل نوصلها , فيه اشخاص كانوا دعاه وكفروا !!
والشيطان شاطر !!!
احنا يمكن صعب نترك الذنوب
لكن ليش نكثرها ونسوي ذنوب جديده
وتصير حياتنا كلها ذنوب × ذنوب
اذا وقفنا عن اننا نسوي ذنوب جديده
راح نقدر باذن الله نترك ذنوبنا اللي حاليا نسويها
عشان نبعد نفسنا عن تكاثر الذنب قدامنا شيء واحد واللي انا سلكته
اول شيء نبحث وش اكثثر ذنب صعب نتركه
-انا بالنسبة لي المنتدى-
نحاول نترك الذنب لوجه الله
*وتذكروا من ترك شيء لله عوضه الله بخير منه*
ونبدا نكمل ع باقي الذنوب
يعني البدايه ننقي نفسنا من الذنوب
الخطوة المهمه خلال هالفتره اللي تنقون نفسكم من الذنب
حاولوا تخلون عملكم الصالح اكثر من الذنوب
لان العمل الصالح الكثير بيكون سلاح تحاربون فيه الذنوب الي تسوونها
لا تستهينون بهالسلاح ابدا !!
يعني اقروا قرآن كثير
حاولوا تسمعون محاضرات بالنت
او مقاطع قصيره عن الجنة
اشعروا نفسكم بان هالدنيا فانيه
عمق الايمان بفناء الدنيا يخلينا نحس بتفاهة كل شيء
وهذا اللي انا حسيته ودفعني بقوة اني ما اهتم لولا شيء
خلوا يومكم يحتوي ع اشياء ايمانيه اكثر من الذنوب
يعني انتم موجودين بالمنتدى
استغلوا وجودكم بشيء خير
خلوا هالمكان اللي قضيتوا فيه ساعات كثييره من ايامكم
يشهد لكم يوم القيامه باعمال خير سويتوها
والاهم من هذا ادعوا لنفسكم بالهدايه والصلاح
والله هالكلام كاتبه من كل قلبي
مو منقول ولا حتى سمعته
هذا شيء جربته بنفسي وفادني كثيير
تقريبا هاليومين بسجل اخر خروج
اللي عنده شيء اخير حاب يقوله
اكتبوا لي بالملاحظات ")
وشكرا
- -
|