06-08-2013, 10:11 PM
|
| |
البارت الثاني تدخل للقاعة وكل الطالبات يسكتون لدرجة تحس القاعة ما فيها احد المعلمة دلال: بنات شوفوا يمكن تتأخرون نص ساعة عن وقت الطلعة وأولياء أموركم راح يعرفون بالطبع البنات سكتوا بسبب معالم وجهه المعلمة دلال اللي باين عليها التعب والتعصيب الكاتبة تروح المعلمة دلال لجهة المعلمات اللي كل وحدة ماسكة جوالها وتكلم زوجها ولا أهلها حتى القبيلة كلها عرفت بالسالفة المعلمة مشاعل> معلمة الإنجليزي تذكرونها: وش سار دلال المعلمة دلال: والله ما أدري يقولون البنات مراح يخلصون لين نكمل التحقيق ويمسحون بصمات وأدلة وخرابيط توجع الرأس المعلمة سعاد بصوتها المرتجف اللي يالله ينسمع: البنت ماتت > بالقمة هذا سؤال المعلمة فاتن: أنهبلتي البنت أكيد ماتت موب قطوة بسبع أرواح المعلمة مشاعل: أيــه والله شفتي الجثة المعلمة دلال: ايه يبوني أتعرف عليها المعلمة فاتن: ومين طلعت المعلمة دلال: تعرفون مرام سعاد تصرخ بقوة وكل البنات سمعوها: مرام صالح الـ... المعلمة فاتن تسكتها: اشش الحين وش يسلمنا من البنات دلال: اساستا بيعرفون من هينا ولا من هينا البنات يتهامسون (( فيه مجموعة من البنات كانت جنب لمياء وسمعتهم يتكلمون)) البنت1: لا ما أصدق مرام ما غيرها حرام البنت2: تستاهل مو الموت الفضيحة أمثالها ينفضحون أحسن البنت3: أنا سمعت من وحدة واثقة فيها إنها تكلم شباب وتحظر حفلات وخرابيط البنت1: اماااااا عاد وين أهلها منها ------------------ لمياء تكلم العنود: صح اللي يقولون العنود : والله ما أدري بس الله يستر على البنت خلاص ماتت زهور: هذي البنت مالها ذنب إشاعات أنا أسمع أخلاقها زينة وبنت ناس لا تنغرين بكلامهم --------------------------------------- في المدرسة - المحقق حمد الشرطي: حضرة المحقق وصلت نتائج الفحص الشرطي يمد الملف: هذا هو المحقق حمد جاء بيفتحه إلا باتصال على جوالة المحقق: ألوو ....: السلام عليكم المحقق حمد: وعليكم السلام العقيد بتوتر: حمد كيف التحقيق المحقق حمد: تمام تو البصمات وأصلة وهي اللي بتحدد وش السالفة العقيد: ما فيه حاجة خلاص المحقق حمد: كيف خلاص العقيد بحزم: أسمع أسحب الوحدات وخلص التحقيق لأن ما فيه جريمة ولا أيش بس بنت أنتحرت وخلاص سكر الموضوع وبنكتب في التقارير إنه حادث عادي المحقق حمد منصدم : ليه وش سار قلي السبب العقيد: جأت أوامر من ناس كبار وحنا لازم نسكر التحقيق المحقق حمد يصرخ: بس هذا حرام يمكن يكون بفعل فاعل وكذا حنا نتستر على المجرم العقيد بقوة : لا تتجاوز حدودك واللي قلت يتنفذ وإلا تجيني إستقالتك الحين المحقق حمد سكت وأستسلم: خلاص بسحب الوحدات ( ويسكر الخط) ---------------------- المحقق بقهر وقلة حيلة : يلا أسحبوا الوحدات وأجمعوا الأدلة في ملف ما فيه أي قضية الشرطي: عــلــم ------------------------------------ في المدرسة- قاعة المحاضرات تدخل المديرة وهي شاقة الأبتسامة البنات يتهامسون المعلمة دلال: بشري وش سار (( الكل يترقب وش بتقول)) المديرة: لا الحمد لله ما فيه شيء