الجـــــ(2)ـــزء
ونا أدخل غرفتي ..
زهره : أحمد أحمد ..
انا ألتفت ببتسامه : نعم
زهره بحزن وناظرتني : وشي اللي صااير بيينكم
انا رآفع عيوني لسماء: ممممم ولا شئ .. بس قلت لمشعل حاجه وزعل
زهره بحزن تناظرني : وشي ..
أنا تنهدت : تدرين عااد ..حتى انتي لازم أخبرك
زهره : ترآك خوفتني ..وش السآالفه
>> آه وش أسوي .. أستجمعت كل قوتي وقلت لهاا الساالفه كلللها << ..
نزلت دموعها ببطئ ..
زهره وهي تمسح دموعها : والله مألوم مشعل فييك .. كييف تسوي كذا
انا ببتسامه خبيثه وتسندت ع الجدار : وش دعووه شآيفيني إرهابي ! ..
زهره ضمتني : أحممد .. والله مدري وش أقوولك
انا ضميتها وأكتفيت ببتسامه : خلاص زهره ..الحممدلله مآصآر شئ .. ربي بيعنني عليها
زهره تمسح دموعهاا : الله يخلييك لي ..
مادريت إلا مشعل بجنبي : ونااا ماتبيني
زهره لصقت بجنبي : بسم الله يممممممه يأحممد .. مشعل يخوفني داايم يطلع لي حتى بالييل
مشعل قررب من زهره و حط يدينه على وجه زهره : لاا والله .. طيييييب اليووم موعدك بطلع لك بالييييل وأسويلك كم رعب
زهره : والله بعذري بك تووحش .. كلما إلتفت لقييتك بوجهي .. بسسم الله
انا بضحكه:هههههه شكل الوقت ضاايع معااكم .. الحيين انا كم لي سااعه وانا أقوولك أبي شوور هآآه كم
مشعل بتتعجب : إلى الحييين يالباارد يالثلج مادخلت الحماام ولاتخااف ! .. أجيي أروشك حبيبي ^^
زهرة ماتت ضححك : ههههه يقطع شررك من ولد .. خل أحمد يرووح .. يالله أحمد ضف وجهك وتروش
مشعل: يالله أجججل .. برووح انا طيرتوا النوم عني
انا ببتسامه : يالله مع السلامه وسكرت البااب .. <<وكلن رااح لغرفته <<
..
بعدد ماطلعت من الحمام ( أكركم الله) .. وبدلت ملابسي
لبست بنطلون جينز سماووي وتي شيرت خضرآء مخططه بأسود .. وانا أشووف وجههي في المرايه
.. يآآآلله بالحيييل وجهي متغيير.. صااير مشحووب وماايل لصفاار .. وصااير نحيييف .. من قبل كاان جسمي
حللو وزيين على قولة مشعل كأني عاارض أزيااء .. بس الحيين صااير تقل مسوااك .. بالمرره نحييف ..
حتى لحيتي صاارت عواارض .. كاانت من قبل سكسوكه بس طالت وحطيتها عوارض .. تغير شكلي تمآمآ عن قبل
طلعت من دائرة تفكيري على صووت جوااالي ,,
((مازن يتصل بك ))
انا .. كأني رجعت لذااكرة الجاامعه .. ياااه ماازن .. يتصل فييني !
وجلست على سريري وعدلت صوتي .. أحم
رفعت جوالي ,,
ماازن : السلام عليييكم ..
انا بفررح : وعليييكم السلاااام هلا وو.. وقااطعني
ماازن: انا تحت أنتظظرك
انا بتعججب : إنت تحت .. طيب طيييب هذاني نززلت
..
وانا أسكر بااب البيت ..
ألا وأشووف ماازن .. ماشااء الله كما كاان .. هو هو .. ماتغيير ..
طويل ماشاء الله وجسمه عادي ، أسمر ، مملوح تبارك الله وفيه غمازات ، شعره كثيف وأسود حيل .
ماازن ضمني : هلااا والله بصدييق الرووح . هلاا والله
انا ببتسامه : هلاابك والله عااش من شاافك .. حيااك
ماازن بعد عني شوي : الله يحيييك .. وش الأخباار / وش العلووم / وش الدنيا بك
انا ببتسامه : والله أخبااري تمااام الحمدلله .. ودنيااي الحمدلله
ماازن : يااخزيااه منك جييتك بهالوقت .. وانا منقططع عننك لاتشوفيني ولا أشوفك
انا : عذرك معك يااخووي ..
