الموضوع: تحليلي عن الثنائي .. ساسكي+ساكورا.... و ناروتو+هيناتا ..وأولادهم فقط . غير مسموح للثنئيات الاخرى بالتواجد !
عرض مشاركة واحدة
  #22810  
قديم 11-06-2013, 12:32 AM
 
حدخل على طول في الشي الي كنت متحمسه ومستنيه اسويه هوا تحليلاتي وتوقعواتي اولا احذركم انا ثرثاره جدا وتوقوعاتي تكون خياليه حسب الي يقولي هوا قلبي انو حيصير :/::/:
امممم اولا سيموني انا اتفق معاكي انو اوبيتو ورين ثنائي شبيه بناروتو وهيناتا مو زي الي يقولو انو رين زي ساكورا وكدا العكس تمام رين يمكن تكون حبت كاكاشي وهنا تكمن نقطه الضعف والفرق بين اوبيتو وناروتو لاكن باقي الاشياء فعلا الثنائي يشبهو بعض ناروتو يعتقد انو مدرب ايروكا هوا اول من اعترف فيه مدري ساسكي :/: المهم ما علينا الي يهمني انو واضح انو هيناتا هيا اول من اعترف فيه منذ الصغر وهيا اول من اهتم بامرو وكان يشجعو لاكن الفرق بين هيناتا ورين انو رين ما كانت تخجل من تشجيع اوبيتو بطريقه مباشره مثل هيناتا التي بطبعها خجوله ولا ننسى انها تحبو حب3 والفرق بين ناروتو وابيتو انو اوبيتو من البدايه اختار حبو الاول كحب حقيقي وليس كناروتو الي تعلق في ساكورا برأي تنافسا فقط مع ساسكي ولاكن لم يحبها بحق اذا ثنائي ناروهينا فعلا تفوق على ثنائي اوبيتو ورين فناروتو وجد شخص يحبه ويشجعه في نفس الوقت وهيناتا حصلت على من تحب واتوقع انو كيشي وضع حب رين لكاكاشي كتضليل لانو احس جزئيه اوبتو حتخلص ونحنا تقريبا عارفين مين هيا رين باغلب صفاتها منو وحندخل على جزئيه مادار وكاكاشي ما زال الصديق الي يعرف صديقو فقط ولا شأن له بالرومنسيه او الثنائيات فاتوقع انو كيشي يمكن وضعها للتضليل عشان يشبهو رين بساكورا وعلى ذكر دا الموضوع مني حابه ارجع اشعل الفتيل بس شفت من فتره في موضوعكم اختلاف اراء حول ماهي ساكورا لناروتو بالنسبه لي هما مو مجرد اصدقاء < لا تقتلوني خخخخ (( لاكن )) احسهم اقرب لعلاقه اخويه فعلا انا بصراحه احسهم قريبين من بعض كاخوان فاخوكي هوا اخر انسان تتخيلي انو يكون حبيبك واخوكي هوا اول شخص حتعتمدي عليه اعتماد كلي واخوكي لن تخجلي ولن تترددي لدقيقه في ضربه وقت عمل الحماقات واخوكي الي حتى لو قلقتي عليه ما حتروحي تقوليلو او تشجعيه فقط سيكون قلق داخلي < ما ادري عنكم بس انا بصراحه كدا مع اخويا وعموما فيه شي ابغى اتكلم عنو من زمان < قلتلكم الله يعينكم على ثرثرتي XD
الحين المفترض انو الهيوقا هما اجداد اليوتشها وشفت قبل فتره كلام من فانز انو فيه احتمال انو الاوزوماكي اجداد السينجو ! طيب كلنا نعرف انو اليوتشها يمثلهم ساسكي والهيوقا تمثلهم هيناتا في مربع الحب المعروف بس ناروتو وساكورا ايش موقعهم كلنا نعرف ناروتو المفروض اوزوماكي بس هوا اخد دا اللقب بسبب امو ولانو الهوكاجي الثالث يبغى يخفي هويتو وقربو من ابوه اذا ما هو حقا لقب ابوه ! اتوقع انو ناروتو يطلع من السينجو مو من الاوزوماكي طيب مين يلي تمثل الاوزوماكي في المربع ! مافي غير ساكورا وفيه شي يجول في بالي اخاف اقولو واطلع مجنونه في نظركم لاكني حقولو على ايه حال :ice::ice:
