الوليد كان بالسياره مع حامد ومشعل ويراقب سيارة اميره الين طلعت من المول وحرك السياره وراها ولما قرب منها زاد السرعه وضرب الجهه اللي هي فيها قعدت تصرخ من الالم لان الضربه جات على جهتها اليسرى و سواقها ماقدر يتحكم بالسياره وقعدت تلف السياره الين ضربت في العامود وقف الوليد جنب السياره شوي ولما تأكد ان اميره راحت فيها حرك وتركها
حامد : مجنووووووووووون انت وش سويت؟؟؟ ارجع نشوف البنت ارجع
مشعل في حالة صدمه ما قال شي
الوليد : ماني راجع هذي البنت ارسلت فلاش لحنان وهذي قرصه لها
حامد : تقوم تموت البنت؟؟؟
الوليد : لو سمحت اسكت ومالك دخل
حامد سكت وتضايق وكان خايف ان البنت ماتت
الوليد : مشعل
مشعل : هلا (كأنه كان سرحان وأحد ناداه)
الوليد : أبي سلمان الليله بالاستراحه
مشعل : انا كلمت الشباب واعطيتهم رقمه وطلعوا لي برنت عنه ابحاول اجيبه الليله
الوليد : الليله ابيه
مشعل : ان شاء الله
حامد : وش تبي تسوي؟
الوليد : انتقم واثبت لها اني رجال
حامد : الله يهديك ياخوي
الوليد طنشه وراح الاستراحه
..............
الجوهره : تراراااا ... شوفي شعرك الحين شرياك فيه
حنان مفتحه عيونها وتناظر للمرايا القصه طلعتها مرررره جنان بس انقهرت لأن شعرها كان طويل لدرجة انها تجلس عليه من طوله والحين راح نصه وصار الين نص ظهرها (قصة فراوله)
الجوهره : ممممم بصراحه انتي حلووووه مرررره بس يبي لك تزبيط
حنان ضحكت : ليش بتوديني الورشه يعني
الجوهره : لالا ... ابي ازبط حواجبك باسويها شيطانيه
حنان : بسم الله علي
الجوهره فطست ضحك : شكلك جد ماتعرفين شي
حنان تضايقت من كلمة الجوهره : انا احب الطبيعه
الجوهره بهمس : وأخوي يحب التغيير
حنان استحت ودنقت
وزبطت الجوهره حواجب حنان وطلعت جمال عيونها اكثر
الجوهره : الحين نختار لك الملابس
قعدت تقلب بين الملابس واختارت بنطلون اسود شيرت مرسوم على اطرافه زخارف ورود بسيطه مو اوفر والبلوزه احمر مع اسود كاروهات ولما شافت الجوهره الكدمات في رجل حنان تذكرت انها من اخوها
حنان لبست ووقفت عند المرايا اعجبها شكلها حطت مرطب وماسكارا
الجوهره : وااااااااااو .... زوجة اخوي ... أهنيك على ابداعاتي
حنان : ههههههههههههههه تسلمين جوجو
الجوهره : اهم شي طلعنا بنتيجه
: ابداااااااااااااااااااااااااااااااع
الجوهره وحنان التفتوا للباب واستحت حنان كان تركي اللي قالها
الجوهره : ترووووك ... كنك تغازل مرة اخوك
تركي : لا ابدا بس البنت حيل متغيره للأحسن
استحت حنان وناظرت للجوهره
الجوهره : يعني بتودينا المول؟
تركي : لا طبعا ( وراح )
الجوهره مدت براطمها
حنان : راح اكلم الوليد يودينا شرايك
الجوهره : واللــــــــــــــــــــــــه؟؟؟؟
حنان ابتسمت : ايه وكلمي مها تروح معانا
الجوهره باست حنان على خدها : تسلميييييييييييين حياتي
وراحت تدق على مها
حنان اتصلت على الوليد وسكرت بسرعه ماتبي تكلمه .. ارسلت له مسج (ممكن تودينا المول)
الوليد متكي في الاستراحه وفتح الرساله وضحك ... اتصل عليها ما ردت
ارسل لها مسج ( اذا رديتي اوديكم)
حنان عرفت انه عناد فيها وجات بترد بمسج .. الا وهو يتصل وردت عليه
حنان :....................
الوليد : اوديكم بشرط
حنان : ولك عين .... وشو شرطك
الوليد : تعطيني بوسه
حنان حمرت خدودها : لا
الوليد : ما استاهلها؟
حنان تذكرت امها وكلامه عنها : لاااا ماتستاهل شي
الوليد : افااا حنونه ... شايله علي لهالدرجه؟
حنان :..............
الوليد : انا اسف حقك علي
حنان :..............
الوليد : سامحيني
حنان : ....................
الوليد : أحبك
حنان ارتبكت وسكرت
ضحك الوليد وارسل لها مسج ( بعد العشا أمر عليكم)
حنان راحت وعلمت الجوهره اللي انبسطت واتصلت على مها عشان تجيهم
............