ماازن : تسلم والله .. هآآه سلاااماات وش فييك .. صاااير نحييف وهزييل وهاالاتك مهوب عاجبتني وش فييك
انا : أببببد والله تعررف .. صااير مأكاال ولا أششرب .. وحبيت أضيع السالفه ( أسوي رجييم )
مازن بضحكه هستريه : هههههه إنت .. حمووود عاارض الأزياء يسوي رجييم .. ماشااء الله إرجع لجسمك من قبل وبلارجيم ولاخرآبيط
انا بضحكه : ههه يقطع شررك .. يووه إنت للحين واقف تفضضل .. تفضضل أقلطط
ماازن مسسك يدي : لااويين أنت .. مااني دااخل .. أكيد فييه أخواانك .. وماحبيت أزعجك بس جييت أسلم عليييك وأشوفك
انا : ماايصصصير إنت ووجهك بلا ملاااغه وأدخل وإنت سااكت
مازن ببتسامه : تككفى لاتحرجني ؟. والله الوالده تبيني بمشواار
انا : اها / أججل مأعطك رح لأمك ..
مازن : تسسلم والله ..يالله أججل أسئذن تبي شئ منا ولا منا
انا : أبي سلاامتك ..
ماازن ركب سيارته : سسلام . مالله . إن شااء الله بيننا إتصال
أنا : أمننك الله .. إن شااء الله
>> طبعآ .. مازن مٌجرد زمييل في الجامعه أكببر مني بسنتيين ^متخرج ^.. .. شخص حبيييب وطييب الأخلاق
والمياانه يطقها على طووول ماشااء الله علييه ..
.. وانا أفتح الباب ..
أنتبهت إني مسكر البــاب .. / يووووة ..صححح انا شلوون سككرت البااب .. والله من الذكااء الخارق
.. حتى مامعي ولا جوآآل << من الفررحه بماازن نسييت ^ــ^ ..
رنيت الجرس وبعد 10 دقاايق .. فتحت لي الشغاله
.. ودخلت ورقييت فووق وعلى طووول لغرفتي تعباان ونعسان تقريبآ لي يوميين ماذقت النووم
.. وغطييت في سباات عمييييييييق
....
من بكــرة .. الساعه 4 إلا ربـع الفجـر
زهره : أحممممممد ,, أحمممممد .. هيييييه ولددد يالله قم
انا فيني نوم : هممممم ..
زهره: وشي اللي هممم .. يالله بسس قم قم لا أجييب الموييه .. تراى دايخه أبي أاانااام
انا قمت شووي: يالله .. كمم السااعه .. وأشوف ساعاتي ~ 4 إلا ربع
زهره : ترآآه أذن .. وقومتك .. يالله برووح أقووم مشعل
انا قمت من السرير: طيب ..
طلعت زهره .. ودخلت الحمام ( الله يكرمكم ) .. وبعد ماخرجت .. وانا طاالع
مشعل حاط شماغه على كتفه وبملل : السلام علييكم
انا ببتسامه : وعليييكم السلام .. هآآه نمت زين ولا قطعنااك
مشعل بتثاؤب : لااا الحمدلله نممت زيين ..
انا يالله تأخرنا الحيين بيقييم ..
"
"
..>>بعد ماطلعت من المسجد ..<<
أبو صالح ألتفت لي وببتسامه : السلام علييكم ,, حياا الله ولدي احمد
انا ببتسامه وسلمت عليه وحبيت راسه : وعلييكم السلام .. الله يحييك ياعم
أبو صالح : وش أخباارك يااولدي .. والله من زماان ماشفتك ..
انا : والله الحمدلله بخيير .. يمكن يااعم عشاان أطلع من الباب الثاني .. يصير أقرب من هذا
أبو صالح : أييه الحمدلله .. وش أخباار أخواانك .. إنكانكم تبون شئ ياولدي ترآني عندكم ، تبي حاجه ، آي شئ أنا عندكم
انا أنحرجت مدري شاقول .. بس قلت : أببد يااعمم .. مااتقصصر .