الحين اوبيتو ورين قلتلكم رأي انهم يشبهو ناروهينا عشان كدا الناروهينا حاليا ادلتهم في ازدياد وعشان كدا اتوقع كيشي حط حركه انو يمسك يدها كبدايه وبعدو على قولت الاخت سيموني تدور الدائره اذا ماذا عن ساسوساكو ! لو جينا للحقيقه نارو هينا يعتبرو ثنائي حب جديد يعني صحيح هيناتا تحب ناروتو من اول لاكن مشاعرها ما كانت متبادله غير بعد معركه بين اذا قريب الي حصل الاعتراف من قبل هيناتا وقريب الي مسكت يدو لاكن الساسوساكو اولا ساسكي كان يقلق على ساكورا من بدايه الشابترات الاولى ! اذا هناك احتمال كبير انو هذا الحب بداء حتى قبل ما نشوفو احنا كمشاهدين ومن زماااان ساكورا اعترفت لساسكي ومن زمان قد مسكو ايادي بعض في غابه الموت ! كل دي الخطوات حطها كيشي للساسوساكو في الجزء الاول اذا لماذا هوا يماطل الحين اعتقد لانو الساسوساكو حيكون قنبله حقيقيه واعتقد وهذا الجنون بعينو انو الموضوع فيلو ارتباط بمادار حيث انو (( خايفه اكمل احس حصير مسخره بس دي توقوعاتي بليز لاحد يحشني هههههههه)) الحين اوبيتو قبل ما يظهر كشخصيه لها تاثير قوي كدا في المانجا كان مجرد دكرى نعرفها من ذكريات كاكاشي فيه شخص نفس دا الشي وهيا ميتو زوجه الهوكاجي الاول احنا فعلا لم نعرفها الا من ذكريات اشخاص اخرين اتوقع انو ميتو دي بقدوها حيحين دور مادا او يمكن قبل يحين دور مادار وبعدو حتجي ميتو دي الي انا متوقعه يكون لها تاثير قوي على القصه وهنا حيضهر الساسوساكو فيه احتمال في راسي احس معجبين مادرا حيقتلوني عليه خخخخخخخ وهوا انو هل من المعقول انو مادارا كان يحب ميتو ؟ انا عارفه انو كيشي مستحيل يكرر نفس السيناريو انو مادرا فعل كل هذا لاجل مراءه وحب في النهايه مثل اوبيتو ولاكن لمادار اسباب كثيره مثل ساسكي تمام فلديه مشكله الاخو ولديه مشكله الغيره من صديقه بسبب تفوقه عليه في القوه وشفنا في ساسكي الغيره من شي ثاني وهيا الغيره على ساكورا من ناروتو وهاذي احد الاسباب يعني ودائما كيشي يجيب الجيل الجديد يتفوق على اخطاء الجيل السابق بما انو ثنائي اوبيتو ورين الي بالنسبه ليا شبيه للناروهينا مانجح بسبب اولا وجود حب لرين ثانيا مقتلها على يد هذا الحب وقلت انو الناروهينا تفوقو عليهم اذا يمكن يكون فيه ثنائي اخر يمثل الساسو ساكو وطبعا اكثر شبيه لساسكي هوا مادارا وبس عارفه كتبتلكم كتاب كامل مو تعليق وعارفه اني حنذبح واتهزء من كدا شخص خصوصا معجبين مادارا وشرو خخخخخخخخخ بس والله دا الي يجول في خاطري وحبيت اقولو
رد مع اقتباس