السلام عليكم شباب

رمضان كريم على الكل

طبعا اليوم تكرمت و نزلت اول قصة إبغى اكتبها بعد 3 سنين تسجيل بالمنتدئ >> يرحم امك خلها توصل عشر



المهم هي قصة انا عايش دورها و بحط عليها كم بهار
رغم انه العنوان ابو كلبي بس يالله تمشي



_____________

في احدى الليالي الي الرطوبة مغطيه الدنيا >>> ويش تتوقعون اقول ممطره أنتو عارفين الجو و ان ما اكذب ابد احم احم بس


كنت بروح مع اخويائي طلعه و كل شي تزبطت و تشكنمت ( الكلمة لا تعليق ) و اقعد نص ساعه احتار الملابس و اربع ساعات على الشعر و بعد ما خلصت

جا دور ايش


العطر

و انا سبحان الله الله خلقني ما احب الا عطر البنات و فيه واحد عند أختي
والله انه مؤ طبيعي

و عاد انا كم مره سرقته و اخشه في الغرفة و تصديني المهم

و طبعا كل واحد عنده أخت و يعرف القانون الدولي الي حرام و منعاًً باتاً انه يدخل الاخو الغرفة

و كنت لازم اسوي خطة ( فنتكيه ) حق اقتحم معسكر العدو { الغرفة}

و طبعا أختي زي العادة جالسه في الغرفة و تطق في الفصفص و الشاهي >>> فديتها هالخيسه


انتظرت تطلع دورت المياه تشرب ماي بس لا يوجد امل

المهم قلت بمحمد اخلص و دبر حالك حق تمشي قبل ما يخرب كرتون الجلي الي بشعرك

و اقوم اشغل ذا المخ و اروح أبعد مكان في البيت و أحط التلفون تحت الكنبه و اقلب الكنبه و أحط عليها بلاوي و أسكر الباب طبعا بعد ما حطيت أشياء ورأ الباب

الزبدة ما كان الا انا و هي و اخوي في البيت

طبعا اخوي سوداني مستحيل يقوم و انا أكثر منه
فقلت أكيد أختي بتجاوب

و اهنا بدات القصة يا أخوان

اتصلت على التلفون من جوالي

و تلفونا لاسكلي يعني و كبينته في الصالة الي تصير قدام غرفة أختي و التلفون يصيح لوحدة رح يطلع الصوت من الغرفة الي سويت فيها العجايب

فهمتوا اني ذكي

و كلها كم ثانية و تطلع و تروح للغرفة الي انا لغمتها حق تتأخر في شيله

و اكون دخلت الغرفة و انتهى الموضوع

طبعا صار زي ما فكرت و توقعت >> بذمتك مؤ اني اكبر شنب

بعدين دخلت ذاك المكان الي محرم علي و اشوف مخلوقات غريبة الله لا يوريكم

مليون ونص روج و سباطغشر الف و ثامن مئة كريم رجل و يد و نعال و خشم و بوز و حواجب حتي فيه واحد اختصروه ظمان شامل

المهم كنت أدور على الحب >> العطر
و حست و حست و حست ما لقيت شي

احباط و عصبت و نسيت ان جوالي خلص من الاتصال الا اسمع صوت يدخل

و قلت ان هي أختي لتسوي لي سالفة طويلة عريضه
و اروح انخش في الدولاب

و هي تدخل و تكمل بالفصفص و المسلسلات الكورية


لا والله الوهقه ويش الدبرا

قلت مافيه الا اطلع و يصير الي يصير بس قلت لتسوي سالفة و تزعل و كذا

قلت مافيه الا ما برادر >> احلى يا الانجليزي

فتحت جوالي و شفته متصل في الوتس اب
و اخر محادثة من ستة اشهر

قلت هلا و غلا بأخوي سندي أحسن واحد

قال ويش صاير ويش هل الأخلاق بس بلعتها و سكت

قلت له ابي منك طلب

و قلت له السالفة و قلت له ارفض الباب و كسره حتى تقوم و تلاحقك

و انا بطلع

قال اوكيه بس عندي كم شرط

قلت قول >>> طرار و يتشرط

قال اول شي تقول عمي >>> تعمعمت ظلوعك

و تاني شرط البلاستيشن ما تلعب فيها اسبوع و أخذها غرفتي
و الثالث ابغاك تخليني أفوزك 10 صفر في الكوره ره قد اعيال خالتي

والله قلت لنفسي اقوم اطلب و أتضارب مع أختي و لا اسوي كل ذا

بس الأخت منسجمه مع ذا المسلسل الكوري يعلهم الموت و مالي خلق

طبعا رسلت له عمي و وافقت على الشروط و صور الشاشه و رسلها لكل الحارة

و سوا الي قلت له عليها و بوم أختي صارت صاروخ 10 كيلو بثانية
و تلاحقه


و انا بوم اهرب و اول شي مريت العربية للعود و سئلت عنه بعد عناء طويل اخدته

ههههه بعد تحقيق
كنت ما اعرف اسمه قلت له ريحته مثا التفاح و لونه اصفر و خلاني اشوف اشكال و انواع و بعدين عرفته



نهاية القصه

هذا موقف ما انساه و كنت طفشان و مافيني نوم و قلت خلني أقوله و حطيت عليه كم بهار
و طبعا الشرطين الباقين ما سويتهم و طحت فيه ضرب

و اسف ان كانت القصه مثل وجهي و اسف ان فيها أغلاط إملائية و لا شي

و سلامتكم

__________________
( عجبا لنا نحن البشر ان اقدمنا على معصية الله و لم نفعل نطلب الاجر )