أبو صالح : على خيير إن شااء الله .. تبي شئ
انا : أبي سلامتك
ورآآح أبو صاالح ..<< يااحلييه .. هذا جارنا .. دايم يسأل عني .. وعيااله كلهم متزوجيين ماشااء الله .. طيب بالحيييل ..الله يخلييه لعياله ويخليهم له >>
وانا أدخل البييت ... ماشفت أحد .. *شكل مشعل ناام* .. رقيت لغرفتي
.. دخلت غرفتي .. وجلست على سريري ( متمدد) .. الحييين بقى أسبووع على الدرااسه
الله يعيين ..لازم أروح اليوم لبو عزام عشــان يتيغر نظامــي من صباحي لمسائي << والله لو الله ثم بو عزام كاان حياتي رآيحه فيها !
.. فتحت الدرج اللي فيه الفلوس .. وجلست أعدهم .. صااروا 5 ألاف فقطط ..
يااربي .. متى أدفعهم وأخللص وأفتكك ., أبي أرتااح ,, ياالله كييف أبووي مرتااح وهو عاايش بهالديوون ..
ودخلت الفلوس بالدرج ... وجلست . يااربي حتى النوووم مااجااني .. قمت أخذت القرآن اللي فوق طاولتي ..
وجلست أقرأ قرآن لحد ماطلعت الشمس وأشرقت .. سكرت القرآن .. شفت ساعاتي .. *7* .. بقى ربع سااعه على دواامي ..
قمت ودخلت الحمام وتروشت وطلعت .. ولبست بدله رسميه .. <<< لأن الشركة تمنع آي واحد يلبس ثوب ^^
وانا أعدل الكرفتا حقتي .. رن جوالي .. وشفته .. (( معاذ يتصل بك )) .. << هذا وااحد من الشركه بعد ماعدلت الكرفتا حقتي .. رفعت السماعه ..
معاذ : السسلام علييكم .. صبااح الخيير
انا ببتسامه : وعلييكم السلام .. صباح النوور
معاذ : هآآه .. كييفك وش أخبارك
انا : الحمدلله بخير .. إنت وش علوومك سلامات ليش غاايب كل هالأياام
معاذ : والله تعرف حرمتي ولدت يوم الخميس .. و الجمعه عطله ولا قدرت أجي السبت ولا اليووم
انا بفرح: مااشااء الله .. مبرووك .. هآآآه بنيه ولا ولد
معاذ : الله يباارك بإياامك .. لا ولد
انا : ماشااء الله .. الله ينبته نباات حسسن ويسخره لك ياارب
معااذ : الله يسلمك .. والله حبييت أتطمئن علييك .. لكن بغييتك بشغله
انا ببتسامه : تسلم والله .. سسم وش بغييت
معاذ : بغيت رقم فاايز ..
انا : لحظه أعطييك آياه ..
وبعد مالقيته .. عطيته الرقم .. تشكر وسلم .. وسكرت السمااعه ..
ورجعت أعدل شعري .. وأخذت أغراضي وطلعت ..
..
"
"
>>وانا بشركه <<..
على طووول رحت لغرفة المدير اللي هــو ^بو عــزآم^ <<<< عشاان أقوله بــعد أسبووع أبي يتغير نظامي من صباحي لمسائي
انا : أحم .. السلام علييكم
المدير مشغول بالأوراق : وعليكم السلام
انا قرربت لحد طاولته ومديت يدي : هلا والله بو عزام
المدير رفع راسه : هلا هلاا والله وغلا بولدي أحمد
انا أنحرجت : هلاابك
المدير : خيير ياولدي بغيت شئ .. وأشر بإيديه على الكرسي ... تفضل تفضل
انا جلست : تسلم والله .. بس بسألك
المدير : الله يسلمك .. خيير ياولدي
انا : الخير بوجهك .. والله يابو عزام تعرف الدرآسه مابقى لها إلا أسبوع وتجي ومثل العااده أبي تحول لي نظامي من أول يوم السبت * الأسبوع الجآي * إذا ماعليك كلافه
المدير ببتسامه : من عيوني ياولدي إن شاء الله مايصير خاطرك إلا طيب .. خلااص بعد أسبووع وجيب أوراقك
انا بفررح + إبتسامه : تسسلم والله .. ربي يووفقك .. والله فرجتلي فررجه يااعمم ..
المدير ببتسامه: والله مااسوييت شئ يااولدي ..
* وبعد السؤآآل عن الأهل والأحوال .. طلعت متوجه لمكتبي * .
دخلت .. وسلمت ..
الكل : وعلييكم السلاام ..