غير تحقيق عادي المعلمة مشاعل تهمس: والجثة المديرة تهمس: الحين تجي سيارة الإسعاف تأخذها وينظفون المكان ( خلينا نختصر أسبوعين وقفت المدرسة بسبب الحادثة وبعدها رجع البنات للدراسة وبعد شهر من الحادثة) مرت شهر على الحادثة وبطبع بالبداية الكل تكلم عنها ووش سار بس هدى الوضع ونسوا السالفة في المدرسة – عند لمياء- الفسحة لمياء تضحك: تستهبلين وأبلة فاتن وش سوت العنود: يعني وش بتسوي غير إنها طلعت ووجها معصب لمياء: حرام فشلوها العنود: تستاهل من قال لها تتكلم عن الذوق والماركات وهي ملابسها من التخفيضات لمياء: بس مو يفشلونها عاد تمر المعلمة سعاد وهي تشيل كرتون ملفات وباين علية ثقيل: السلام عليكم بنات لمياء والعنود: وعليكم السلام ( سعاد جات بتمشي) لمياء: أستاذة عادي أساعدك العنود تهمس لها: وش تساعدين طنشيها وخلينا نهج لمياء بهمس: حرام شوفي الكرتون المعلمة حبوبه ما تستاهل سعاد : لا حبيبتي لا تتعبين نفسك لمياء تتجاهل العنود: لا أستاذة عادي ( وتأخذ الكرتون وتمشي مع سعاد) العنود تنادي لمياء: لمــياء تلقيني عند الكافتيريا لمياء والكرتون في يدها: أوكي ( تدخل لمياء وسعاد غرفة المعلمات) سعاد: حبيبتي إذ ما عليك أمر حطيها على مكتبي ورتبي الكراتين الثانية أنا شوي بجيب الكرتون الثاني وبرجع أنتظريني لمياء: حاضر ( وتطلع سعاد) لمياء وهي ترتب وفي نفسها: ( والله هالأستاذة طيبة بس خوافة كل دقيقة أسفه وأسفه بس ما ألومها أي غلط يمكن يقطع في رزقها) (( خلصت لمياء وقررت تطلع وتنتظر سعاد بر أحسن)) لمياء واقفة عند الباب تشوف المعلمة سعاد جايه ووجها مزرق خوف لمياء: أستاذة فيه شيء المعلمة سعاد بتوتر: هاا ولا شيء خلاص روحي لمياء طنشت السالفة وراحت تقابل العنود المدرسة-الحصة الخامسة- حمامات المعلمات تدخل أبله فاتن الحمام ومعها جوالها تكلم معصبة فاتن : أسمع يا رجال أنا شغل باشتغل وإذ مو عاجبك حلال عليك تزوج بس ورقه طلاقي تجيني فـــــااااهـــم ( وتسكر الجوال)>> تكلم زوجها الكاتبة تتنهد فاتن معصبة من زوجها ومشاكلة اللي ما تخلص وتفتح صنبور الماء تغسل وجها إلا بصوت شيء يطيح ----- فاتن: فيه أحد ......>> لا رد فاتن: ( معقولة وحدة من المعلمات وسمعت كلامي يا فضيحتي) ( تشوف فاتن شيء كأنة زجاج جنب باب أحد الحمامات)  وتجي بتأخذها إلا هي إبرة وفي طرفها دم فاتن بسرعة شافت من تحت فتحة الحمام اللي تحت رجل ومن دون تردد فتحت باب الحمام وشافت سعاد جالسة على المرحاض ووجهة لونه أزرق فاتن بأقوى ما عندها صرخ وأغمى عليها ((( تعمدت يكون البارت قصير علشان يكون فاصل بين البارت الثالث واللي هو بداية الشخصيات )) الشخصيات الرئيسية بتطلع في البارات القادمة يعني إلا الحين ما طلع الأبطال وبدأ الحماس سعاد كيف ماتت ووش قصتها؟؟؟؟؟ هل هذي نهاية الحوادث الغريبة أم لا؟؟؟؟؟ بعد إغلاق التحقيقات ماذا سيحدث هل سيتدخل أحد أم لا؟؟؟؟؟؟ من متابعتك فيه شخصية أعجبتك؟؟؟؟ أكمل ولا لا؟؟؟؟؟ توقعاتك للبارت الجاي؟؟؟؟؟؟ ((( أسفة للقصر البارت لكن بداية الحماس في الجاي))) |