في الكتاب الرسمي للشخصيات نزلوا مجموعة أسئلة للشخصيات للرئيسية ويجابون عليها، ولأن ما وراي إلا المذاكرة قلت أترجم كم سؤال وأجوبتهم العبيطة - ليه بديت تلعب كرة السلة ؟ كوروكو : شفت مباراة بالتلفزيون وحسيتها ممتعة كاغامي : تاتسويا ( عاد مين هذا الله أعلم ) كيسي : شفت لعب أوميني ميدوريما : بديتها كتغيير جو عن الدراسة أوميني : نسيت، على ما استوعبت لقيتني ألعبها خلاص *البنفسجي الطويل معهم بس لأنه ما طلع بالأنمي بشكل يسوى سحبت عليه - أقرب شخص لك بجيل المعجزات ؟ كوروكو : أوميني-كن كاغامي : هذول مستحيل أحد ينسجم معهم! كيسي : كوروكوتشي ميدوريما : أكاشي أوميني : تيتسو أتوقع ( كثر الله خيره ما قال نفسي ) - بالمقابل مين أكثر شخص ما تنسجم معه بجيل المعجزات ؟ كوروكو : ميدوريما-كن كاغامي : كلهم، بس بالأخص ميدوريما، غريب! كيسي : ميدوريما ... ؟ ميدوريما : مافي أحد، بس ما أطيق كاغامي ( السؤال عن الجيل وهو مدخل كاغامي غصب، واضح قافلة معه ) أوميني : ميدوريما الخيارة المسكينة - بفريقك الحالي مين أكثر شخص تنسجم معه ؟ كوروكو : كاغامي-كن كاغامي : مدري ننسجم أو لا، بس أغلب وقتي أقضيه مع كوروكو، حتى بالفصل مكاني قريب منه كيسي : كاسامتسو-سينباي، بس إني أتكفخ كثير ميدوريما : تاكاو، مع إني أعتبره أقرب للخادم أوميني : ريو، البينتو حقه لذيذ - أكثر شيء تستمع فيه غير كرة السلة ؟ كوروكو : قراءة الكتب كاغامي : الأكل كيسي : كاراوكي أتوقع .. ؟ ميدوريما : برواقة أسمع موسيقى كلاسيكية وإذا فيه شربة فاصوليا حمرة أفضل بعد أوميني : أبصبص على الآيدولز ( المجلة اللي ذكرها صورها 18+ أبو عين طويلة ) - شيء منت فالح فيه ؟ كوروكو : أحيي الحفلات، إني أقول أشياء مضحكة شوي .... ( النقاط بمعنى إنه صعب عليه ) جوابه حوسني بالترجمة، بس زبدته إن أي شيء سواء قول أو فعل يغير جو الحفلة ويبسط الناس ما يناسبه كاغامي : الدراسة كيسي : أي شيء يتطلب أستخدم مخي ميدوريما : الطبخ أوميني : الدراسة ( خشتك تنطق بدون ما تقول ) - اش تعني لك كرة السلة ؟ كوروكو : متعبة أحيانًا، بس هالأوقات بالذات ممتعة أكثر من أي شيء كاغامي : تحدي! كيسي : الشيء اللي تطلع الأمور عكس توقعاتك بالأخير، بس عادي ميدوريما : شيء أبغى أنجح فيه، ولازم أنجح! أوميني : مدري ... لعب كرة السلة شيء طبيعي ..أو كيف أقولها .. مو شيء مميز

السعادة متواضعة جداً :
بدرجةِ أنها تخرج بكلمة واحدة
فقط ، وتغيّر الوضع تمامًا كن
سعيدًا لا شيءَ يستحق !