كلن مشغووول ... وبصرآآحه ماتعمقت بصدااقة آي شخص .. لأنهم أكبرمني بكثييير وكذلك أفضل الوجود لوحدي ..
..
الساعه 11 ... إنتهاء دوامي ..
سككرت الأوراق والملفات..
وطلعت من الشركه .. متوجه للبييت ..
....
>> والحمدلله مرررت الأياام بسسرعه كلمح البصر .. وجاااء يوووم الجمعه <<< أخر يوم من العطله الصيفيه <<
..
بعد صلاة العصر .. طلعنا من المسجد انا ومشعل ..
متوجهيين للبييت ..
دخلنا البييت ,, وكلن جلس بمكانه المعتاد ..
مشعل متمدد بكسل: يااااه .. بككرة أوول يووم .. واليووم أخر يووم
انا بأستهبال : صصدق .. تووي أدري إن بككرة أول يووم .. ليش ماعلمتني
مشعل بإستهباال : مممم مادرييت إنك غبي ولا تدري عن الأيام
انا : أقوول يالله بسس ..وعطني الريمووت بشووف وش فييه
مشعل أخذ الريموت وأشر بيده لعلامه ( لا ) : لالالا ياحبيبي ..تبيه تعال خذه
انا بملل : مشعلووووه .. مهوب رآيق لك .. تدري عااد .. من زماان ماتهاوشناا
مشعل مستانس : أيه والله من زماان .. مشتهي اليووم أكفخ أحد .. زيين أنت جيت
انا : مشعلووه .. تككفى كسسل أقووم .. عطني بسسرعه الريمووت
مشعل : نو نو .. قم .. وش عنددك يادب
انا : حرآآم علييك كل هالنحف وتقوول دب
مشعل : تضييع الساالفه إنت ..
... وطبعآ كالعااده .. قممت وتهاوشناا ,, بس هالدب جلس عليي شووي ولا انا رااايح فييهاا ..
وبالأخيير قدرت .. أخذ الريمووت منه .. بعد مٌعاناة ^^..
مشعل بتوجع : أخخخخخ .. تعورني يدي .. كله منك
أنا بفررح : أحسسسسسسسن .. قلتلك .. يالله وين أبو عضلاات .. الله يخلف . أذلف زين دروسك وأشتري لك دفاتر
مشعل بقههرر : كلك تببن .. أييه صحح الدفااتر نسييتهم ..
انا بملل : وااااه .. يااقدم الدفاتر ..
مشعل : أسسمع .. عطني 50 بإشتري دفاتر وأقلام لي ولزهره
انا ببتسامه خبيثه : طيب .. وطلعت بوكِ وعطيته .. ورآآح فووق .. عشان ياخذ طلبات زهره وططلع
.. رقييت فوووق ..
أشووف .. وش نااقصني من كل شئ ..
ولما شفت الأشياء الناقصه .. أستنيت مشعل عشان أطلع << لأني ماأقدر أخلي زهره لوحدها
.. وطلعت وجبتهم .. <<< طبعععآ دوآمي بجامعتي يختللف ! مو مثل الجامعات الثانيه اللي مايداومون إلا بعد أسبوع من الدرآسه .. انا أبدأ مع الطٌلاب الأسبوع الأول
"
"
"
في يووم السبت ..
بداية العاام الجديييد ..
بداية كآي عام جدييييد ..
مدري ليه .. كل مامرت سنه جدييده
مو مصدق .. بكممل السنه الرآبعه بدوون أمي ..
آه .. أتذكر كلمات أمي لي .. أتذكر حنتها علينا ..
قومتها الصباح .. أتذكر كلامها بكل لحظه .. يمه .. مييين يجبر همومي غيرك .. مين يسليني غيرك !؟
يمه .. من يساعدني على هالدنيا غيرك .. ياحلو كلمة يمه ..
ولافييه أحد بهالدنيا بيحس بطعمها إلا لافقدهاا .. أحس بالأمان لمن أسمعها .. يمه من بعدك دنيآي
محتاسه .. دنيآي مدري كيف بقدرها .. أجيبها من وين ولامن وين .. !؟
......
الساعه 6 ونص .. قممت
إلتفت يميين .. ماشفت زهره ..
بالعاده تجي تقومني .. قممت بسرعه
ودخلت الحمام .. ( الله يركمكم)
ولبست ملابسي وأخذت جوالي وأغراضي ..
وطلعت ..
