جاسم تردد انه يرد ظل يناظر الرد لمدة

اما شوق : اونلاين ولا يرد بالطقاق ..

هند : طيب يمكن واحد من عيال عمك ولا خالك

شوق تتذكر : يجوز يمكن هذا جاسم ولد خالي محسن بس محسن خبري به مسافر يدرس براا

هند : طيب يمكن رجع

شوق تناظرها بغباء : احلفي بس

هند : طيب من عيال عمك

شوق تحاول تتذكر : ايه صدق عندي ولد عمة اسمه جاسم

هند : يمكن هوه !

شوق : ماتوقع علاقتي مع عمومي وعيالهم مو لذاك الزود ولا بعدين من وين له رقمي دام خواته ماعندهم رقمي

هند : كل شي يجوز

بعد ربع ساعة جاها الرد : اخبارك

شوق انذهلت : هاذا مين يقولي اخبارك

هند : طيب ردي عليه

شوق ردت : الحمدالله .. بس من معاي

جاسم بتردد : أنا جاسم !

شوق : أي جاسم

جاسم منذهل : ماعرفتيني ؟

شوق :لا ..

جاسم متردد: اناا

شوق تناظر هند : مادري مين شكله واحد فاضي

هند تضحك : شوفيه لايكون من اهلك او من معارفك زي كذا

شوق : انتم مين ؟

جاسم : انا جاسم ! ماقالولك عني ؟

شوق : ياخي اخلص مين انت ؟

جاسم : اناا ولد ابو جاسم ^_^ ارتحتي الحين

شوق منذهلة وتناظر هند : لابجد واحد فاضي يقولي انا ولد ابو جاسم يارباه عليه ..

هند : ههههههههههههه

شوق تنصدم مرة وحدة وتناظر هند : ولد ابو جاسم !! لايكون هذا الي بتزوجه !!

هند تنذهل : ايش ؟ ومن وين له رقمك

شوق بخوف : مدري

وطلعت من الوتس اب ولاردت عليه

عند جاسم : علامها ماترد ابخلصها وبقولها مين انا بس ايش اقولها ؟؟ خطيبك ؟ لسة ماخطبتها ؟ زوجك لسة ماتزوجنا .. الي بتتزوجيه ايه افضل حل

دخل المحادثة وكتب : انا زوجك مستقبليا ياست شوق ^_^

شوق شافت المحادثة من الشاشة وفتحت فمها : اي قلت لك هذا هو شفتي شفتي

هند تضحك : طيب علامك باقي شوي وتبكين ؟؟

شوق : ابكي عشاني بتزوج غصب عني ولاانتي تدرين

هند فاتحة عينها : أيش ؟؟ لسة متعلقة بخالد!

شوق تناظرها : بيني وبينك ايه اناا اصلا مادري شلون بتزوج واحد غيره

هند تضربها على كتفها : لو يبي يتزوجك كان جا تقدم لك من زمان مو يعلقك ويسافر

شوق بتانيب ضمير : حرام عليك لاتقولين عنه كذا ترا خالد غير بس الظروف

هند بدون ثقة : اشك ظروف ..

عند جاسم وهو منسدح على السرير يناظر الساعة 2:45 : لسة ماردت والوقت تأخر انا نعست بنام احسن لي وبالطقاق جعلها ماترد ..

على صوت الاذان قعد مد يديه فوق يتمغط << هههههههه

راح الحمام اكرمكم الله غسل وجه وتوضى وراح المسجد بعد ماقعد ابوه واخوه فيصل

وصلو .. في الطريق رجعتهم

أبو جاسم : ياجاسم بكرة الخطوبة

جاسم فاتح عينه على الاخر : هاا .. يبه بس انا مو مستعد لباجر خلها بعد اسبوعين

ابو جاسم : ليش اسبوعين .. وايش فيك مو مستعد قلت لك بكرة الخطوبة وخلاص والعرس انتو حددوا

فيصل يناظر جاسم بنظرة الله يعينك ياجاسم ويصبرك ..

دخل جاسم غرفته وسكر اللمبة وجلس على الكنبة حط ايده على راسه .. يفكر

شلون بين يوم وليلة ودخل الوتس اب شافها ماردت .. قرر ان يقولها ان بكرة الخطوبة

جاسم : اقول جهزي حالك ترا بكرة الخطوبة ..

عند شوق بعد ماصلت انسدحت ولاعبرت التلفون

هند : شوقو بعد بتنامين قووومي مليت

شوق : احلفي بس تبيني اقعد كذا بنام تعبانة اصلالا

هند تاففت : طيب باخذ جوالك بلعب فيه

شوق : طيب .. وحطت راسها ونامت

فتحت هند التلفون وشافت المحادثة من الشاشة : اقول جهزي حالك ترا بكرة الخطوبة

شوق فزت : ها ايش ؟ من قال هالكلام

هند : جاسم مرسل لك هالكلام !

شوق وقلبها يدق :ششلون بكرة ؟ وامس مكلميني بالموضوع مايصير خل ينطرون

هند : مدري والله اقول انقلبي نامي وبعدها افراج

شوق : كيف انام بعد ماسمعت هالخبر ..

الساعة 1 الظهر طلع جاسم من البيت وحرك سيارته وراح شغله

في الشركة ..

جاسم : يابو ناصر علامك ؟ ليه مو مداوم صار لك اسبوع ولا خبرتني ولا شي !

ابو ناصر : يااستاذ جاسم سامحني بس صادتني ظروف

جاسم : طيب على الاقل اتصل خبرنا

ابو ناصر يقعد : تبي كف ولا ايش قلت لك ظروف

جاسم يضحك : طيب اعصابك بابا الا ماقلت لي مشعل شخباره ؟ ليه صار مايجي

ابو ناصر : مشعل من تزوج ماعاد له وجه

جاسم تذكر الزواج وانعفس وجهه : اممم

ابو ناصر : طيب انت متى ناوي تتزوج

جاسم تنهد : والله ياخوي بكرة

ابو ناصر منذهل : ايا الزفت ولاتخبرني

جاسم حط ايده على خده : احلف بس .. اقولك بكرة تقولي ماخبرتك انا مو مستعد اصلا مو مهيئ

ابو ناصر : ههههههههه اقول كلهم يقولون كذا بعدين بتصير زي مشعل

جاسم : اذكر ربك ايش اصير زي مشعل . . مشعل مجنون

ابو ناصر : هههههههههه وانت بعد مجنون

جاسم : اقول تلايط لا اصكك بالملف ذا عطيتك وجه انت وخشتك ..

ابو ناصر يضحك : انا بحترمك وبسكت وباكل تبن عشان زواجكك بكرة

جاسم : هههههههه طيب تلايط تلايط ..