تركي كان منهد حيله ويبي ينام ارتمى على السرير وشوي يجيه اتصال من مها
تركي بتعب : هلا مها
مها : يوووه قلبي اتمنى لو مره ترد علي بكلمه حلوه
تركي : مها انا تعبان وأبي ارتاح ... اخلصي وش بغيتي
مها : سلامتك بيبي وشفيك
تركي : ............
مها : بيبي؟؟؟
تركي : مها
مها : عيونها وروحها وقلبها
تركي : والله تعبان ومنهد حيلي قولي وش تبين
مها وباين عليها الزعل : ابي اقولك ان حنان زارتها اليوم وحده
تركي : ايوه
مها : واعطتها فلاش وقالت فيه شي شوفيه لوحدك
تركي : وين زارتها؟
مها : عندكم
تركي : مها
مها : لبيييييه
تركي : ما أحب ان زوجة المستقبل وأم عيالي تكون ثرثاره .. مالك شغل لا بحنان ولا بغيرها ...
مها حست انها بتبكي : .................
تركي ببرود : مفهوم؟
مها بكت وهو تجاهلها مع ان قلبه عوره عليها بس لازم يقطع هالصفه منها من البدايه
تركي بجديه : مفهوووم؟؟؟؟
مها : طـ ... طيب
تركي : مع السلامه (وسكر)
مها رمت الجوال وقعدت تبكي ما تمنت انها في يوم تنحط بمثل هالموقف بس غيرتها من حنان خلتها تفكر انها تفتن عليها وتوقعت ان تركي بيسوي شي اذا عرف بموضوع اميره والفلاش
..................
في الاستراحه بعد المغرب دخلوا ثلاث شباب وكانوا مكتفين واحد (سلمان) شاب نحيف بشرته حنطي غامق شعره الين كتفه مموج وشكله مثل راعيين المخدرات .. قام الوليد وقرب منه : انت سلمان؟
سلمان : ايه .. براسك شي؟
الوليد : تعرف نجود؟
سلمان خاف وناظر له : لـ...لا
الوليد : ولا بنت زوجها؟
سلمان : لا .. انت وش تبي (طراااااااااااااااخ)
ضربه الوليد كف
تنرفز سلمان وصرخ : انا اللي لعبت في نجود وبنتها مني لعلمك وزوجها عقيم ... وحتى بنته حنان انا اللي لعبت فيها ههههه وخليت خويي يلعب فيها بعد
الوليد مسك عصا وقعد يضرب سلمان الين نزف دم والشباب حاولوا يبعدونه عنه وهو يضربه ويدف اللي يحاولون يبعدونه
اخذوا الشباب سلمان ورموه قرب المستشفى .. ومشوا ومحد شافهم
اميره كانت في المستشفى متنومه ومتكسره يدها ورجلها ولافين على راسها والدكاتره قالوا لها انها ماراح تقدر تمشي مره ثانيه لأن الحادث أثّر على ظهرها
اتصل الوليد عليها وردت عليه ماكانت تدري انه هو السبب
الوليد ببرود : هذا كله لأنك جبتي فلاش .. بعد كذا باخذ روحك
وسكر وهي في حالة صدمه وقعدت تتحسب عليه وتبكي
...................
طلع الوليد لغرفته وثوبه كله دم من سلمان
دخل غرفة حنان كانت واقفه تناظر له وخافت من شكل الدم
الوليد سكر الباب وقرب منها وهي ترجع ورا
الوليد : خفتي
حنان :.......
الوليد وهو يقرب : شايفه هالدم
حنان ترجع وماقدرت ترد حست انه غريب لدرجة انه ما لاحظ التغيير في شكلها
الوليد : كله لعيونك ... دم سلمان وأميره بعد
الصقت حنان بالبلكونه والهوا يلعب بشعرها وعيونها دمعت من خوفها
الوليد قرب حيل منها حاولت تهرب ومسك خصرها بقوه وثبتها وانفاسه على وجهها : عشان تعرفين ... اني رجال
حنان بدت تبكي : الوليد ... وخر عني
الوليد : سامحيني (وباسها)
حنان صرخت : وخر عننننننني
دق باب الغرفه وتركها وراح يفتحه ...
الجوهره وامها واقفين وخافوا من نظرة البرود على وجه الوليد والدم اللي على ثوبه
ام تركي برعب : وش ذا؟؟؟؟
الوليد : زوجتي وحلالي
ام تركي شهقت : انت ؟؟؟؟
الوليد فهم قصد امه : لالالا يمه لاتروحين ببالك بعيد ... يله جوجو اجهزوا وانزلوا لي تحت انتظركم
ام تركي ارتاحت وراحت تشوف شكل حنان لأن بنتها قالت لها انها غيرت شكل حنان وانهم صاروا اصدقاء
يتبـــــــــــــع,,,,,,