وانا رايح لغرفة زهره .. فتحت االبااب
..
أحم ..
انا : زهره .. زهره .. زهره
زهره : هآآآآه
انا قربت وجهي لمها : يالله قوومي الصبح.. ورآآك مدرسه قوومي
زهره قاامت بسرعه : وشوووو .. وهي تعرك عيونها .. مدرسسه .. ككم الساعه
انا وأشوف ساعتي : الساعه 7 إلا ربع قوومي بسسرعه يالله يمديك
زهره قامت من السريير : طيييييب .. من اللي بيوديني .. إنت ولا مشعل ..
انا : لالا انا بودييك .. مشعل قااالي أمس إنه مووو رايح
زهره : طيييب خلاص ..
وطلعت من غرفتهاا ..
على غرفة المعيشه ..
جلست على أحد الكرآسي ..
ومادري لييه تذركت .. قبل 3 سنوات
كييف كاانت حياتنا .. كييف كانت أحلامنا .. كييف كاانت أفراحنا وأحزاننا ..
يمممه .. متى بشووفك .. أشتقت لك حييييل .. أبي ضمتك لاصارت همومي على رآسي ..
ويينك تخففين عني .. موتك هد حيلي .. يمممه ويينك !؟ .. وخرجت من دائرة تفكيري على صوت زهره
زهره : السلام علييكم
انا مدنق رآسي أكل : وعلييكم السلام
زهره وهي تجلس فرحانه : هآآه .. وش أخباارك .. ياسسلام انا اليوووم مستاانسه أقووى شئ ..
انا بفرح : ماشااء الله .. الله يووفقك بدرااستك .. وهآآه الله الله بدراسه عااد..
زهره : إن شااء الله .. بس تصدق .. انا ماتمنيت كثر ماتمنيت لحظتي الحيين مع أمي .. ياليتها بجنبي .. أقدر أفضفض لهاا
انا ببتسامه : وانا ويين رحت .. أببد انا معااك .. وإن كاانك حاسه بشئ يضايقك تكلمي .. فضفضيلي .. والله إني أحس باللي تحسينه .. بس الحمدلله عندك أخوو يسعدك بدنياك كلللها ..ولا مأعجبك كلامي !
زهره ببتسامه : ووش دعووه .. والله إنك الأنسان الوحييد الي يفهمني .. تصدق أحمد .. إنت قووة تغيرت .. أحسسك شخص كل يووم تتقرب مني أكثثر .. مدري لييه .. أنت قووة تغيرت ..
انا ببتسامه : تسلمين والله .. بس عساني تغيرت للأحسسن إن شااء الله
زهره بضحكه : هههه أييه أكيييد ..
انا أأشر على الاكل : زهره لييش ماكلتي يالله . ((وانا أتكلم باللهجه المصريه)) ... يالله يابنتي دنتي لازم تتغزي دنتي نحافانه أووي
زهره بإستهبال : أيووة يابابا عشاان المدرسه .. دنا شترة أوووي
انا بضحكه : هههه .. يالله بس كوولي .. تأخرررنااا حيــل
زهره تأكل : يالله يالله هذاني جاييه
...
وطلعنا على سياارتي .. وحركت ..
ووديت زهرة لمدرستها .. ورحت للجامعه
ودخت الجاامعه ,,
وشفت ساعاتي .. 7 ونص ..
وانا مااشي ..
إلا جهاد أشووفه من بعييد يأشر علي ..
مشيت لمه لحد ماوصلت ..
انا : السلام علييكم
الكل : وعلييكم السلام
جهاد : حيااك الله .. هآآه بتدخل المحااضره ولا لاا
انا بإستهبال : لا أحترييك لمين تجي ..
جهاد ببتسامه: لا والله صدق .. لأني بنحاش مالي نفس أدخل ..
انا : لا والله يالحبييب .. مشتاق أنا لمحاضرات المهندس مصعب قووووة
جهاد بضحكه : ههه .. يالله أججل تاامر على شئ برووح انا والشبااب
انا : سلامتك .. ومشييت متجه للقاعة ..
بعدما .. دخلت .. ولا لقييت لي مكاان ..
ونا أدووور لي .. أشووف وااحد يأشر علي إنه فيه مكان بجنبه ..
جلست بجنبه ..
وسلمت علييه
انا ببتسامه : السلام علييكم .. مشكور
ـــ : وعلييكم السلام .. العفووو ..
..
"
"
"